fbpx

තෛපොංගල් දවසේ හදන්න රසවත් ඉන්දියන් රසකැවිලි 3ක්.

ඉන්දියන් රුලං කේසරි

අවශ්‍ය දේවල්:

  • රුලං 225g
  • සිනී මේස හැදි 8-9
  • නැවුම් කිරි 750ml
  • කහ පාට කලරින් ස්වල්පයක්
  • වියළි මිදි 50g
  • බටර් මේස හැදි 2
  • වැනිලා ටිකක්

සාදා ගන්නා ආකාරය:

  • මුලින්ම රුලං කබලේ බැද ගෙන පසෙකින් තබා ගන්න.
  • නැවුම් කිරි හා සීනි භාජනයක හොඳින් උණු කරන්න.
  • කිරි රත් වීගෙන එන විට බටර් එක් කරන්න.
  • වැනිලා, කලරින් සහ වියළි මිදි එක් කරන්න.
  • මිශ්‍රණය හොඳින් උතුරද්දී එයට කබලේ බැද ගත් රුලං එක් කර ගෙන හොඳින් හැදි ගාමින් මිශ්‍ර කර ගන්න.
  • මෙම මිශ්‍රණය ඝන වීමෙන් පසු ලිප නිවා බටර් ගා ගත් තැටියක දමා තුනී කර කෑලි කපා ගන්න.

රුලං ලඩ්ඩු

අවශ්‍ය දේවල්:

  • රුලං කෝප්ප 1 ½
  • ගා ගත් පොල් කෝප්ප 1
  • ගිතෙල් මේස හැදි 2 ½
  • උකු ටින් කිරි පොඩි ටින් 1
  • තලා ගත් කරදමුංගු
  • කැබලි කර ගත් කජු 50g

සාදා ගන්නා ආකාරය:

  • භාජනයක් ලිප තබා එයට ගිතෙල් දමා රත් කර ගන්න.
  • එයට රුලං එක් කර විනාඩි 6-7ක් මද ගින්නේ හොඳින් හැදි ගාමින් බැද ගන්න.
  • පොල් එක් කර විනාඩි 2-3ක් බැදෙන්න හරින්න.
  • කරදමුංගු කුඩු, කජු සහ ටින් කිරි එකතු කර ගන්න.
  • මද ගින්නේ හැදි ගාමින් මිශ්‍රණය ගුලියක් වූ පසු ලිපෙන් බාගන්න.
  • මිශ්‍රණය නිවුණු පසු බෝල කර ගන්න.

කජු බර්ෆි

අවශ්‍ය දේවල්:

  • වියළි කජු මද
  • සීනි 100g
  • වතුර කෝප්ප කාලක්
  • ගිතෙල්

සාදා ගන්නා ආකාරය:

  • කජු කෑලි සිටින සේ බ්ලෙන්ඩර් කරන්න
  • භාජනයක් ලිප තබා සීනි වලට වතුර දමා ගෙන අඩු ගින්දර සහිතව හොඳින් හැඳි ගාමින් උණු කරන්න.
  • සීනි සම්පූර්ණයෙන්ම දිය වී බුබුළු දමමින් මිශ්‍රණය උකු වෙද්දී බ්ලෙන්ඩර් කර ගත් කජු එයට එකතු කරන්න.
  • දිගටම හැඳි ගාමින් කජු හා සීනි මිශ්‍රණය අඩු ගින්දරේ පිස ගන්න.
  • එය උකු වී එක ගුලියට ආ විට දිගටම හැන්දෙන් පෙරලන්න.එය මෘදු තත්වයට ආ විට ලිප නිවා ගෙන මිශ්‍රණය මදක් නිවෙන්නට හරින්න.
  • නිවුණු පසු තවත් අනමින් මෘදු කරගන්න. ගිතෙල් ද එක් කරන්න.
  • තෙල් කඩදාසියක් දමා ගත් තැටියකට කජු මිශ්‍රණය දමා ගෙන එය උඩින් ද තෙල් කඩදාසියක් තබා රෝලින් පින් එකකින් එක මට්ටමකට සකසා කෑලි කපා ගන්න.

Related Articles

Popular Articles

Don't Miss




Latest Articles

Click to Hide Advanced Floating Content
Click to Hide Advanced Floating Content

error:
0
Would love your thoughts, please comment.x
()
x