කුරුම්බා වතුරේ ඇති මේ විශ්මිත ගුණ ගැන ඔබ දන්නවා ද?

අධික ලෙස කෘමිනාශක හා වල්නාශක යොදා සිදු කරන ගොවිතැන හෙයින් අද අප පානය කරන ජලයේ දියවී ඇති විස නිරන්තරයෙන්ම අප සිරුර ලෙඩ කරන බව තවදුරටත් රහසක් නෙමෙයි. එනිසා කුරුම්බා වැනි ස්වාභාවික පානයන් ලබා ගැනීම ඉතා වැදගත්. කුරුම්බා ගෙඩිය තුල දියරය තිබියදීම හබල පෙති ආදිය එහි බහා මද වේලාවක් කබා පානය කිරීම එකල ඉතා ජනප්‍රියි. දාහය නිවන්න පමණක් නොව අප එතරම් ගණන් නොගත්තාට කුරුම්බා යනු ඉතාමත් ගුණදායී පානයක්.

ස්වීඩන ජාතික විද්‍යාඥයෙකු වන “සැන්ඩර් මාර්ක්ස්” විසින් වසර ගණනාවක් පුරා පවත්වන ලද පර්යේෂණවලින් හෙළිකරගත් තොරතුරුවලට අනුව,“කුරුම්බා වතුර සිරුරේ ගෙවීයන පටක කොටස් ප්‍රකෘතිමත් කිරීමටත්, යෞවන බව ආරක්ෂාකර ගැනීමටත් අවශ්‍ය රසායනිකයන්ගෙන් සපිරි කදිම පෝෂණීය පානයකි”. පිලිපීනයේ “භූ සම්පත් සහ පතල් සම්බන්ධ රාජ්‍ය ආයතනය” මඟින් සිදුකරන ලද පර්යේෂණවලට අනුව පැය 60 – 70 පමණ කාලයක් පොල් වතුරේ බහා තිබෙන ඛනිජ ස්පටික කුඩා කැබලිවලට කැඩී හෝ සම්පූර්ණයෙන්ම දියවී යන බව හෙළිදරව් විය. කුරුම්බා වතුර ඇසුරෙන් මෙවැනිම තවත් ඉතා සාර්ථක පරීක්ෂණයක් සිදුකරන්නට පිලිපීන ජාතික වෛද්‍ය විශේෂඥයෙකු වන එව්පෙමුයෝ මැකලල් ග්‍රේ සමත්විය.

මුත්‍රාශයේ ගල් ඇතිවීම නිසා දැනෙන අපහසුතාවය මෙන්ම වේදනාවන් විඳදරා ගැනීම පහසු නොවේ. විශේෂඥ වෛද්‍ය ග්‍රේට අනුව නැවුම් ළපටි කුරුම්බා වතුරෙහි අඩංගු මුත්‍රා කාරක ගුණාංග නිසා වකුගඩුවලින් මුත්‍රා පෙරීම මෙන්ම මුත්‍රාශයෙන් මුත්‍රා වහනය ද පහසුවන බව ස්ථීරයි. කුරුම්බා වතුර පානය කිරීමෙන් ලැබෙන මේ යහපත නිසාම වකුගඩුවල හා මුත්‍රා මාර්ගයේ මුත්‍රා ගල් වර්ධනය වීමට බලපාන සාධකවන ඛනිජ ලවණ වකුගඩු තුළ හෝ මුත්‍රාශය තුළ හෝ නොරැ‍ඳෙයි.

නිරෝගීව සිටින්නට කෘත්‍රීම කෝලා බීම වෙනුවට කුරුම්බා වතුර වැනි දේශීය පානයන් වෙත වැඩි නැඹුරුවක් දැකිවීම මේ අනුව වඩාත් සුදුසු නොවේද?

– කල්හාරී –

Related Articles

Don't Miss



Latest Articles

සුහදිනි -75

ලෝක කුසලාන තරග ඇරඹිණ.සකීට මුල් තරග කිහිපය මග හැරෙන බව ඇය දැන සිටියා ය.නමුත් වෙනදා මෙන් සිහින නොපෙනෙන අහස් ගැන ඕනෑවට වඩා...

(අ) හිමි සිහින -229

පැමිණිල්ලේ නීතිඥයා කතාකල පසු එයට උත්තර බැඳීමට අපට අවස්ථාව ආවා.එවිට එතෙක් මා රැගෙන ගිය ලිපිගොනු සියල්ල එකින් එක පොලිස් ස්ථානාධිපතිවරයාට පෙන්වමින් මගේ...

නිබ්බුත ගීත -24

ගේට්ටුවෙන් ඇතුලු වත්දී ම අප පිළි ගත්තේ දණක් උසට වැවුණ තණ කොළ හා වල් පැළෑටි වර්ග ය. කාලයකින් මේ බිමට මිනිස් දෙපා...

අවුරුදු 55 දී IVF තාක්ෂණය භාවිතා කර සිහිනය සැබෑ කරගත් අම්මා

කෙලී ක්ලාක් සිය ජීවිතය ගත කළේ මතකයන් ගොඩනඟා ගැනීමට සහ විවිධ වෘත්තීය අරමුණු සාක්ෂාත් කර ගැනීමටයි. ඇය ගුවන් තොටුපළ පර්යන්ත කළමනාකරුවෙකු ලෙස...

සුහදිනි -74

සකී අහස්ගේ නිවසට ගියේ නිම්නා ද සමඟ ය.හිමිදිරි පාන්දර අහස්ගේ නිවසට යද්දී ඔහු අවදිව වූවා පමණකි.සකී රැගෙන යන්නට එන බවට පිළිණ දුන්නාට...