දෑත් ලස්සනට තියා ගන්න- මේ දේවල් කරන්න

කාන්තාවක් ලෙස ඔබ වඩා උනන්දු වන්නේ ඔබේ මුහුණේ සුන්දරත්වය ගැන වෙන්න පුලුවන්. නමුත් ඔබේ පෙනුම ගැන සැලකිලිමත් වෙනවා නම් මුහුණ සේම ඔබේ දෑත හා දෙපා වල සුන්දරත්වය ගැනත් සැලකිලිමත් වෙන්න.

ඔබේ දෑත් පැහැපත් හා සෞම්‍ය ලෙස පවත්වාගෙන යන්නට අවශ්‍ය දේවල් ඔබට නිවසේ දී වුණත් කරන්න පුලුවන්.

  1. පිරිසිදුකම – ඔබ සියල්ලටම වඩා මුල් තැන දිය යුත්තේ පිරිසිදුකමට. දෑත් පිරිසිදු කිරීමේදී හෑන්ඩ් වොශ් එකක් හෝ සැර නැති මෘදු සබන් වර්ගයක් පාවිච්චි කරන්න. බොහෝ වේලාවක් සේදීමට වඩා නිතර අත් සේදීමෙන් විෂබීජ අත්වල රැඳීම වලක්වා ගන්න පුළුවන්. උණු වතුරෙන් අත් සේදීම කරන්න එපා. උණු වතුරෙන් ඔබේ සමේ ස්වභාවික තෙල් තට්ටුව සේදී යන නිසා දෑත් වියළීම්වලට ලක් වෙනවා.
  2. නියපොතු– දෑත් සෝදන විට මෘදු බ්‍රශ් එකකින් අතුල්ලා නියපොතු පිරිසිදු කරන්න. නේල්පොලිෂ් බොහෝ දවසක් නිය මත වර්ණ වෙනස් වෙමින් තිබෙන්නට හරින්න එපා. ටික දිනකින් ඉවත් කරන්න. නියපොතු නිසි ලෙස කපා මට්ටම් කරන්න.දෙහි කැබැල්ලකින් අතුල්ලා නියපොතු හොඳින් පිරිසුදු කරගැනීම ඉතා සාර්ථක ක්‍රමයක්.
  3. ස්ක්‍රබ් කිරීම -සීනි මේස හැඳි හතරකට මී පැණි මේස හැන්දක්, ඔලිව් තෙල් මේස හැන්දක් මිශ්‍ර කර වැලමිටේ සිට ඇඟිලි තුඩු තෙක් තවරන්න. මෘදුව හා කවාකාරව පිරිමදිමින් ස්ක්‍රබ් කර සිසිල් ජලයෙන් සෝදා ගන්න. එසේ නැතිනම් කෝපි කුඩු මේස හැඳි හතරකට පොල් තෙල් මේස හැඳි දෙකක් එක් කර දෑත් වල තවරා ස්ක්‍රබ් කරගන්න.මේවා ඔබට නිවසේදීම පහසුවෙන් කරගන්න පුලුවන්.
  4. සමේ තෙතමනය ආරක්ෂා කර ගැනීම – රාත්‍රී නින්දට පෙර මොයිස්චරයිසර් ක්‍රීම් එකක් දෑත් වල ආලේප කරන්න. ඇඟිලි තුඩු දක්වා ක්‍රීම් ආලේප කර මැණික් කටුවෙන් පහළ මෘදුව විනාඩි පහක් පමණ පිරිමදින්න. මේ සඳහා ඔයිල් අඩංගු ක්‍රීම් එකක් ඉතා සුදුසුයි. මේ ක්‍රීම් ආලේප කිරීමේදී හැකිනම් විටමින් ඊ කරලක්ද එක් කරගන්න.
  5. සතියකට වරක් කළ හැකි සත්කාර
    # යෝගට් හා මී පැණි තේ හැන්දක් මිශ්‍ර කර හොඳින් කලවම් කර දෑත් වල ආලේප කරන්න. විනාඩි විස්සකට පසු සිසිල් ජලයෙන් සෝදා හරින්න.
    # අලි ගැට පේර මද ටිකකට බිත්තර කහමදයක් එක් කර හොඳින් මිශ්‍ර කර දෑත් වල ආලේප කරන්න. විනාඩි විස්සක් තබා සිසිල් ජලයෙන් සෝදා හරින්න.

මේවාට අමතරව ඔබ ගෙවත්තේ වැඩ කරන විට ග්ලවුස් භාවිතා කරන්න. අධික හිරු රශ්මියට නිරාවරණය වෙන විට දෑතේ සන් ක්‍රීම් එකක් ආලේප කරන්න. ඔබේ දෑතේ අලංකාරය ගැනත් සැලකිලිමත් වීම ඔබට වඩා ස්මාට් පෙනුමක් ගෙන දේවි.

– නිබන්ධිකා –

Related Articles

Don't Miss



Latest Articles

(අ)හිමි සිහින -233

අද විශේෂ දවසක්. ඔබ එක්ක මගේ ජීවිත කතාව මේ අවුරුද්ද පුරා මම බෙදාගත්තා. අනේක හැලහැප්පීම් කඩාවැටීම් නැගීසිටීම් දරාගැනීම් එක්ක ආපු මගේ ජීවිතබ්කතාවේ...

නිබ්බුත ගීත -30

මල්ලී හා මා අතරේ වසර තුනක පමණ වයස් පරතරයක් වේ. ඒ නිසා මා කුඩා කල පවා මට ඔහු දැනුණේ කුඩා දරුවෙකු සේ...

නිබ්බුත ගීත -29

මේ ජීවිතයට මම අතිශය ආදරය කරමි. ජීවත් වූ මේ කෙටි කාලයට ජීවිත සිය ගණනක් ජීවත් වූවා සේ මට දැනේ. එය දුක ද...

සුහදිනි – 78

ජය ඝෝෂා නැඟෙමින් තිබුණේ පරාජය පිළි නොගන්නා රසිකයන්ගෙනි.හඹා යා යුතු ඉලක්කය දිගු දුර එකකි.එහෙත් එය නොහැකි ඉලක්කයක් ද නොවේ.අහස් තමන්ගේ ඉනිම ඇරඹුවේ...

(අ)හිමි සිහින -232

මිනිස්සුන්ට විවිධ අදහස් මති මතාන්තර තියෙන්න පුලුවන්.ඒ මිනිස්සු රූපයෙන් පමණක් නොවෙයි අධ්‍යාපනයෙන් ආධ්‍යාත්මයෙන් මනුෂ්‍යත්වයෙන් ධනයෙන් බලයෙන් යසසින් ආදරයෙන්, කරුණාවෙන් වගේ  සියලු දෙයින්...