පෙම්වතාට හෝ සැමියාට වෙනත් සම්බන්ධයක් තියෙනවනම්??

0
2014

කාන්තාවක් සම්පූර්ණයෙන් මානසිකව ඇද වැටෙන කාරණාවක් විදියට හඳුන්වන්න පුලුවන් දෙයක් තමයි තමන්ගේ ආදරවන්තයා වෙනත් සම්බන්ධයක පැටලවීම.

ජීවිතේ අපිට ලැබෙන්නෙ අපි බලාපොරොත්තු වෙන දේවල්ම නෙවෙයි. අන්න ඒ නිසා එහෙම වෙලාවට අපිට හුඟක් ඉවසන්න සිදු වෙනවා. අපි මෙතනින් එහාට කරන්නේ මොකක්ද ඒ දේ කරන එක හරිද කියලා අපිට දහස් වතාවකට වඩා හිතන්න සිදු වෙනවා.

මුලින්ම කළ යුතු වන්නේ හැකිතාක් සන්සුන් වීමයි. ආවේගශීලි වෙලා කෑගහන්න, රණ්ඩු කරන්න යාමෙන් ලැබෙන දෙයක් නෑ. ඒ නිසා හැකිතාක් සන්සුන් වෙන්න. මුලින්ම ගේ ගින්දර පිටතට දීමත් තේරුමක් නැති වැඩක්. ෆේස්බුක් එකේ ඒ බව ලෝකයට හැඟවෙන සටහන් ලිවීම වගේ දේවල් නම් නොකර සිටීම ඉතා වැදගත්.

ඊට පස්සෙ ඔබ ඔහුත් සමඟ සන්සුන්ව ඒ ගැන කතා කරන්න ඕන. ඔබෙන් සිදුවූ අඩුපාඩු, ඔහු ඇයට ආකර්ෂණය වූයේ ඇයි කියන දේවල් රණ්ඩු නොවී විමසන්න අමතක කරන්න එපා. ඔහුට තවදුරටත් ඔබ සමඟ හිඳින්නට අවශ්‍යද යන්නත් වෙන්වීම අවශ්‍ය ද යන්නත් කෙලින්ම විමසිය යුතුමයි.

ඉන්පසු ඔබට සිදු වෙනවා මේ ගැන සමීපතම කෙනෙකු සමඟ සාකාච්ඡා කරන්න. දික්කසාදයට සූදානම් විය යුතු නම් ඉන්පසු ඔබේ හිතේ ඇති වන පීඩාවන්ට ප්‍රතිකාර සඳහා ඔබට මනෝ උපදේශන සේවයකට සහභාගී වීමට සිදු වෙන්නත් පුලුවන්. නමුත් ඔබ නැවත එක්ව ජීවිතය අරඹනවා නම් පවුල් උපදේශනයක් ලබා ගැනීම අනිවාර්යය බව අමතක කරන්න එපා.

මේ සියල්ලටම පසු ඔබ සිතන්නට ඕනෑ ප්‍රධානම දේ තමයි, අතීතය කියන්නේ අතීතයට බව. ඔබ සම්බන්ධය හෝ විවාහය අවසන් කරනවා නම් මානසිකව ඇද වැටී ජීවිතය විනාශ කරගන්නට කිසිසේත්ම කටයුතු නොකළ යුතුයි. ඔබ ටික කාලයක් හිත හදා ගැනීමට වැය කර ඉන්පසු සාමාන්‍ය ජීවිතය වෙත අවතීර්ණ විය යුතුමයි.

සබඳතාවය නිමා නොකර සිටීම ඔබේ තීරණය නම් ඔහු අතින් සිදුවූ වරද නැවත නැවත සිහි කරමින් ඔහු සමඟ රණ්ඩු වෙන්නට එපා.එය අමතක කර දමන්න. ඔබ වෙතට ඔහුගේ ආදරය නොවෙනස් ව ලබාගන්නට හැකි සෑම දෙයම ඉටු කරන්න.

අපි සියල්ලන්ම වෙනස් වෙන සුළු සිතක් ඇති මිනිසුන්. ඒ නිසා සමාව දීම උතුම් දහමක් බව අමතක කරන්න එපා.

-නිබන්ධිකා-

Smart Relationship

සැමියාගේ ආදරය නොලැබීම නිසා වේදනාවට පත් බිරිඳක්.

Smart Relationship

සැමියාගේ ආදරය අඩු වූ නිසා අනියම් සබඳතාවයක් අරඹා ගැටලුවකට මැදිවූ බිරිඳ.

Smart Cooking

පාන්, ඉඳි ආප්ප කන්න වෙනස් රසකට බිත්තර කරි හදමු.

Lifestyle

බෙල්ල පිටුපස කුදු ස්වභාවය හෙවත් back neck hump නැති කරන ව්‍යායාම.

Film

කාන්තාවක් කියන්නේ නිවසේ මෙහෙකාරිය නෙවෙයි – The Great Indian Kitchen

Lifestyle

කොයිතරම් ඩයට් කරලත් බර අඩු වෙන්නෙ නැත්තේ මේ හේතු නිසයි

Smart Relationship

පුතාගේ ලිංගික ජීවිතයට පවා බාධා කල මවගේ අධික ආදරය හා බැඳීම.

Health

එල්ලා නොවැටුණු තරුණ පෙනුමැති මුහුණක් ලබා දෙන Face yoga exercises.

Lifestyle

ඇත්තටම බර අඩු වෙන්නේ දිවීමෙන් ද ඇවිදීමෙන් ද?