ඔබෙ ආදරෙන් මා දැවේ

ජාන්වි සැබවින්ම සිටියේ එවැනිම අතීත ආදර කතාවක වේදනාවකට තම සිතේ හොල්මන් කරන්නට ඉඩ දීය. මලිත්ගේ අවසාන තීරණය මේ විවාහය නැමැති මිනී පෙට්ටියේ පියනට ගසන්නට තිබූ අවසාන ඇණය බව ජාන්වි ඒ වදන් මලිත්ගේ මුවින් පිටවෙද්දී දැනගෙන සිටියාය. ඒ මොහොතේ ඇයගේ දෙනෙතින් ගලන කඳුළු ඇයගේ වේදනාවේ ප්‍රකාශනයක් පමණක් නොව, අවසන් වූ...

“උඹ කොච්චර ගැණුන්ට උදව් කරත් උන් දිහාව බලන්නෙ මහ අමුතු ඇහැකින්” කියා තුරුණුට කිව්වේ මධුරය. තුරුණු එදා බොන්න හේතුව විදියට කිව්වේ තව නඩුවක් ජයග්‍රහණයකින් අවසන් කර ගෘහස්ත හිංසනයෙන් පීඩාවට පත්වෙමින් උන් ගැහැනියකට නිදහසක් ලබා දෙන්නට හැකි වීම ගැනය. “ඇයි එහෙම කිව්වේ?” කියා මධුරගෙන් අහද්දිත් තුරුණු උන්නේ ලාවට හීනියට වගේ මත්...

“දැන් ඇත්තටම ඔය දෙන්නගෙ තීරණේ මොකද්ද?” කියා අනිල් ධර්මවර්ධන ඇහුවේ කෑමෙන් පස්සේ පවුලේ සියල්ලන්ටම සාලෙට එකතුවෙන්නට ඉඩ හැරය. මලිත් වාඩි වී උන්න සෙටියේ කෙලවරකම ජාන්වි වාඩි වූ උන්නාය. එහෙත් දෙදෙනා එක බැල්මකින්වත් කිසිම දෙයක් බෙදාගත්තේ නැති බව ඇත්තකි. එතැන පැවතියේ මහා නිහඬතාවකි. බිත්තියේ තිබූ ඔරලෝසුවේ 'ටික් ටික්' ශබ්දය පවා හයියෙන්...

මලිත් ජාන්වීගෙ ගෙදර ආවේ අනිල් ධර්මවර්ධන තමන්ට දුරකතනයෙන් අමතා දවස් දෙකක් තුනක් පමණ ගෙවුණ තැනය. මලිත් ඇත්තටම උන්නේ ඒ ගමන යන්නට හිත හදාගෙන නොවෙන නමුත් තමන් ඒ ගමන නොයෑම මේ ප්‍රශ්න තවදුරටත් බොහෝ දික් ගස්සන්නට හේතු වන්නට හැකි බවට සැකයක් මලිත්ගේ හිත අස්සේ තිබුණේය. අනික් අතට තමන් මේ ප්‍රශ්නයට දිය...

“මොකද දැන් ඒ ළමයාට එන්න කිව්වේ? ඇවිල්ලා මොකක් ගැනද කතාකරන්න යන්නෙ?”කියා මනෝරමා අහද්දිත් අනිල් ධර්මවර්ධන උන්නේත් හිත අස්සෙන් ඇත්තටම එයට දෙන්නට ඕන උත්තරේ කුමක්ද කියා හිතාගන්න බැරුවය. තමන්ම මලිත් ට කතාකර එන්න කියූ එක ඇත්තකි. එහෙත් දැන් තමන් කතා කර යුත්තේ කුමක්ද කතාව පටන් ගන්නේ කොහොමද කියන එක ගැන...

මලිත් තමන්ගේ ප්‍රේක්ශකයන් සමග කොච්චර හොඳින් කතා බහ කර උන්නද මලිත්ට ධර්මවර්ධන පවුල සමග තිබුනේ දුරස්ථ සබඳතාවයක් බව නොකියා බැරිය. තමන්ගේ බිරිඳගේ පවුලේ අය වුවද මලිත් ධර්මවර්ධන පවුලේ සියලුම දෙනාව ඇසුරු කරේ එක්තරේ විදියක දුරකින් හිඳය. ඒ නිසාම නොසිතූ මොහොතක ආ අනිල් ධර්මවර්ධනගේ දුරකතන ඇමතුම මලිත් භාරගත්තේ “තවත් බාල්දියක්”...

සමහර විට, රාත්‍රී අන්ධකාරයත් ආදරය වගේ නේදැයි සිතේ. මුලින් එය හරිම ලස්සනට දිස් වේ. අහසේ සෑම තාරකාවක්ම බබලමින්, අපේ හිතේ හීන දහස් ගණනක් මවයි. එහෙත්, කාලයත් සමඟ, ඒ අන්ධකාරයම අපව ගිල ගන්නවා සේ දැනේ. ඒ කළුවර මැද තනි වී සිටිනවා වැනි හැඟීමක් ඇති වේ. අන්ධකාරයෙන් එළියට එන පාරක් නොපෙනෙන...

“දැන් මොකද්ද ඇත්තටම පුතා කරන්න බලාපොරොත්තුවෙන් ඉන්නේ?” කියා රෑ කෑම වෙලාවේදී තාත්තා අහද්දිත් ජාන්වි කලේ කෑම මේසෙට වාඩි වී උන්න නංගි ආන්‍යාත්, කෑම මේසෙ අද්දරට අඩුපාඩු අරගෙන ආ අම්මාත් දිහා මාරුවෙන් මාරුවට බලන එකය. ආන්‍යා ගෙදර ආවේ සති අන්තයේ ඇගේ සැමියා වුණ නිසල් ව්‍යාපාරික කටයුත්තක් සඳහා නගරයෙන් බැහැර ගිය...

“ඔයාට මට මෙහෙම නොකර ඉන්න තිබුණා ජාන්වි” කියා මනහාර හඬා වැටෙද්දිත් ජාන්වි හිතුවේ තමන් ගත්ත තීරණයේ කිසිත් වරදක් නෑ කියාය. ජාන්විට අනුව ආදරය කියන්නේ, හරියට අලුත් ඇඳුමක් ට්‍රයි කරලා බලනවා වගේ දෙයක්ය. ඒ කිව්වේ, එකින් එක ට්‍රයි කරලා බලලා, තමන්ට හොඳම දේ තෝරගන්න ඕන දෙයක් කියලා ය. එතැනදී අනිත් අයගේ...

“ඔයා දැන් ඉස්සරට වඩා වෙනස් ජාන්වි” කියා මනහාර කියන්නට යෙදුනේ දෙදෙනා අතර සබඳතාවය පටන් ගෙන අවුරුද්දක් පමණ ගෙවී යද්දීය. ඒ වනාහී පාසල් ප්‍රේමයක් අස්සේ ජාන්වී හිර වී උන් වැඩිම කාලය විය. උසස් පෙළ විභාගය තිබුනේ තව අවුරුද්දකින් පමණ ලං වීය. මේ අවුරුද්ද වනාහී තමන්ගේ අනාගතය කොයි අතට යනවාදැයි තීරණය...