චබී පෙනුමක් සහිත යුවතියකට සිහින් පෙනුමක් ලැබෙන ආකාරයට සාරියක් අඳින්නේ මෙහෙමයි

ඔබට ඇත්තේ තරමක් පිරිපුන් චබී පෙනුමක් සහිත සිරුරක් නම් සාරියක් අඳින්න ගියාම ඔබ සැලකිලිමත් විය යුතු කරුණු කිහිපයක් තියෙනවා.හේතුව තමයි ඔබව තවත් මහත් කර පෙන්වන්න ඔබ නොදැනුවත්ව කරන සුළු වැරදිවලට පුළුවන්.ඉතිං අද අපි කියලා දෙන්න යන්නේ සාරියක් අඳිද්දී මහත බව අඩු කර ඔබව කෙට්ටු කර පෙන්වීමට ඔබ අනුගමනය කළ යුතු tips කිහිපයක් ගැනයි.

සාරියෙහි රෙදි වර්ගය ගැන සැලකිලිමත් වන්න

ඔබ මහතයි නම් බර අඩු,කඩාහැලෙන ගතියෙන් යුතු ෆැබ්රික් වර්ගයේ රෙදි වෙන ජෝර්ජස්,හිපෝන්, ඉටැලියන් සිල්ක්,නෙට් රෙදි,ලයිග්ට් කොටන් වැනි රෙදි තෝරා ගන්න.

ප්‍රින්ට් සාරිවලට කැමති මහත අයෙක්නම් එවැනි සාරියක් මිලදී ගැනීමෙදී කුඩා මල් සහිත ප්‍රින්ට් සාරි වඩාත් ලස්සනට කැපී පෙනෙයි.එහිදි සාරි හැට්ටය තනි පාටකින් තිබීම අවශ්‍යයි.

කටාන් ලෙස හැදින්වෙන රෙදි ඔබට සුදුසු නැහැ.මොකද ඒහෙම රෙදි ගොඩක් බරට සහ පිම්බිලා තියෙන නිසා මහත කෙනෙක් තවත් මහතට පෙන්නනවා.

සාරියේ බෝඩරය ගැන සැලකිලිමත් වන්න

මෙහිදී මහත අයෙක් තෝරා ගත යුතු වන්නෙ හීනී බෝඩරයක් යෙදු සාරි වන අතර මහත අය මහත බෝඩරයක් යෙදු සාරියක් ඇදීමෙදී මහත බව මෙන්ම ශරීරයෙ මිටි බවද වඩාත් පෙන්නනවා.එම නිසා හීනී බෝඩරයක් යෙදු සාරියක් මගින් මේ ලක්ෂණ මගහරවා ගන්න පුලුවන්.

සාරියේ වර්ණය ගැනත් සැලකිලිමත් වන්න

සිරුර මහත කෙනෙක් තද වර්ණ සහිත සාරි ඇන්දාම ඒ කෙනාගේ සිරුරේ මහත අඩු වී පෙනෙනවා. ඔබ මහත අයෙක් නම් කළු වර්ණය, තද දුඹුරු, තද දම්, තද නිල් වැනි තද වර්ණ භාවිත කරන්න.එය ඔබව හැඩට පෙන්වීමට උදව් වේවි.

සාරිය අඳින විලාසිතාව

මෙහිදී සාරි පොට අඩු පළලකින් නමා ගැනීම හා සාරි පොට දිගට නොදමා දණහිස වෙන තෙක් දමා ගැනිම සුදුසුයි.

සාරි හැට්ටය මේ විදිහට මසන්න

උදරය නිරාවරණය නොවන ආකාරයට සාරි හැට්ට ඇදීම මගින්ද මහත අඩුකර පෙන්නන්න පුලුවන්. සාරි හැට්ටය ගැන සැලකිලිමත් වීමෙදී බෝට්ටු කර දාපු සාරි හැට්ට සුදුසු නැහැ.එහිදී උරහිස් පුළුල් කර පෙන්නමින් ඔබ වඩාත් මහත බව තවත් පෙන්වනවා. බෝරිචිචි අත් සහිත හෝ වඩාත් ලොකු අත් දැමු සාරි හැට්ට ඇදීමද යෝග්‍ය නොවේ.අත් දිගට දැමු පිටුපස කර V shape එකට දැමු හැට්ට මහත අඩු කර පෙන්වීමට වඩාත් සුදුසුයි.

ඔබ පළඳින පාවහන් ගැන සැලකිලිමත් වන්න

මහත කෙනෙක් සාරියක් ඇදීමෙදී එයට පළඳින පාවහන් ගැනද සැලකිලිමත් වෙන්න අවශ්‍යයි. මෙහිදි පෙන්සිල් හීල් ටයිප් එකේ පාවහන් යුගලක් වඩාත් සුදුසුයි.

ඉතින් තව දුරටත් මහත නිසා සාරි අඳින්න බය වෙන්නෙ නැතිව මේ ස්මාර්ට් ටිප්ස් අනුව ඔබටත් පුලුවන් සුන්දර සාරි විලාසිතාවකින් සැරසෙන්න.

Related Articles

Don't Miss




Latest Articles

සැරිසරන්නී -16

මගේ වත මතට සිනහවක් එන්නටත් ඒ සිනහව වියැකී යන්නටත් ඒ හැටි වෙලාවක් ගියේ නැත. ඒ කාලය පුරා රවීන් මදෙස ම බලා සිටියේ...

අතීත සුළඟ.

බිනරි බොහෝ වෙලාවක් තමන්ගේ ඔන්ලයින් බිස්නස් පේජ් එකට ආව මැසේජ් එකක් දිහා බලාගෙන හිටියා.ඒ පණිවිඩය නාවානම් කියලා ඇය දෙසිය වෙනි පාරටත් හිතන්න...

මතක දිගහැරුම 103 – අප්සාරි සිංහබාහු තිලකරත්න

එකසිය තුන්වන දිගහැරුම ,කොළඹ ප්‍රදේශය පුරාම හෂාන් නොගිය තැනක් නැති තරම් විය.විශාල වශයෙන් ඡන්ද රැස්වීම් පැවැත්වුණු අතර ඇතැම්...

ගැබ් ගැනීමෙන් තොරව ලිංගිකව එක් වීමට සුදුසු දින යෝනි ශ්‍රාව ඇසුරෙන් හඳුනා ගනිමු.

ආර්ථව චක්‍රයේ එක් එක් කාලයේදී කාන්තාවන්ගේ යෝනි මාර්ගයෙන් විවිධ ශ්‍රාවයන් පිටවෙනවා. මෙම ශ්‍රාවයන් සරු දින ඇසුරෙන් හඳුනාගෙන, ඒවා මග හැර...

නිලැසි -24

" බබා එහෙනම් ලෑස්ති වෙන්න ගෙදර යන්න.."තිසරු එසේ පැවසුවේ රාත්‍රී ආහාර ගන්නා අතර ය.හදිසියේ හටගත් රණ්ඩුවක නිමාව එසේ...