මී කිරි සමග ක්‍රිස්පී වෙජිටබල්ස්

0
304

මී කිරි කියන්නේ ඉතාමත්ම සුලබ ගුණදායක ආහාරයක්. මී කිරි මිශ්‍ර කර හදන මේ ආහාරය ඔබේ කෑම මේසයට පෝෂණය සමග නව පෙනුමක්, සතුටක් රැගෙන එයි කියලා අප සිතනවා.

අවශ්‍ය ද්‍රව්‍ය:

  • තීරු කපාගත් කැරට් ග්‍රෑම් 100
  • තීරු කපාගත් වම්බටු ග්‍රෑම් 100
  • තීරු කපාගත් අල ග්‍රෑම් 100
  • තීරු කපාගත් බෝංචි ග්‍රෑම් 100
  • මී කිරි අඬු කෝප්ප 1
  • කොත්තමල්ලි කොළ මේස හැඳි 1
  • සූදුරු කුඩු තේ හැඳි ¼
  • සූදුරු ඇට තේ හැඳි 1
  • දෙහි ගෙඩියක ඇඹුල්
  • ලුණු ස්වල්පයක්
  • බිත්තර 2
  • පාන්පිටි ස්වල්පයක්
කියවන්න :  රසම රස වෙජි කට්ලට්

සාදන ක්‍රමය:

පළමුව මී කිරිවලට කොත්තමල්ලි කොළ, සූදුරු, දෙහි ඇඹුල්, ලුණු, මිශ්‍ර කර පසෙකින් තබන්න. කපාගත් එළවලු වලට පාන්පිටි ස්වල්පයක් දමා මිශ්‍ර කර පසෙකින් තබන්න. බිත්තර 2 හොඳින් ගසා එයට පාන්පිටි ටිකක්, පොල්කිරි ස්වල්පයක් සූදුරු ඇට තේ හැඳි 1 එකතු කර බැටරය සාදන්න. කපාගත් එළවලු මෙහි දවටා ගැඹුරු තෙලේ රන්වන් පාටට බදින්න. බැදගත් එළවලු දීසියක අතුරා මීකිරි මිශ්‍රණය උඩින් දමන්න.

කියවන්න :  එන්න කන්න, ගෙදර හදපු කලු දොදොල්

– චම්මි –