වැටකොළු පොතු අපතේ නොදා සැකසිය හැකි ආහාර

මේ බොහොම අසීරු කාල පරිච්ඡේදයක්.ගෘහණියන් හැටියට අපිට කිසිවක්ම අපතේ යවන්නට මේ කාලයේ බැහැ.එළවළු පිරිමසාගෙන ඉවුම් පිහුම් කරන්න අපි හුරු වෙන්න ඕනෑ.ඒ නිසාම අද අපි ඒ වගේ රෙසිපි කිහිපයක් ඔබට ගෙන එන්න හිතුවා.

මේ ලිපියෙන් වැටකොළු පොතු ඉවත නොදා සාදා ගන්න ආහාර කිහිපයක් ගැන කතා කරමු.

වැටකොළු පොතු මැල්ලුම

අවශ්‍ය ද්‍රව්‍ය 

  • වැටකොළු පොතු
  • රස අනුව ලුණු 
  • කහ කුඩු
  • ගා ගත් පොල්
  • අමු මිරිස්
  • ළූණු 
  • සුදු ළූණු
  • කරපිංචා

සාදා ගන්නා ආකාරය

  • වැටකොළු පොතු සිහින්ව ලියාගන්න
  • ලුණු මිශ්‍ර වතුරේ මද වේලාවක් තබන්න 
  • ඉන්පසු නැවත සෝදාගෙන ලුණු සහ කහ මිශ්‍ර වතුරේ තම්බා ගන්න 
  • සිහින්ව ලියාගත් අමූමිරිස්,ළූණු සහ සුදු ළූණු, කරපිංචා සහ අවශ්‍ය නම් අබ සමඟ පොල් අඹරා ගන්න.
  • වැටකොළු තැම්බුණු පසු මිශ්‍රණය එකතු කර මලවා ගන්න.

වැටකොළු පොතු කැඳ

අවශ්‍ය ද්‍රව්‍ය 

  • වැටකොළු පොතු
  • සුදු හාල් මිටක්
  • සුදු ළූණු
  • පොල්

සාදා ගන්නා ආකාරය

  • සුදු කැකුළු හාල් මිටක් ලිපතබා එයට සුදු ළූණු එකතුකර බෙරි වෙන සේ උයාගන්න.
  • පොල් ටිකකට කුඩාවට කැබලි කපාගත් වැටකොළු පොතු සහ වතුර එකතු කර බ්ලෙන්ඩ් කරගන්න.
  • පෙරාගත් ඒ මිශ්‍රණයට බෙරි කරගත් බත් දමා නැවත බ්ලෙන්ඩ් කර ගන්න.
  • විනාඩි කිහිපයක් ලිපේ තබා හැඳි ගාමින් පිසගන්න 
  • රස අනුව ලුණු එකතු කරන්න.

වැටකොළු පොතු තෙම්පරාදුව

අවශ්‍ය ද්‍රව්‍ය 

  • වැටකොළු පොතු
  • කහ කුඩු
  • තෙල් ස්වල්පයක් 
  • බී ලූණු
  • රම්පේ
  • කරපිංචා
  • අමු මිරිස්
  • කෑලි මිරිස්
  • ලුණු

සාදා ගන්නා ආකාරය

  • වැටකොලු පොතු සිහින්ව කපා කහ සමග මිශ්‍රකර තම්බා ගන්න.
  • වෙනත් බඳුනකට තෙල් එකතු කර එයට අනෙක් අමුද්‍රව්‍ය දමා රන්වන් පැහැ වනතුරු බැදගන්න.
  • කෑලි මිරිස් සහ ලුණු කුඩු සමඟ තම්බාගත් වැටකොළු පොතු එයට එකතු කරන්න
  • අවශ්‍ය නම් හාල් මැස්සන් හෝ කරවල හෝ කූනිස්සන් ස්වල්පයක්ද එකතු කළ හැකියි.

Related Articles

Don't Miss



Latest Articles

(අ) හිමි සිහින -148

අපිට දරා ගන්නට සිදුවන අතිශය කටුක කාලවලදී අප අසල හිඳින්නේ අප කිසිසේත්ම බලාපොරොත්තු නොවූ අය වන්නට පුළුවන්.ඔබ සමඟ බෙදා ගන්නට මගේ අතිශය...

ඔබ දකින සිහිනවලින් හෙළිවන අරුම පුදුම අනාවැකි

ඔබේ පරණ පෙම්වතා හෝ කාර්‍යාලයේ ප්‍රධානියා සමග ලිංගිකව හැසිරෙනු සිහිනෙන් දුටුවා ද ? ලිපිය අවසන් වන තෙක් කියවා සිහිනයේ පලාපල දැනගන්න.

ආකර්ෂණීය පියයුරු සඳහා ඔබට ගැළපෙන Bra එක නිවැරදිව තෝරා ගන්නා ක්‍රමය.

70% ක් පමණ කාන්තාවන් තමන්ගේ ප්‍රමාණයට වඩා කුඩා බ්‍රා අඳින බවත්, 10%ක පිරිසක් ප්‍රමාණයට වඩා විශාල බ්‍රා අඳින බවටත් සොයාගෙන තිබෙනවා....

සීත මාරුතේ -38

අපට අප වටා පවත්නා ලෝකය නතර වී ඇතිවා සේ දැනෙනා නිමේෂයන් උදා වන්නේ ය. ඒ මොහොත තුළ පවත්නේ අප පමණකි. වෙනත් සජීවී...

ඔබේ වේදනාව තරමටම තව කෙනෙකුගේ වේදනාව ගැනත් සංවේදී වෙන්න.

"මොකද නයනි බාම් සුවඳ? සනීප නැද්ද?" මම එහෙම අහගෙන මගේ පුටුවෙන් වාඩි වෙනකොට නයනි මං දිහා බැලුවේ හිනාවක් ආයාසයෙන්...
Click to Hide Advanced Floating Content
Click to Hide Advanced Floating Content