ඔන්ලයින් නැති අවුරුද්දක්..

ඔබේ ළඟම හිතවතා කවුද… ඔබ එක්ක වඩාත්ම ජීවිතේ බෙදා ගන්නේ කවුද?

ඔබ අතේ තියන ජංගම දුරකථනය, ටැබ් එක, ලැප්ටොප් එක වෙන්න පුලුවන්. ගෙදර අයටත් වඩා ඔබට බොහෝම සමීප ෆේස්බුක් මිතුරන් වෙන්න පුලුවන්. දවසක් ඔන්ලයින් නොයා හිදීම ඔබට මහා අසීරුතාවයක් ඇති දෙයක් වෙන්න පුලුවන්.

“මේ දවස්වල කරන්ට් කැපුවම ගෙදර අය එක්ක ඉන්නත් වෙලාව හම්බ වෙනවා”

මේ දවස්වල තරුණ පරපුර අතර ජනප්‍රියම විහිළුව මෙන්න මේක..

ඇත්තටම ඔන්ලයින් ජීවිතයක් වීම නිසා ඔබ ඔබේ පවුලෙන් දුරස් වෙමින් ඉන්න බව ඔබට හිතෙනවා නම් අලුත් අවුරුදු දින දෙකවත් ඔෆ්ලයින් ජීවිතයක් වෙන්න ඔබට පුලුවන්.

ෆේස්බුක්, ඉන්ස්ටග්‍රෑම්, ට්විටර් ආදියේ නොගැවසී ඔබේ පවුලේ අය එක්ක ඒ දින දෙක ආදරයෙන් ඉන්න.

ඒ දින ඔබට නිවාඩු ලැබෙන දිනයන්. ඔෆිස් එකට ලබා දිය යුතු ඊමේල් පණිවිඩ ආදිය එක්ක අවුරුදු දවසෙත් කාර්යබහුල නොවී දොළොස් වෙනිදාටවත් ඒවා අහවර කරන්න.

අම්මාගේ අලුත් අවුරුදු කෑම මේසය ෆේස්බුක් ලයිව් ඇවිත් පෙන්වීම හෝ එහි ඡායාරූප ගැනීම පසෙකලා ඒ මොහොත ගෙදර අය එක්ක විඳින්න.

පවුලේ අය, නෑදෑයන් එක්ක සෙල්ෆි ගැනීම අනිවාර්යය නැහැ. ඒ අය එක්ක ආදරයෙන් කතා බස් කරන්න.

ගේම් ගහ ගහ ඉන්නවට වඩා පවුලේ සාමාජිකයන් එක්ක කතාවකට එක් වීම, සරල ක්‍රීඩාවක නියැලීම සුන්දර බව ඔබට දැනෙයි.

අන්තර්ජාලය එක්ක අපි බොහොම පහසුකම් අත් විඳීම ඇත්තක්. එහෙත් ඕනෑවට වඩා අන්තර්ජාලය අපිව ආක්‍රමණය කිරීම නිසා අපි අපේ ජීවිත සංකීර්ණ කර ගැනීමත් ඇත්තක්.

සිංහල අලුත් අවුරුදු කාලය කියන්නේ ළබැඳි හිත් ආදරයෙන් සෙනෙහසින් එකතු වෙන කාලයට.

අන්න ඒ දවස් කිහිපයේ ඔන්ලයින් ජීවිතයට කොමාවක් තබන්න.

ඔබ ජීවත් වෙන බව ඔබට වැටහේවි.

ඔබට සුබ අලුත් අවුරුද්දක් වේවා!!

-නිබන්ධිකා-

Related Articles

Don't Miss




Latest Articles

Easy breakfast recipes – part 2

කාර්‍යබහුල ඔබට උදෑසනට ලේසියෙන්ම හදාගන්න පුළුවන් වගේම පොඩ්ඩන්ට උනත් ආසාවෙන් කන්න පුළුවන් easy breakfast recipes ගැන තමයි මේ ලිපියෙන් ඔබට කියන්නේ

දෑවැද්ද

" අම්මා කොහෙ යන්නද ලෑස්ති වෙන්නේ ? "සුජානි කාමරේට ආවේ ටික වෙලාවක ඉඳලා රම්‍යා පේන්න හිටියේ නැති නිසා.රම්‍යා...

සැරිසරන්නී – 13

මට මතක් වූයේ චමත්කා රවීන් ගැන උනන්දුවෙන් පසු වෙනවා කියා නංගී කී කතාව ය. චමත්කා නොව ලොව ඕනෑ ම ගැහැනියක එවන් පිරිමි...

නිලැසි -21

නොසැලකිලිමත් බැල්මක් අමුත්තන්ට වෙන් වූ කොටසේ ඒ මේ අත සක්මන් කරන තරුණයා දෙස නිම්න මොහොතක් බලා සිටියේ ය.වටිනා සන්නාම සහිත ඇඳුම් ඉතා...

අනුන්ගේ තීරණ.

"ඔයා කොහොමද අනේ තාරකා අඳුනන්නේ?"භාග්‍යා එහෙම අහනකොට නිමාලි කරමින් හිටිය වැඩෙත් නවත්තලා භාග්‍යා එක්ක හිනා වුණා.තාරකා එක්ක ෆේස්බුක්...