ලස්සනට අඳින්න කැමති ඔබට අලුත්ම ඔසරි විලාසිතා.

ඔසරිය කියන්නේ ලංකාවේ තරුණියන්ටම අනන්‍ය වූ ඇඳුමක්. ඒ නිසාම සාරියට වඩා ඔසරිය තෝරා ගන්න බොහෝ වෙලාවට අපි පෙළඹෙනවා. ඔසරිය අඳිනකොට අපි සැලකිලිමත් වෙන්නම ඕනෑ කාරණා මොනවාද? මේ ගැන තමයි මේ ලිපියෙන් ඔබට කියන්නේ

ඔසරියට හරියට ජැකට් එක.

සාරි විලාසිතාවලට හරියන බොහොමයක් ජැකට් ඇත්තටම ඔසරියට ගැළපෙනවා. ඒ වගේම තමයි අපි වැඩිය උත්සාහ නොකළට ඕපන් ස්ලීව් ජැකට් එකත් ඔසරියට අපූරුයි. නෙට් රෙද්දෙන් කරපු ජැකට් විලාසිතාත් ඇත්තටම සාර්ථක විලාසිතාවක්.
ඔෆ් ෂෝල්ඩර් ජැකට්, ස්ලිව්ලස් ජැකට් වුණත් උත්සව අවස්ථාවකට එහෙම අපූරුවට ගැළපෙන ජැකට් විලාසිතා‍.

ඔසරියට හරියන හෙයාර් ස්ටයිල්.

මේ ඡායාරූප ඒ ගැන නිවැරදි ම අයිඩියා එක ඔයාලට ලබා දේවි.

අලුත්ම ඔසරි විලාසිතා.

ජැකට් එකෙන් පොට ඇරඹෙන විලාසිතාව

මෙය ඔබ තරමක් පිරිපුන් සිරුරක් සහිත කෙනෙක් නම් උත්සාහ කළ හැකි විලාසිතාවක්.

Mermaid style skirt එක සහිත ඔසරිය

ඔබේ කෙට්ටු නමුත් උරහිස් පළල් නම් සහ ඔබ ස්ටයිලිෂ් විදියට අඳින්න කැමති නම් මේ විලාසිතාව උත්සාහකරලා බලන්න.

ලේයර්ස් දෙකක් සහිත නෙරිය ඇති ඔසරිය.

මේ විලාසිතාව උකුල පළල් සහ ඇඟපත පිරිපුන් අයට ඉතාම ගැළපෙනවා

මේ වගේ විලාසිතා සාමාන්‍ය ගමනකට වගේම උත්සව අවස්ථාවන්ටත් ඔබට ගලපා ගන්න පුලුවන්.

කුමාරිහාමි කෙනෙක් වගේ ඔසරිය අඳිමු ද?

පුරාණයේ රදළ ස්ත්‍රීන් නිවසටත් ඔසරිය තමයි ඇන්දේ. ඇත්තටම ඔසරිය ඔවුන්ටම අනන්‍ය වූ ඇඳුමක් ව පැවතියා. දැන් කුල සංකල්ප සමාජයේ නැති නිසාම කුමාරිහාමිලාත් සාමාන්‍ය ඇඳුමින් සැරසෙනවා. හැබැයි ඔබ ඒ වගේ අඳින්න කැමති නම් අගස්ති මාල, පදක්කම්, හවඩි, කොණ්ඩ කූරු වැනි උඩරට ආභරණ එක්ක කොණ්ඩය මැදින් බෙදා පීරා හිස පසුපස ගෙඩියක් ලෙස බැඳ සාම්ප්‍රදායික ඔසරිය අඳින්න පුලුවන්. මේ විලාසිතාවත් සමහර උත්සව අවස්ථාවලට කදිමයි.

ඔබ සිරුරින් ටිකක් මහත කෙනෙක් නම් ඔබේ පෙනුමට හරිම ප්‍රෞඩ බවක් සාම්ප්‍රදායික ඔසරියෙන් ලැබේවි.

ඔසරියක් අඳින නිවැරදි පිළිවෙල

පළමු පියවර

පළමුව සාරි පොට ප්ලීට්කර උස අනුව බිම ගෑවෙන නොගෑවෙන ප්‍රමාණයට උරහිසට තබා හැට්ටයට සම්බන්ධකර කටුවක් ගසන්න. පපුව කෙළින් පහළට සාරි බෝඩරය ගෙන ඉණෙන් පහළ සායට තබා රැල්ලෙන් රැල්ල තබමින් සායට අල්ලා කටු ගසන්න.

දෙවන පියවර

දැන් එය හොඳින් තදවෙන සේ ඉණ වටේ පටියක් බඳින්න. පටිය ගැට ගැසූ පසු බෝඩරය සහිත කොටස පිටුපසින් ඉණ වටේට ගෙන ඉදිරිපසට නෙරියේ රැලි තබමින් පිටුපසට ගන්න. උකුල ළඟින් අඟල් හයක් හෝ හතක් පමණ දිගටත් ඉන්පසු ක්‍රමයෙන් අඩුව යන ආකාරයටත් හැඩයට රැළි ටික සකසා ගන්න.

තෙවන පියවර

ඉන්පසුව ලුංගිය අඳින ආකාරයට ඔසරි පල්ලුව දකුණට එක ආකාරයට සකසා ගන්න. ඉදිරි පල්ලුව ඔසවා උකුළේ හැඩතල ඇතිවන සේ දකුණු කකුල ඉදිරියෙන් තබා දණහිසෙන් උඩ කොටසට කටුවක් ගසන්න. ඔසරිය පිටුපස කොටසත් පෑගුනහොත් ගැලවිය හැකි නිසා යටසායට අල්ලා කටුවක් ගසන්න. අනතුරුව, රැළි ටික හොඳින් සැකසීමෙන් ලස්සන නිමාවක් ඉස්මතුකර ගත හැකිය.

මේ කරුණු ඔබට ඔසරියක් හරියට අඳින්න හොඳින් උපකාරී වේවි.

Related Articles

Don't Miss



Latest Articles

හිමගිරි අරණ -46

රවිඳු කිසිවක්ම නොකියා අම්මා දෙස බලා සිටියේ ය.මේ මොහොත කිසිවක් ම කියන්නට හැකි මොහොතක් නොවේ.ඔහුට පාරමීගේ කෝපදීප්ත දෑස සිහිව ආයේ ය.

(අ) හිමි සිහින -142

සියල්ල එසේ සිදුවෙමින් පවතිද්දී මට එක් දෙයක් උවමනා වුණා .ඒ සුදාරක වෙනුවෙන් රුවන්වැලි මහා සෑ රදුන්ට බාරයක් වීමට.උදෑසනම අවදි වී නිරාහාර ව...

පරිප්පු ගණන් වැඩි කාලේ පිරිමැසෙන්නට පරිප්පු උයමු

සාමාන්‍යයෙන් අපි එදිනෙදා සකස් කළ ව්‍යාංජනයක් වූ පරිප්පු දැන් ඉතාමත් මිල අධික වෙලා.ඒ නිසා පරිප්පු තනි ව්‍යාංජනයක් ලෙස සැකසීම සමහරුන්ට ඇත්තටම අසීරු...

සීත මාරුතේ -32

ඒ රාත්‍රිය මා මුළුමනින් නිදි වර්ජිතව සිටියා ය කීවොත් නිබොරු ය. අපේ පුංචි සාදය නිමා වන විට තරමක් රෑ බෝ වී තිබිණ....

අනිත් අයගේ ජීවිත විනිශ්චය කරන්න එපා.

"අපෝ ඔය අනූෂා ඉන්නවා නේද?" මම ඉදල පැත්තකින් තියලා ඒ හඬට හැරිල බැලුවා.අපේ අලුත් ගෙදර අසල්වැසිනියක් පොඩි ගේට්ටුවෙන් එබිලා...
Click to Hide Advanced Floating Content
Click to Hide Advanced Floating Content