Skin care කියන්නේ කාන්තා පිරිමි දෙපාර්ශවයම විශේෂයෙන්ම අවධානය යොමු කල යුතු කාරණාවක්. Skincare යන්නෙන් අදහස් කරන්නේ ඔබේ සම නිරෝගීව, පිරිසිදුව සහ ආරක්ෂාකාරීව තබා ගැනීම සඳහා එය හොඳින් රැක බලා ගැනීමේ පුරුද්දයි. සම පිරිසිදු කිරීම, මොයිස්චරයිසින් කිරීම සහ සම හිරු එළියෙන් ආරක්ෂා කර ගැනීම වගේම කුරුලෑ හෝ අධික වියළි බව හෝ තෙල් සහිත බව වැනි විශේෂිත ගැටළු වලට ප්‍රතිකාර කිරීම සඳහා නිෂ්පාදන භාවිතා කිරීම වැනි පියවර එයට ඇතුළත් වෙනවා.
මේ ආකාරයට දිනපතාම Skin care කෙරෙහි අවධානය යොමු කිරීමෙන් සමේ ස්වාභාවික සමතුලිතතාවය සහ පෙනුම පවත්වා ගැනීමට උපකාරී වන අතර මෙය හරි ආකාරයට සිදු කිරීමත් වැදගත්. එසේ නොවුනහොත් ඔබේ සමට අහිතකර ප්‍රතිඵල ඇති වීමේ හැකියාව තියෙනවා. මේ ලිපියෙන් අපි ඔබට කියන්නේ ඔබ අතින් සිදු වෙන Skin care වැරදි සහ ඒවා නිවැරදි කර ගන්නා ආකාරයයි.
අධික ලෙස පිරිසිදු කිරීම
ඔබේ මුහුණ නිතර සේදීමෙන් හෝ සැර පවිත්‍රකාරක භාවිතා කිරීමෙන් ඔබේ සමේ ස්වභාවික තෙල් ඉවත් කළ හැකි අතර, සම ස්වංයව සමනය කර ගැනීමට උත්සහ කරන විට පෙරටත් වඩා විවිධ අහිතකර තත්වයන් ඇති කරනවා.
නිවැරදි කර ගැනීම : දිනකට දෙවරක් ( උදේ සහ රාත්‍රී ) ඔබේ සම පිරිසිදු කරන්න. ඔබේ සමේ වර්ගයට ගැලපෙන මෘදු සහ සම සජලනය කරන පිරිසිදුකාරකයක් තෝරා ගන්න. ඔබේ සමට ආසාත්මිකතා හෝ වෙනත් තත්වයන් ඇති කළ හැකි, ප්‍රබල සුවඳ හෝ රසායනික ද්‍රව්‍ය සහිත සැර ස්ක්‍රබ් හෝ ක්ලෙන්සර් භාවිතා කිරීමෙන් වළකින්න.
හිරු ආවරණ මඟ හැරීම
දිනපතා හිරු ආවරණ භාවිතා නොකිරීම ඔබේ සමට කළ හැකි වඩාත්ම හානිකර වැරදි වලින් එකක් ලෙස හඳුන්වන්නට පුළුවන් .හිරු එළියට නිරාවරණය වීමෙන් සම ඉතා ඉක්මනින් වයසට යාම, රැලි වැටීම් ඇති වීම, අඳුරු පැල්ලම් සහ සමේ පිළිකා ඇතිවීමේ අවදානම පවා වැඩි විය හැක.
නිවැරදි කිරීම: සෑම දිනකම SPF 30 හෝ ඊට වැඩි ( Sunscreen ) හිරු ආවරණ යොදන්න. ඔබ පිටත සිටින්නේ නම් සෑම පැය දෙකකට වරක් එය නැවත යොදන්න. එහිදි ඔබේ මුහුණට පමණක් නොව, කන්, බෙල්ල සහ අත් වැනි ප්‍රදේශ වලද Sunscreen ආලේප කරන්න.
ඔබේ සම වර්ගය සඳහා වැරදි නිෂ්පාදන භාවිතා කිරීම
ඔබේ සම වර්ගයට නොගැලපෙන නිෂ්පාදන භාවිතා කිරීමෙන් ඔබේ සමට ඉතා විශාල ලෙස හානි සිදු වන්නට පුළුවන්. නිදසුනක් වශයෙන්, තෙල් සහිත සම මත අධික මොයිස්චරයිසර් භාවිතා කිරීම හෝ සංවේදී සම මත රළු නිෂ්පාදනයක් භාවිතා කිරීම ගැටළුව වඩාත් නරක අතට හැරීමේ හැකියාව තියෙනවා .
නිවැරදි කිරීම: ඔබේ සමේ වර්ගය (වියළි, තෙල් සහිත, සංයෝජන හෝ සංවේදී) හඳුනාගෙන එහි නිශ්චිත අවශ්‍යතා සපුරාලන නිෂ්පාදන පමණක් තෝරන්න. වියළි සම සඳහා, හයුලූරොනික් අම්ලය වැනි අමුද්‍රව්‍ය අඩංගු සම සජලනය කරන නිෂ්පාදනද , තෙල් සහිත සම සඳහා, තෙල් රහිත හෝ ජෙල් මත පදනම් වූ නිෂ්පාදනද තෝරා ගන්න
නිතර නිතර සම Exfoliate කිරීම
අධික ලෙස exfoliate කිරීම ඔබේ සමට හානි කළ හැකි අතර එමගින් සමට හානි වීම , ආසාත්මිකතා ඇති වීම සහ සම ගැලවී යාමට පවා හේතු විය හැකියි
නිවැරදි කිරීම: සම exfoliate කිරීම සතියකට වතාවක් කිරීමට සීමා කරන්න. සමට අහිතකර රසායනික ද්‍රව්‍ය අඩංගු වන නිශ්පාදන භාවිතා නොකර හැකි තාක් ස්වාභාවික අමුද්‍රව්‍ය භාවිතා කරන්න. සෑම exfoliate කිරීමකට පසුව ටෝනර් එකක් හෝ මොයිස්චරයිසර් එකක් භාවිතා කිරීමට සැලකිලිමත් වන්න.
මොයිස්චරයිසින් කිරීම නොසලකා හැරීම
විශේෂයෙන් ඔබට තෙල් සහිත සමක් ඇත්නම්, moisturising කිරීම සුදුසු නැතැයි ඔබට සිතෙන්නට පුළුවන් .නමුත් සමට අවශ්‍ය තෙතමනය ලබා දීම මඟ හැරීමෙන් ඔබේ සම විජලනය වීමට හේතු විය හැක. මෙමඟින් ඔබේ සම පෙරටත් වඩා තෙල් නිපදවිය හැකි අතර, එමගින් තව තවත් කුරුලෑ සහ ආසාත්මිකතා ඇති විය හැකියි.
නිවැරදි කිරීම : ඔබේ සමේ වර්ගය කුමක් වුවත් දිනපතා moisturising කරන්න. ඔබට තෙල් සහිත සමක් තිබේ නම්, සැහැල්ලු, තෙල් රහිත moisturiser එකක් තෝරා ගන්න.
කුරුලෑ කැඩීම
කුරුලෑ කැඩීම කැළැල්, දැවිල්ල සහ ආසාත්මිකතා වර්ධනය වීමට හේතු විය හැක. එය බැක්ටීරියාවන් පැතිර යාමට තවත් හේතුවක් හැකි අතර, තත්වය වඩාත් නරක අතට හැරීමේ හැකියාවද පවතිනවා.
නිවැරදි කිරීම: ඔබේ මුහුණ ස්පර්ශ කිරීමෙන් හෝ කුරුලෑ කැඩීමෙන් වළකින්න.ඒ වෙනුවට, කුරුලෑ වලට ප්‍රතිකාර කිරීම සඳහා නිශ්පාදනය කර ඇති නිශ්පාදන තෝරා ගන්න. කුරුලෑ දිගටම පවතී නම්, නිසි ප්‍රතිකාර සඳහා චර්ම රෝග විශේෂඥ වෛද්‍යවරයකුගේ සහය පතන්න.
ඔබේ බෙල්ල සහ පපුව නොසලකා හැරීම
බොහෝ අය මුහුණට අවධානය යොමු කරන අතර බෙල්ල, පපුව සහ අත් වලට අවධානය යොමු කරන්නේ නැහැ. මෙමගින් එම ප්‍රදේශ ඉතා පහසුවෙන් හිරු රශ්මිය සහ වෙනත් හේතු නිසා හානියට පත් වීම සිදු වෙනවා.
නිවැරදි කිරීම: ඔබේ බෙල්ල, පපුව සහ අත් යන ප්‍රදේශ වලටත් ඔබ භාවිතා කරන නිශ්පාදන ( Face wash , cleanser , scrub , sunscreen ) ආලේප කරන්න.
කල් ඉකුත් වූ හෝ පැරණි නිෂ්පාදන භාවිතා කිරීම
කල් ඉකුත් වූ නිෂ්පාදන භාවිතා කිරීම මගින් සම හානියට පත් වීම සහ ආසාදන ඇති වීම සිදු වෙනවා. ඒ වගේම පසුකාලීනව තත්වය වඩාත් නරක අතට හැරීමද සිදු විය හැකියි.
නිවැරදි කිරීම: සම ආරක්ෂණ නිෂ්පාදනවල කල් ඉකුත් වීමේ දිනය සෑම විටම පරීක්ෂා කරන්න. නිෂ්පාදනයේ වර්ණය, වයනය හෝ සුවඳ වෙනස් වේ නම්, එය තවදුරටත් භාවිතා කිරීමට ආරක්ෂිත නොවන බවට ලකුණු නිසා ඒ පිළිබඳව සැලකිලිමත් වන්න.
නින්දට පෙර මේකප් ඉවත් නොකිරීම
මේකප් ඉවත් නොකර නින්ද යාම සම දැඩි ලෙස හානියට පත් වීමට හේතුවක්. ආසාත්මිකතා ඇති වීම , කුරුලෑ ඇති වීම සහ වෙනත් දරුණු තත්වයන් ඇති වීම මෙමගින් සිදු විය හැකියි.
නිවැරදි කිරීම: සෑම විටම නින්දට පෙර මෘදු මේකප් ඉවත් කිරීමේ නිශ්පාදනයක් , බේබි ඔයිල් හෝ වෙනත් පිරිසිදු කාරකයක් භාවිතයෙන් මේකප් ඉවත් කරන්න.
ඔබ අතින් සිදු වුන කුඩා වරදකින් වුවද ඔබේ සමට විශාල හානි සිදු වීම විය හැකියි. මේ නිසා නිසා හොඳ Skin care routine එකකට හුරු වීම වගේම නිවැරදි නිශ්පාද භාවිතා කිරීමත් නිවැරදි පුරුදු අනුගමනය කිරීමත් වැදගත්.
