හැමදාමත් ආදරෙන් ඉමු

හැමදාම ආදරෙන් ඉන්න අපි හරිම ආසයි. ඒ වගේම එන්න එන්න ආදරේ වැඩි කරගන්න මොනවද කරන්න පුළුවන් කියලා ඔබට හිතෙනවා ඇති නේද? වෙනදට වඩා ආදරේ අඩු වෙලා කියලා දුක් නොවී අපි මේ දේවල් කරලා බලමු.

අලුත් පෙනුමක්

ඔබේ පෙනුමේ, ඔබට ගැලපෙන, ලස්සන පුංචි වෙනසක් කරගත්තොත් හොඳ නැද්ද? ඇඳුමේ, කොන්ඩේ, ඇහි බැමේ, ලිප්ස්ටික් එකේ, සපත්තුවල, මේ වෙනස ඔබව අලුත් කරනවා .

පරණ අඩුපාඩු

ඔබට ඔහුගෙන් චෝදනා ලැබෙන්නේ මොනවා සම්බන්දයෙන්ද? හොඳට මතක් කරන්න. ලිස්ට් එක දිග නම් කොලේක ලියා ගන්න. මේ හැම චෝදනාවකටම ලක්වන ඔබේ හැසිරීම වෙනස් කරගන්න. ටිකක් අමාරු වෙයි කියලා හිතුවත්, ආදරේට කරන්න බැරි මොනවද?

කියවන්න :  කෙට්ටුවෙන්න ආසනම් ඇතිවෙන්න කන්න

තෑගි

ඔබ ඔහුට තෑගී දෙන්නේ විශේෂ දවසක, විශේෂ හේතුවකටනේ. ඒ අතර වාරයේ ඔහුව පුදුම කරවන පුංචි පුංචි තෑගී දෙන්න. එය පුරුද්දක් කරගන්න.

උදව් කරන්න

ඔහු උදව් ඉල්ලන හැම විටම ඔබේ කැමැත්ත අකමැත්ත නොහිතා උදව් කරන්න. ඔබ විශේෂ කෙනෙකු බව වැඩිකල් නොයාම ඔහු තේරුම් ගනීවි.

කියවන්න :  පිම්පල්ස් ලේසියෙන්ම මට්ටු කරමු ද?

විනෝදාංශ

දෙදෙනාගේම විනෝදාංශයක එකට යෙදෙන්න. විනෝදය තරමටම සමීපත්වයද වැඩි වේවි .

දුරකථනය

නිතරම ඔහු අමතමින් කරදර කරන්න එපා. ෆ්‍රී වෙලාවක කෝල් කරන ලෙසට පණිවිඩයක් තබන්න. ඔහුගේ වැඩ රාජකාරි වලට ඔබ ගරු කරන බව පෙන්වන්න.

‘ඉතින් මහලොකු දෙයක් නෙමේ ඔය ටික’ මම කරන්නම්කො කියලා ඔබ හිතයි. ඒත් අමතක කරන්න එපා මේ හැම වෙනසකටම ඉවසීම ඕනා. ඒ නිසා මේ හැමදෙයක් අතරේ ඒ ගැන සැලකිලිමත් වෙන්න.

– චම්මි –

Previous articleලස්සනට නිරෝගිව ඉන්න, පුංචි අදහස් හයක්
Next articleවිශ්වාසයෙන් යුතුව සම්මුඛ පරීක්ෂණයකට මුහුණ දෙමු!
චම්මි ඉරේෂා කරපුටුගල
ශ්‍රී ජයවර්ධනපුර විශ්වවිද්‍යාලයේ ලේඛකත්ව සහ ජන සන්නිවේදනය පාඨමාලාව සමග ජාතික තරුණසේවා සභාවෙන් නිර්මාණාත්මක සංනිවේදනය ඇතුලුව රූපවාහිනී වැඩසටහන් නිෂ්පාදනය සහ වීඩියෝතාක්ෂණය හදාරා ඇත. රන්දිව ජාතික පුවත් පතේ විශේෂාංග ලේඛිකාවක ලෙසද,ශ්‍රී ලංකා සුමිත්‍රයෝ මෙල් මැදුර ආයතනයේ ප්‍රජා සංවර්ධන නිලධාරිනියක ලෙසද ,පිටපත් රචිකාවක ,වෙලද දැන්වීම් පිටපත් රචිකාවක ලෙසද අත්දැකීම් රාශියක් ලබාගෙන ඇත.ළමා පොත් 12කට ආසන්න ප්‍රමාණය ක් රචනා කර ඇති අතර ඉන් බොහොමයක් අන්තර්ජාතික සංවිධානය ක් වන රූම් ටු රීඩ් ආයතනය සමග සිදුකර ඇත.විනෝදාංශය ක් ලෙස කෙටි චිත්‍රපටකරණයේ නියැලෙනීය.