පරිගණක ඇබ්බැහිය ඔස්ටියෝපොරෝසිස් රෝගයට අතවනයි ද?

රෝග ලක්ෂණ කිසිවක් මතු පිටින් නොපෙනීම නිසා නිහඬ රෝගයක් ලෙස හැඳින්වෙන ඔස්ටියෝපොරෝසිස් වැළඳීමේ අවදානම පරිගණක ඇබ්බැහිය නිසා වැඩිවිය හැකි බව ඔබ දැන සිටියාද?

ඔස්ටියෝපොරෝසිස් යනු අස්ථි පද්ධතිය ආශ්‍රිතව ඇතිවන බෝ නොවන ‍රෝගයක්. “ඔස්ටියෝපොරෝසිස්” යන්නෙහි තේරුම “සිදුරු සහිත අස්ථි” යන්නයි.  මෙහිදී අස්ථි දුර්වල වී ඇති බව දැනගන්න ලැබෙනුයේ වැටුණු විට හෝ යමක වැදී අස්ථියක් බිඳුණු විටයි. බොහෝ අය සිතන්නේ මෙම රෝගය වැලඳෙන්නේ වයස්ගත ස්ත්‍රීන්ට කියායි. නමුත් එම නිහඬ රෝගයට යොවුන් අයත් ගොදුරු වේ.

යොවුන් වියේ පසුවන්නන් ඇඟ වෙහෙසෙන ක්‍රියාකාරකම්වල නොයෙදී දවසේ වැඩි වේලාවක් පරිගණක තිරය හා රූපවාහිනිය ඉදිරියේ වාඩිවී සිටීමෙන් අස්ථි දුර්වලවීමේ අවදානමක් ඇතැයි නෝර්වේ හි දී සිදු කරන ලද අධ්‍යයනයකින් හෙළිවී ඇත.

ළමා කාලය හා තරුණ වයස එනම් වයස අවුරුදු 13 ත් 19ත් අතර කාලය අස්ථි වැඩීමේ හා නිසිපරිදි පිහිටීමේ වැදගත්ම කාලය බවත් මෙම තත්ත්වය මත පසුකාලීනව ඔස්ටියෝපොරෝසිස් රෝගී තත්ත්වය ඇතිවීමේ අවදානම මතුවන බවත් මෙහිදී අනාවරණය වී ඇත. තවද අධික වේලාවක් පරිගණක තිරය දෙස බලා සිටීම හා පිරිමි දරුවන්ගේ අස්ථිවල ඝනකම අඩුවීම අතර සබඳතාවක් පවතින බව විශේෂඥ  මතයයි.

කුඩා කල සිටම ඔස්ටියෝපොරෝසිස් වැළඳීම වළක්වාගැනීමට පියවර ගත යුතු අතර  ප්‍රමාණවත් ලෙස ව්‍යායාම් කිරීම , කැල්සියම් සහිත ආහාර ලබා ගැනීම, ධාන්‍ය, සෝයා හා තද කොළ පැහැයෙන් යුත් එළවළු ආහාරයට එක් කරගැනීම, දිනකට විනාඩි දහයක් පමණ වත් හිරු එළියට නිරාවරණ වී සිටීම ආදිය ඒ සඳහා උපකාරීවේ.

– කල්හාරී –

Related Articles

Don't Miss



Latest Articles

නිබ්බුත ගීත -29

මේ ජීවිතයට මම අතිශය ආදරය කරමි. ජීවත් වූ මේ කෙටි කාලයට ජීවිත සිය ගණනක් ජීවත් වූවා සේ මට දැනේ. එය දුක ද...

සුහදිනි – 78

ජය ඝෝෂා නැඟෙමින් තිබුණේ පරාජය පිළි නොගන්නා රසිකයන්ගෙනි.හඹා යා යුතු ඉලක්කය දිගු දුර එකකි.එහෙත් එය නොහැකි ඉලක්කයක් ද නොවේ.අහස් තමන්ගේ ඉනිම ඇරඹුවේ...

(අ)හිමි සිහින -232

මිනිස්සුන්ට විවිධ අදහස් මති මතාන්තර තියෙන්න පුලුවන්.ඒ මිනිස්සු රූපයෙන් පමණක් නොවෙයි අධ්‍යාපනයෙන් ආධ්‍යාත්මයෙන් මනුෂ්‍යත්වයෙන් ධනයෙන් බලයෙන් යසසින් ආදරයෙන්, කරුණාවෙන් වගේ  සියලු දෙයින්...

නිබ්බුත ගීත -28

මා හිටියේ යහනේ වැතිර ගෙන ය. මගේ පාලනයකින් තොර ව එක දිගට කඳුළු ගලා යමින් තිබිණ. උපන් දා සිට සැපක් කියා දෙයක්...

සුහදිනි -77

අවසන් මහා තරගයක් කියන්නේ සෑම කෙනෙකුම බලාපොරොත්තු  දල්වා බලා සිටින දවසකට ය.රාජ්‍ය නායකයාගේ පටන් සාමාන්‍ය රට වැසියන් දක්වාම තරුණයන් එකොළොස් දෙනෙකු බලාපොරොත්තුවෙ...