දීප්තිමත් නිරෝගී සමක් ලබාගන්න කැමති නම් මේ ආහාර අනිවාර්යයෙන්ම ගන්න..

දිදුලන නිරෝගී සමක් කියන්නේ සෑම කාන්තාවකගේම සුන්දර සිහිනයක්. ඉතින් බොහෝ දෙනා ඒ වෙනුවෙන් මිල අධික කෘතිම ආලේපන හෝ ස්වභාවික විවිධ ආලේපන ගල්වනවා.නමුත් අප එදිනෙදා ගන්නා ආහාර වලින් සමේ නිරෝගී බවට වගේම දිදුලන බවට විශාල බලපෑමක් කරන්නට පුළුවන් බව ඔබ දන්නවාද?

ඒ නිසා ඔබේ සමේ පැහැපත් බව වැඩි කරන එවැනි ආහාර පිළිබඳ කතිකාවකටයි ඔබ සමග අප මේ සූදානම් වෙන්නේ.මේ ලිපියට අමතරව කරුණු ඔබ දන්නවා නම් අපේ කමෙන්ට් තීරුවේ ඒ සඳහා ප්‍රතිචාර දැක්වීමෙන් අපට සහයෝගය ලබා දෙන්නට පුළුවන්.

පිසූ තක්කාලි Cooked Tomatoes

තක්කාලිවල අඩංගු Lycopene තක්කාලි රතු පැහැ ගන්වනවා සේම සමෙහි කොලජන් මට්ටම ඉහල දැමීමටද සමත් වෙනවා.පර්යේෂකයන් පවසන්නේ දිනපතා තක්කාලි ආහාරයට ගන්නා අයගේ සම හිරු එළියට පිලිස්සීමේ සම්භාවිතාව අවම බවයි.

කැරට් Carrots

මේ ගැන කිසිම පුදුමයක් නෑ.කැරට් බීටා කැරොටින් සහ විටමින් A පොහොසත් නිසා මැජික් වෙනසක් ඔබේ සම මත සිදුකිරීමේ හැකියාවෙන් යුතුයි.ඇස් වල නිරෝගීතාව ඔබේ රූ සපුවට මෙන්ම සෞඛ්‍යටත් ඉතා විශාල බලපෑමක් කරනව.ඒ වගේම සමේ විවිධ ගැටලු රැසකට කැරට් කියන්නෙ ඉතාමත් හොඳ විසඳුමක් .

බතල Sweet Potatoes

එළවළු සහ පලතුරු වලින් පොහොසත් ආහාර වේලක් නිරතුරුව ඔබට සෞඛ්‍යයමත්, ආකර්ෂණීය වගේම දිදුලන පෙනුමක් ලබා දෙනවා.

කහ Turmeric

කහ කියන්නේ පැහැපත් සමක් ගැන කතා කිරීමේ දී නැතුවම බැරි දෙයක්.එය සම ආරක්ෂා කරනවා .ප්‍රති ඔක්සිකාරක වලින් පොහොසත් නිසා ආසාදන වලින් වළක්වනවා .පර්යේෂකයන් විශේෂයෙන්ම පවසන්නේ සම වයසට යාම නිසා මෙන්ම hormone imbalanced ඇතිවන Dark pigmentation blotches, සුවපත් කිරීමේ හැකියාව මී පැණි සහ කහ සුසංයෝගයට හැකි බවයි.

කියවන්න :  පතිනියකගේ සටහන් -3

සැමන් Salmon

ඉතාමත් බල සම්පන්න anti inflammatory omega 3 සහ dimethylaminoethanol (DMAE) මෙහි අඩංගු නිසා නිරන්තරයෙන් ම නිරෝගී සෛල නිපදවීමට හේතුවෙනවා. පිලිකා කාරක සෛල වලින් තොරවීමට මෙන්ම,සමේ රැළි ඇතිවීම වැළැක්වීම,නිවැරදි මස්පිඩු ක්‍රියාකාරීත්වය මගින් තරුණ සමක් රඳා පවත්වාගැනීම කෙරෙහි මහත් සේ උපකාරී වනවා.

ගස්ලබු Papaya

ගස්ලබු අපට පහසුවෙන් සොයා ගැනීමට හැකි පලතුරක්.සමට,සිරුරට ගුණදායක එන්සයිම රැසකින් ගස්ලබු පොහොසත්.
papain,chymopapain,වැනි එන්සයිම ඒ අතර තිබෙනවා.කැළැල් මකා දැමීමට සහ සම පිරිසුදු කිරීම ඇතුලු කාර්‍යන් රැසක් ඉටුකිරීමට සමත් වෙනවා.

Yellow Pepper කහ බෙල් පෙපර්

සම නිසියාකාරව පවත්වා ගැනීමට වගේම කොලජන් නිපදවීම සඳහා විටමින් සී C ඉතාමත්ම වැදගත්.yello pepper ඉතාමත්ම ඉහලින්ම එම ගුණයෙන් යුතු වෙනවා.

Eggs බිත්තර

ඉතාමත් කාර්යක්ෂම ව සෛල ක්‍රියාත්මක කරවීමේ බලයක් හිමි බිත්තර විටමින් සහ අත්‍යවශ්‍ය පෝෂ්‍ය පදාර්ථ වලින් ඉතාමත් පොහොසත්.ඒ වගේ ම beauty vitamin ලෙස අන්වර්ථ නාමයෙන් හැඳින්වෙන biotin වලින් පොහොසත් .මෙම B කාණ්ඩයේ මෙම විටමින් වර්ග ය හිස කෙස් වර්ධනය ට,නියපොතුවල ශක්තිමත් බවට ඒ වගේම පර්යේෂකයන් පවසන්නේ ,acne,rashes,dryness වලින් සම ආරක්ෂා කරන බවයි .

Spa Water ස්පා වෝටර්

වෙහෙසට පත් ඔබේ සම detox water මගින් යථා තත්ත්වයට පත් කර ගත හැකි බව ඔබ දන්නවා වෙන්න පුළුවන් .ඒත් සමහර විට ඔබ තවමත් එය ඔබේ භාවිතයට නොගත්තා විය හැකියි .ඉඟුරු ද ඇතුළු ව ලෙමන් හෝ පැඟිරි කුලයේ කිසියම් පලතුරක් කුඩා කොටස් වලට කපා ගන්න .එය අයිස් වතුර භාජනයක තබා ඒ විටින් විට පානයට ගන්න .අක්මාව පිරිසුදු කිරීම වගේම ප්‍රතිඔක්සිකාරක වලින් පොහොසත් ,විටමින් C නොඅඩුව අඩංගු මෙම පානය සිරුරේ කාර්‍යක්ශමතාව වැඩිකිරීමට සමත්වෙනවා.

කියවන්න :  වසර විසි හතකට පසුවද සත්‍යය තවමත් හෙළිදරව් වී නැත."The truth is still out there" -The X files

Avocado අලිගැට පේර

සමේ පැහැපත් බව ගැන ,එහි තරුණ බව ගැන වෙහෙසන ඔබ අනිවාර්යෙන්ම ලබාගත යුතු පලතුරක් අලිගැට පේර.monounsaturated fatty acid වලින් පොහොසත් අලි ගැට පේර සම වයසට යාම නවතා තරුණ පෙනුම රැක දෙනවා.හිරු එළියෙන් සම ආරක්ෂා කරනවා .

ආහාර වර්ග තරමට මෙන්න මේ දේවල් ගැනත් සැළකිලිමත් වෙමු.

මනස සන්සුන් ව තබා ගන්න.

මේ සඳහා යෝගා,ව්‍යායාම්,සංගීතය,සාහිත්‍ය ඇසුරු කරන්න පුලුවන්.ඉන් ඉහළ ප්‍රතිපල ලැබෙනවා.

ආහාර රටාව

සම පෝෂණය කරන ආහාර රටාවක් අනුගමනය කිරීම වැදගත්.ඌෂ්ණ ආහාර නිසා සමට හානි වෙන්නට පිලිවන්.ඒ නිසා නිතරම ශරීරය සිසිල් කරන ආහාර ලබාගැනීම ඉතාමත්ම වැදගත් .

නිවැරදිව මුහුණ සේදීම.

මුහුණ සෝදන විට අතුල්ලන්න ට එපා.සම ඇදී යාමට හැකි යි.ඒ වගේම සබන් භාවිතය ද නොකළ යුතුයි .මෘදුව රවුම් ආකාරයට පමණක් පිරිමදිමින් සෝදන්න .ඒ වගේම මුහුණ සේදීමට සිසිල් ජලය පමණක් භාවිතා කරන්න .උණු වතුර නිසා සම වියලීම ට ලක්වෙනවා.

ප්‍රමාණවත් නින්දක්.

ප්‍රමාණවත් නින්දක් නිසාවෙන් දෑස් යටගිලීම,මලානික පෙනුම නැතිවෙනවා.දීප්තිමත් නැවුම් පෙනුමක් ලැබෙනවා.

Previous articleකියවන්න පොතක්. – අරඹෙ ගෙදර ඈන්
Next articleදළදා වහන්සේට දරුවෙක් පූජා කරන නිවැරැදි ආකාරය.
චම්මි ඉරේෂා කරපුටුගල
ශ්‍රී ජයවර්ධනපුර විශ්වවිද්‍යාලයේ ලේඛකත්ව සහ ජන සන්නිවේදනය පාඨමාලාව සමග ජාතික තරුණසේවා සභාවෙන් නිර්මාණාත්මක සංනිවේදනය ඇතුලුව රූපවාහිනී වැඩසටහන් නිෂ්පාදනය සහ වීඩියෝතාක්ෂණය හදාරා ඇත. රන්දිව ජාතික පුවත් පතේ විශේෂාංග ලේඛිකාවක ලෙසද,ශ්‍රී ලංකා සුමිත්‍රයෝ මෙල් මැදුර ආයතනයේ ප්‍රජා සංවර්ධන නිලධාරිනියක ලෙසද ,පිටපත් රචිකාවක ,වෙලද දැන්වීම් පිටපත් රචිකාවක ලෙසද අත්දැකීම් රාශියක් ලබාගෙන ඇත.ළමා පොත් 12කට ආසන්න ප්‍රමාණය ක් රචනා කර ඇති අතර ඉන් බොහොමයක් අන්තර්ජාතික සංවිධානය ක් වන රූම් ටු රීඩ් ආයතනය සමග සිදුකර ඇත.විනෝදාංශය ක් ලෙස කෙටි චිත්‍රපටකරණයේ නියැලෙනීය.
4 1 vote
Article Rating
Subscribe
Notify of
guest
0 Comments
Inline Feedbacks
View all comments