දන්නවද හරියටම butter cake හදන්න?

0
2558

Butter cake කියන්නෙ ඕනම කෙනෙක්ට හදන්න පුළුවන් වගේම හදන්න දැනගෙන ඉන්න ඕන දෙයක්. ගෙදර අයව පුදුම කරන්න හදල බලන්න හරිම ලේසියි.

ඕන කරන්නෙ මෙන්න මේ දේවල් :

  • බටර්/මාගරින් 250g (දියවෙන්නට තබන්න)
  • සීනි 250g
  • බිත්තර 250g (බොහෝවිට බිත්තර 5ක්)
  • පාන්පිටි 250g
  • බේකිං පවුඩර් තේ හැඳි 2 ½ (බිත්තර 1කට තේ හැඳි ½ක්වන පරිදි)

හදාගන්නෙ මෙන්න මෙහෙමයි :

පළමුව සීනි සහ බටර් ගසාගන්න. ඊළඟට බිත්තර එකතුකරගන්න. පිටි සහ බේකිං පවුඩර් එකට පෙනේරයකින් හලාගෙන හැන්දකින් මිශ්‍රණයට එකතුකරගන්න. තෙල් කඩදාසියක් දමාගත් තැටියකට දමා වැඩිම උෂ්ණත්වයන පැය භාගයක් පමණ බේක්කරගන්න.

කියවන්න :  බබාට සෙල්ලම් බඩු ගොඩක් ගන්නවාද? එසේනම් මේ ගැනත් සිතන්න

කේක් එක වඩාත් රසවත්කරගන්න :

*වැනිලා තේ හැඳි 1ක් සහ කිරි තේ හැඳි 2ක් එකතුකරගැනීමෙන් කේක් එක වඩාත් රසවත් කරගන්න පුළුවන්.

*චොක්ලට් චිප්ස්, ගා ගත් චොක්ලට් ආදිය එකතුකර වෙනස්ම රසයක් එකතුකරගන්න පුළුවන්.

*වියළි කජු හෝ මිදි එකතුකරගන්නවා නම් මතක ඇතිව පිටිටිකක තවරා එකතුකරගන්න.

*ආහාර වර්ණකයක් (food coloring) එකතුකරගන්නත් පුළුවන්.

.*බීටර් එකක් නැතිනම් ලී හැන්දකින් කලවම්කරන්න. ඇත්තටම ලී හැන්දකින් කලවම්කලවිට වඩාත් හොඳ ප්‍රතිඵලයක් ලබාගන්න පුළුවන්.

*වරකට එක බිත්තරය බැගින් වෙනම භාජනයකට කඩා එකතුකරගන්න. නරක්වුණු බිත්තර හෝ බිත්තර කටු මිහ්‍රණයට එකතුවීම ඉන් වැළක්වේ.

කියවන්න :  පොඩ්ඩන්ට පාසල් විවේක කාලයේදී කන්න රසවත් කෑමක්...

*බේක්කරන්න විදියක් නැතිනම් පොඩි වෙනසකටත් එක්ක හුමාලයෙන් තම්බන්න.

*ගොඩක්වෙලා බීට් කළොත් වගේම මිශ්‍රණය ගොඩක් වෙලා එළියෙ තිබ්බොත් කේක් එක හරියට පිපෙන්නෙ නැහැ.

*බේක්කරල ඉවරවෙලා කේක්එක අවන්එක ඇතුමෙ තිබ්බොත් කේක්එක පිපිල තිබෙන්නෙ නැහැ.

*අවන්එක අරින්න වහන්න ගියොත් කේක්එක හරියට පිපෙන්නෙ නැහැ.

*ටූත්පික් එකක් එබූවිට මිශ්‍රණය එහි ඇලෙන්නෙ නැතිනම් කේක් එක හරියටම බේක්වෙලා.

ඔබට මෙම මූලික කේක් එක හරියට හදාගන්න පුළුවන්නනම් රසට පිරිසිදුවට ගෙදරදීම උපන්දින කේක් එකක් වුණත් හදාගන්න පුළුවන්.

– කල්හාරී –