වියලී ඉරිතැලුණු දෙපා සුවපත් කර සුන්දර කරන කෝමාරිකා වලින් කළ හැකි සත්කාර.

0
294

හැමදාම ලස්සනට සුන්දරව ඉන්න කැමති ඔබටම තමයි අද අපි මේ කතා කරන්නේ.ලස්සන මුහුණක් එක්ක පැලුණු, ඉරිතැලුණු පා යුගලක් නම් ලස්සනට ඉන්න කැමති යුවතියන්ට කොහොමටත් ගැලපෙන්නේ නෑ. ඉතින් මේ ලිපිය වියලී ගිය, පැලුණු දෙපා සුවපත් කර ගන්න සත්කාර ක්‍රම හොයන ඔබටයි… නිසි පරිදි කරන මේ සත්කාර වලින් ඔබේ දෙපා නැවත සුන්දර කර ගන්න අසීරු වෙන්නෙත් නැහැ.

ඇයි දෙපා ඉරි තැලෙන්නේ?

  • බොහෝ වෙලාවක් හිටගෙන සිටීම.
  • උස් අඩිය සහිත පාවහන් සහ පිටුපසින් විවෘත පාවහන් පැළඳීම
  • පරිසරයේ උෂ්ණාධික බව
  • සිරුරේ දැඩි උෂ්ණාධික බව
  • උණුසුම් ජලයෙන් දිනපතා ස්නානය කිරීම
  • රළු කොසු ආදියෙන් දෙපා ඇතිල්ලීම නිසා දෙපයේ තෙල් ගතිය ඉවත් වී යාම

රූපලාවණ්‍ය සත්කාරවල අංක එකේ වැජඹෙන කෝමාරිකා වලින් ඔබේ පැලුණු දුර්වර්ණ දෙපතුල් වලට සත්කාර කරන අන්දම තමයි අද අපි ඔබට කියන්නේ.

කෝමාරිකා ජෙල් ආලේප කිරීම

  • රාත්‍රී නින්දට පෙර දෙපා මඳ උණුසුම් ජලයේ දමා ඔබ මිලදී ගෙන ඇති ෆුට් ස්ක්‍රබ් එකකින් ස්ක්‍රබ් කර ගන්න.
  • ඉන් පසුව දෙපා වියලාගෙන කෝමාරිකා ජෙල් ආලේප කරන්න.
  • පසුව කොට්න්, සුව පහසු මේස් යුවලක් පැළඳගෙන නින්දට යන්න.
  • උදෑසන මඳ උණුසුම් ජලය භාවිතා කර සෝදා දමන්න.
කියවන්න :  ඔබට ගැලපෙනම ඩෙනිම් ජීන්ස් තෝරා ගන්නට මේ කරුණු 5 දැනගන්න

ඔබට මේ සඳහා වෙළඳපොලේ ඇති කෝමාරිකා ජෙල් එකක් වගේම නිවසේදීම සාදා ගන්නා කෝමාරිකා ජෙල් එකක් (ලින්ක්) පාවිච්චි කරන්න පුලුවන්.

කෝමාරිකා වලින් ස්ක්‍රබ් එකක්.

අවශ්‍ය දේවල්

  • කෝමාරිකා ජෙල් මේස හැඳි 2
  • දෙහි බෑයක යුෂ
  • ටී ට්‍රී ඔයිල් මේස හැන්දක්
  • මඳ උණුසුම් වතුර
  • සවිඳ ලුණු මේස හැන්දක්
  • ඇපල් සයිඩර් විනාකිරි මේස හැන්දක්
  • ෆුට් ස්ක්‍රබ් එකක්

සත්කාරය කරන ආකාරය

මඳ උණුසුම් ජලයට සවිඳ ලුණු ( Epsom salt )එක් කර දෙපා එහි ගිල්වා මිනිත්තු 15ක් පමණ ඉන්න.
මේ ලුණුවලට දෙපා මෘදු කරමින් මැරුණු සෛල ඉවත් කරනවා.
ඉන්පසු දෙපා හොඳින් පිසදාගෙන ෆුට් ස්ක්‍රබ් ආලේප කරමින් ස්ක්‍රබ් කර ගන්න.
පිරිසිදු තුවායකින් පිසදා ගන්න.
නැවත භාජනයකට මඳ උණුසුම් ජලය එක් කර කෝමාරිකා, ඇපල් සයිඩර් විනාකිරි සහ ටී ට්‍රී ඔයිල් එක් කරන්න.
දෙහි යුෂ ද එකතු කරන්න.
එහි දෙපා ගිල්වා පැය බාගයක් පමණ ඉන්න.
දෙපා පිටතට ගෙන මෘදු තුවාලයකින් පිසදාගෙන කෝමාරිකා අඩංගු මොයිස්චරයිස් ක්‍රීම් එකක් ගල්වා ගන්න.

කියවන්න :  මුහුණේ සුන්දරත්වයට බාධා කරන පිම්පල්ස් වලට නිවසේදීම කළ හැකි සත්කාර

කෝමාරිකා සහ මී පැණි සත්කාරය

මඳ උණුසුම් ජලයෙන් දෙපා සෝදා පිසදා ගන්න.
කෝමාරිකා මදය සහ මී පැණි මේස හැන්දක් පමණ මිශ්‍ර කර දෙපයේ ආලේප කරන්න.
විනාඩි විස්සක් පමණ තබා සෝදා හරින්න.

සිරුරේ උණුසුම අඩු කිරීමට කෝමාරිකා පානය කිරීම

සමහර වෙලාවට අපේ සිරුරේ පවතින අධික උෂ්ණාධික බවත් දෙපා පැලෙන්න හේතුවක්. ඉහත සත්කාර කරන අතරේ මෙන්න මේ විදියට කෝමාරිකා පානයක් හදලා උදෑසනට පානය කරන්න පුලුවන්.

  • කෝමාරිකා මදය හොඳින් බ්ලෙන්ඩ් කරන්න.
  • එයට දෙහි යුෂ ටිකක් එකතු කරන්න.
  • ජලය ද එක් කර පානයට ගන්න.

කෝමාරිකා මදය කොටස, නිවසේදී සකසා ගන්නා කෝමාරිකා ජෙල් දිනපතා රාත්‍රියේ පිරිසිදු කරගත් දෙපා වල ආලේප කර කොට්න් මේස් පැලඳ නින්දට යාමෙන් ඔබට දෙපාවල ඉරි තැලීම සිදු නොවීමටම වග බලා ගන්න පුලුවන්

ඒ වගේම තමයි කිසිදු ප්‍රතිකාර ක්‍රමයකින් ඔබේ දෙපා ඉරි තැලීමේ වෙනසක් නොවන්නේ නම් වෛද්‍ය ප්‍රතිකාර අනිවාර්යය බව අමතක නොකළ යුතුම දෙයක්.

0 0 vote
Article Rating
Subscribe
Notify of
0 Comments
Inline Feedbacks
View all comments