Washing machine එකක් ගන්න කලින්…

Washing machine එක මේ දිනවල නිවසකට නැතිවම බැරි අංගයක් බවට පත්වී ඇත. රෙදි සෝදන යන්ත්‍ර මේ වන විට අපේ රටේ සැලකිය යුතු නිවාස ගණනක භාවිත වන විදුලි උපකරණයකි. රෙදි සේදීමේ දී හා වියළා ගැනීමේ ඇති පහසුව නිසා රෙදි සෝදන යන්ත්‍ර ජනප්‍රිය වෙමින් තිබේ. විශේෂයෙන් නාගරික සමාජයේ මේ තත්ත්වය බහුලව දැකිය හැකි වේ. නොයෙකුත් මාදිලියේ washing machine වලින් වර්තමාන වෙළඳපල පිරී ඇත. එනිසාම washing machine එකක් ගැනීමට පෙර එහි වර්ග පිළබඳව අවබෝධයක් ලබාගැනීම වැදගත්.

රෙදි සේදීම සඳහා වූ යන්ත්‍ර නිපදවනු ලබන්නේ 17 වැනි සියවසේ දී පමණය. විදුලිය මඟින් ක්‍රියාත්මක වන රෙදි සෝදන යන්ත්‍ර 20 වැනි සියවස මුල් කාලයේ දී නිපදවා ඇති අතර ඒවා ජනප්‍රිය වී ඇත්තේ ඉන් දශක දෙකකට පමණ පසු ව ය. එතැන් සිට මේ දක්‌වා විවිධ මාදිලිවල රෙදි සෝදන යන්ත්‍ර වෙළෙඳපොළට පැමිණ ඇත.

Washing machine මූලික ක්‍රම දෙකකට වර්ග කළ හැකි ය.

  1. ඉදිරියෙන් රෙදි ඇතුළු කරන යන්ත්‍ර (front loaders) – මේවායේ රෙදි දැමීම සිදු කරනු ලබන්නේ ඉදිරියෙනි. මේවා ඉහළින් රෙදි දමන යන්ත්‍රවලට වඩා බලශක්‌තිය, ජලය හා සේදුම් ද්‍රව්‍ය භාවිතය අතින් කාර්යක්‌ෂ්ම ය. ඇතැම් විට මේ වර්ගයේ යන්ත්‍රයක්‌ සඳහා වැය වන්නේ අනෙක්‌ වර්ගයට වඩා තුනෙන් එකක්‌ තරම් විදුලියකි. එසේ ම මේ යන්ත්‍රවල එක්‌ වර වැඩි රෙදි ප්‍රමාණයක්‌ සේදිය හැකි ය.
  2. ඉහළින් රෙදි ඇතුළු කරන යන්ත්‍ර (top loaders) – මේවායේ රෙදි දැමීම සිදු කරනු ලබන්නේ යන්ත්‍රයේ ඉහළිනි. මේ වර්ගයේ ඇතැම් පැරැණි යන්ත්‍රවල ඇති කේන්ද්‍රගත කලතනය (central agitator) විදුලිය අධික ලෙස පරිභෝජනයට හේතු වේ.

එසේම එහික්‍රියාකාරිත්වය අනුව,

ස්‌වයංක්‍රීය (Fully automatic) – රෙදි සේදීම හා වියළීම සඳහා එක්‌ කොටසක්‌ පමණක්‌ ඇති මේ යන්ත්‍ර භාවිතයේ දී රෙදි සේදීමේ සමස්‌ත ක්‍රියාවලිය ස්‌වයංක්‍රීයව සිදු වේ.

අර්ධ ස්‌වයංක්‍රීය (Semi automatic) – මෙහි සේදීම හා වියළීම සඳහා කොටස්‌ දෙකක්‌ ඇති අතර රෙදි සේදීමේ ක්‍රියාවලියේ දී අප කිහිප වරක්‌ ඊට සම්බන්ධ විය යුතු ය.

ලෙස වර්ග කල හැක.

රෙදි සේදීමට පමණක්‌ නොව රෙදි වියළා ගැනීම සඳහා ද washing machine වැඩිවැඩියෙන් පාවිච්චි කිරීමට පුරුදු වී තිබේ. Washing machine භාවිත කිරීමට පෙර එහි වර්ගය පිළිබඳවඅවබෝධයක් ලබාතිබීමෙන් වඩාත් කාර්යක්ෂම සේවාවක් ලබාගතහැකිවනු ඇත.

– කල්හාරී –

Related Articles

Don't Miss



Latest Articles

(අ)හිමි සිහින -226

හත් දවසේ දානය නිමවූ පසු මගේ කල්පනාවේ තිබුණේ එක දෙයයි. ඒ තුන්මාසේ දානය මීටත් වඩා හොඳින් කළ යුතු බව සහ ඒ සඳහා...

නිබ්බුත ගීත -21

ඒ මින් පෙර කිසි දාක නො සිදු වූ දෙයකි. අපේ ගෙදර එහෙම රණ්ඩුවක් තබා උස් හඬින් කතා කිරීමක් හෝ සිදු වන්නේ නොවේ....

යෝනි මාර්ග දෙකක් සහ ගර්භාෂ දෙකක් සහිත එව්ලින්ගේ කතාව

Adult content creator කෙනෙකු වන Evelyn Miller වයස අවුරුදු 20 වන තෙක් ඇය යෝනි දෙකක් සහ ගර්භාෂ දෙකක් සහිතව උපත ලබා ඇති...

සුහදිනී -71

"මමයි අම්මයි ඔයාට බෝධි පූජා තියන්න යන්නේ" සකී එක්තරා උදෑසනක අහස්ව අවදි කළේ එසේ කියමිනි.තරගාවලිය ඇරඹෙන්නට වැඩි දවස් නොවේ.අහස්ගේ...

නිබ්බුත ගීත -20

ප්‍රේමයේ වියෝගය පිළිබඳ කල්පනා මා ආතුර කොට තිබිණ. මධාරා අක්කා ගේ විවාහ මංගල්ලයෙන් පස්සේ දෙතුන් දිනක් ගෙවී ගියේ ඒ ඔත්පල වීම තුළ...