තුවාල පැල්ලම්, වියලෙමින් පවතින ප්රදේශ හෝ සුළු සමේ තුවාල ආරක්ෂිතව සහ සුවපහසු ලෙස සුව වීමට නිසි සැලකිල්ලක් අවශ්ය වනවා. බරපතල තුවාල වලට වෛද්ය ප්රතිකාර අවශ්ය වුවද, සමේ කුඩා පැල්ලම් සහ සුව වෙමින් පවතින තුවාල බොහෝ විට නිවසේදී සිදු කරන සරල පිළියම් සමග සම්පූර්ණයෙන් සුව කළ හැකියි. ස්වාභාවික සත්කාර සමේ සුව කිරීමේ ක්රියාවලියට සහාය වන අතරම වියළි බව, කැසීම, රතු පැහැ පැල්ලම් ඇතුළු අපහසුතාවයන් අඩු කිරීමට උපකාරී වනවා.
කෝමාරිකා සම සමනය කිරීමට සහ අලුත්වැඩියා කිරීමට උපකාරී වේ
කෝමාරිකා එහි සිසිලන සහ සුව කිරීමේ ගුණාංග සඳහා ලොව පුරා ප්රසිද්ධ වන අතර දැවිල්ල අඩු කළ හැකි සහ හානියට පත් සම ඉක්මනින් යථා තත්ත්වයට පත් කිරීමට උපකාරී වන ස්වාභාවික සංයෝග කෝමාරිකා වල අඩංගු වනවා.විශේෂයෙන්ම එය වියළි, කැසීම් ඇති තුවාල පැල්ලම් සඳහා ක්රියාකාරී වන ස්වභාවික සත්කාරයකි.
එය ක්රියා කරන්නේ කොහොමද?
- සම සජලනය කරයි
- රතු පැහැය සහ දැවිල්ල අඩු කරයි
- තුවාල පැල්ලම් වලට සිසිලනය ලබා දෙයි
- කාලයත් සමඟ කැළැල් අඩු කරයි
- භාවිතා කරන්නේ කොහොමද ?
- පිරිසිදු සම මත නැවුම් කෝමාරිකා ජෙල් මෘදු ලෙස තවරන්න
- මී පැණි ස්වභාවික සුව කිරීමට සහාය වේ
පිරිසිදු මී පැණි වල ස්වභාවික ප්රතිබැක්ටීරීය සහ මොයිස්චරයිසින් ගුණ අඩංගු වනවා . එය සම මත ආරක්ෂිත තට්ටුවක් නිර්මාණය කරන අතර සුව කිරීමේදී ඇති විය හැකි අධික වියළි බව වැළැක්වීමට උපකාරී වනවා.
එය උපකාරී වන්නේ කොහොමද ?
තුවාල ප්රදේශයේ තෙතමනය තබා ගැනීමට උපකාරී වේ
සුළු තුවාල මත ඇති බැක්ටීරියා අඩු කළ හැකිය
රළු හෝ ඉරිතලා ඇති සමේ පැල්ලම් මෘදු කරයි
සම ඉක්මනින් යථා තත්ත්වයට පත් කිරීමට සහාය වේ
භාවිතා කරන්නේ කොහොමද ?
සුළු තුවාල ලප මත පිරිසිදු මී පැණි තුනී ස්ථරයක් භාවිතා කර අවශ්ය නම් පසුව මෘදු ලෙස සෝදා හරින්න
පොල්තෙල් වියළි බව වළක්වයි
සුව කරන සම බොහෝ විට වියළි, පියලි සහිත හෝ තද ස්වභාවයක් ගන්නා අතර එවැනි සමක් මත පොල්තෙල් සම මෘදු කිරීමට සහ ඉරිතැලීම් අඩු කිරීමට උපකාරී වන ස්වභාවික මොයිස්චරයිසර් එකක් ලෙස ක්රියා කරනව.
එය උපකාරී වන්නේ කොහොමද ?
වියළි සමට තෙතමනය ලබාදෙයි
කැසීම අඩු කිරීමට උපකාරී වේ
සමේ බාධකයට සහාය වේ
ලකුණු සහ කැළැල් සෙමෙන් මකා දමයි
භාවිතා කරන්නේ කොහොමද ?
දිනකට වරක් හෝ දෙවරක් පිරිසිදු සම මත පොල්තෙල් කුඩා ප්රමාණයක් තවරා සම්බාහනය කරන්න.
Ice bag කැසීම සහ ඉදිමීම අඩු කරයි
සමහර තුවාල ලප සුව වීමේදි කැසීම හෝ ඉදිමීම ඇති වනවා.ඒ සඳහා අධික සැර නිෂ්පාදන භාවිතා නොකර ice bag භාවිතා කිරීමෙන් සම යථා තත්ත්වයට පත් කළ හැකියි.
එය උපකාරී වන්නේ කොහොමද?
ඉදිමීම අඩු කරයි
කැසීම සමනය කරයි
රතු පැහැය සහ දැවිල්ල අඩු කරයි
භාවිතා කරන්නේ කොහොමද ?
ප්ලාස්ටික් බෑගයකට අයිස් කැට කිහිපයක් දමා මිනිත්තු කිහිපයක් එම ප්රදේශය මත මෘදු ලෙස තබන්න.
තුවාලය සහිත ප්රදේශය පිරිසිදුව තබා ගැනීම වේගවත් සුවයට උපකාරී වේ
තුවාල සුව කර ගැනීම සඳහා වැදගත්ම පිළියමක් වන්නේ මූලික පිරිසිදුකමයි. අපිරිසිදුකම සහ දහඩිය සුව වන සම නැවත ආසාදනයට පත් කළ හැකි අතර සුව වීම මන්දගාමී කරයි.
එය උපකාරී වන්නේ කොහොමද?
ආසාදනය වළක්වයි
දැවිල්ල අඩු කරයි
සෞඛ්ය සම්පන්නව සම අලුත්වැඩියාවට ඉඩ සලසයි
සංවේදී සුව කිරීමේ පටක ආරක්ෂා කරයි
ප්රයෝජනවත් පුරුදු
මෘදු සබන් සහ ජලයෙන් මෘදු ලෙස සෝදන්න
මදක් සුව වුනු තුවාල සීරීමෙන් හෝ පීල් කිරීමෙන් වළකින්න
පිස දැමීම සඳහා පිරිසිදු තුවායක් භාවිතා කරන්න
අවශ්ය නම් දිනපතා වෙළුම් පටි වෙනස් කරන්න
කහ දැවිල්ල අඩු කළ හැකිය
තුවාල සඳහා නිවසේදී සිදු කරන සාම්ප්රදායික පිළියම් වල කහ බහුලව භාවිතා වන්නේ එහි අඩංගු වන බැක්ටීරියා විනාශ කිරීමේ ගුණාංග නිසාය. එය මෘදු සමේ ඇතිවන ආසාදන තත්ත්වයන් සමනය කිරීමට උපකාරී වනවා.
එය උපකාරී වන්නේ කොහොමද ?
රතු පැහැය අඩු කළ හැකිය
කෝපයට පත් සම සන්සුන් කිරීමට උපකාරී වේ
ස්වාභාවික සුව කිරීමේ සංයෝග අඩංගු වේ
භාවිතා කරන්නේ කොහොමද ?
කහ ස්වල්පයක් ජලය හෝ මී පැණි සමඟ මිශ්ර කර මෘදු ලෙස ආලේප කර විනාඩි දහයකට පමණ පසුව සෝදා හරින්න
සුව කිරීම වේගවත් කරන ආහාර
පලතුරු සහ එළවළු
බිත්තර
මාළු
ඇට වර්ග
ජලය
වෛද්ය උපකාර ලබා ගත යුතු වන්නේ කුමන අවස්ථාවේදීද?
නිවසේදී කළ හැකි පිළියම් සුදුසු වන්නේ සුළු තුවාල පැල්ලම් සඳහා පමණයි.නමුත්,
තුවාලය සහිත ප්රදේශය ඉතා වේදනාකාරී නම්
දුර්ගන්ධයක් හමනවා නම්
රතු පැහැය පැතිරෙනවා නම්
උණ ඇති වනවා නම්
තුවාලය දින කිහිපයකට පසු සුව නොවනවා නම්
තුවාලය ඇති ප්රදේශය ඉදිමී තිබෙනවා නම්
වෛද්ය ප්රතිකාර සහ උපදෙස් ලබාගත යුතු වෙනවා. නමුත් කුමන ආකාරයක තුවාලයකට වුවත් නිසි සැලකිල්ල සහ ඉවසීම වැදගත් වන්නේ සම සුව කිරීමට කාලය ගතවන බැවිනි.
