නිතරම කොණ්ඩය යනවා නම් සහල් වතුරෙන් කරන මේ ප්‍රතිකාර අත්හදා බලන්න..

0
232

සහල් වතුර හැම ගෙදරකම අපතේ යන දෙයක්. හාල් හෝදලා විසි කරන වතුර ටික ඔබේ කොණ්ඩයට සත්කාර කරන්න යොදාගන්න පුලුවන් කියලා ඔබ දැනගෙන හිටියා ද?

සහල් වතුර වල අඩංගු පෝෂණ ගුණයන් ඔයාගේ සමේ පැහැය වැඩි කරන්නත්, ලප කැළැල් අවම කරන්නත් උදව් වෙනවා. ඊට අමතරවහිස කෙස් වර්ධනය කරන්නත් උදවු වෙනවා.විටමින් B, C හා E මෙන්ම ඛනිජ වර්ග හා අත්‍යාවශ්‍ය ඇමයිනෝ අම්ල සහල් වතුරේ තියන නිසා ලැබෙන පෝෂණය ඉතාම ඉහළයි.

සහල් වතුරෙන් රූපලාවණ්‍ය සත්කාර කරන්න පුරුදු වෙලා ඉන්නේ ආසියාතික රටවල කාන්තාවන්. චීනයේ සහ ජපානයේ කාන්තාවන්ගේ රූ රහස් අතර ප්‍රධාන තැනක් සහල් වතුරට හිමි වෙනවා.

කළහැකි සත්කාර මොනවාද?

  • සහල් සේදු වතුර පිරිසිදු භාජනයකට දමා මඳ ගින්නේ විනාඩි විස්සක් පමණ රත් කර ගන්න.
  • එය දිනදෙකක් හොඳින් වසා තබන්න.
  • දින දෙකකට පසු ඒ වතුරෙන් ඇඟිලි තුඩු තෙමා හිස් කබල හොඳින් සම්බාහනය කරන්න.
  • විනාඩි විස්සකින් සෝදා ඉවත් කරන්න.
කියවන්න :  පොඩිත්තන්ට රස කෑම..

මෙය කොණ්ඩේ යනවාට ඉතා හොඳ විසඳුම් ලැබෙන සත්කාරයක්.

හෙයා මාස්ක් එකක් ලෙස.

  • කැකුලු හාල් මේස හැදි 2
  • වතුර කෝප්ප 02
  • කැකුළු හාල් සෝදා වතුර කෝප්ප දෙකක් දමා පැය තුනක් පෙඟෙන්න තියන්න.
  • ඉන්පසු වතුර පෙරා තව පැය හතරක් පැසීමට ඉඩ හරින්න ( රා වෙන්න)
  • ශැම්පු කිරීමෙන් පසු මේ මාස්ක් එක දමා හොඳින් මසාජ් කර විනාඩි විස්සකට පසු සෝදා හරින්න.

මෙය කොණ්ඩයේ ප්‍රමාණය වැඩිකර ගැනීමට ඉතා අපූරු ප්‍රතිකාරයක්.

හාල් වතුරෙන් කන්ඩිෂනර් එකක්.

  • සුදු කැකුළු හාල් පෙඟෙන්නට තබන්න.
  • පැය දෙකක් පෙඟෙන්නට තබා ඒ වතුරෙන්ම පිස ගන්න.
  • ඉන්පසු බෙරි වුණු බත් එකේ වතුර පෙරා ගන්න.
  • ෂැම්පු කළ හිසේ මේ වතුර ආලේප කරන්න.
කියවන්න :  කනට සතෙක් ගිය විට ඔබ කළ යුතු දේ..

මෙය ගැට ගැසෙන කොණ්ඩයට අපූරු කන්ඩිෂනර් එකක්.

මේ දේවල් ඉතා හොඳ ස්වභාවික සත්කාර වුණත් ඔබට මේවා නොගැළපෙන හෝ ප්‍රතිඵල රහිත අවස්ථා ද තියෙන්න පුලුවන්.වරක් දෙවරක් කළ පසු ඔබට යම් ආසාත්මිකතා මතු වෙනවා නම් යළි ඒ සත්කාර නොකළ යුතු බවත් මතක තියා ගන්න.

රූපලාවණ්‍යගාර වලට මුදල් වියදම් නොකර ඉතා සුළු වෙලාවක් වැය කරලා ගෙදරදීම ලස්සන වෙන්න සහල් වතුර යොදා ගන්න මේ විදියට ඔබට පුලුවන්. අපි ඊළඟට සහල් වතුරෙන් මුහුණට කළ හැකි සත්කාර ගැන කතා කරමු.

0 0 vote
Article Rating
Subscribe
Notify of
guest
0 Comments
Inline Feedbacks
View all comments