රේල් හයික් එකක් යමු ද?

සාමාන්‍යයෙන් කොල්ලො කෙල්ලො එකතු වුණාම ටිකක් වෙනස් විදියේ ට්‍රිප් යන්න කැමතියි. හැමදාම යන ට්‍රිප් නැතුව රේල් හයික් එකක් යන්න හිතෙනවා නම්, ඒකට හොඳම රූට්ස් තමයි මේ..

 

ඔහිය –  ඉදල්ගස්හින්න.

මේ රූට් එකේ යන විට ඔහිය මාර්ග පරීක්ෂක කාර්‍යාලයෙන් අවසර ගන්න. මේ පාර පිහිටන්නේ හෝර්ටන්තැන්න අභයභූමිය හරහා. අවසර නැතුව යාම තහනම්. සංවේදී කලාපයක් හරහා යා යුතු නිසා අවසර ගන්න ටිකක් අපහසු බවත් මතක තියා ගන්න. මේ මාර්ගයේ බිංගෙවල් දාහතරක් තිබෙනවා. වැඩිම බිංගෙවල් ප්‍රමාණයක් ඇත්තේ මේ ස්ටේශන් දෙක අතර නිසා අවදානමත් ටිකක් ඉහළයි.

 

පට්ටිපොල – ඔහිය.

පට්ටිපොල මාර්ග පරීක්ෂක කාර්‍යාලයෙන් අවසර අරන් හොඳ සිහියෙන් යා යුතු හයික් එකක් මේ.

 

ඇල්ල – දෙමෝදර.

ඇල්ල ස්ටේශන් එකේ මාර්ග පරීක්ෂා නිලධාරියාගෙන් අවසර ගන්න.ආරුක්කු නවයේ පාලම, දෙමෝදර රේල් ගැටය බලන්න පුලුවන්.පරිසර සුන්දරත්වය ඇති වෙනකම් විඳින්න පුලුවන් ගමනක් මේ.

 

ගල් ඔය – අග්බෝපුර

කිලෝමීටර් විසි පහක ගමනක්.. ලංකාවේ ස්ටේශන් දෙකක් අතර වැඩිම දුරක් තියෙන්නෙ මේ ස්ටේශන් දෙක අතර. මේ හරහා යන විට වනෝද්‍යාන දෙකක් පහු කරන්න වීම නිසා වන සතුන්ගෙන් පරිස්සම් වෙන්න. කවුඩුල්ල  වනෝද්‍යානය හරහා කිලෝමීටර් දොලහකුත් සෝමාවති​ය වනෝද්‍යානය හරහා කිලෝමීටර් දහයකුත් සහිත අපූරු හයික් එකක් තමයි මේ.

 

හබරණ – කැකිරාව

ඈතින් රිටිගල කන්ද බලමින් යන්න පුලුවන් අපූරු ගමනක්.

ගනේවත්ත – කුරුණෑගල.

කුරුණෑගල සිට කිලෝමීටර් විසි එකක් දුර ගනේවත්තට යන්න පුලුවන්. ආඳා ගල, යක්දෙස්සාගල, දැදුරුඔය පාලම වගේම ගල්ගුහා බලමින් යන මේ ගමන ටිකක් අව්ව වැඩි හයික් එකක් කියලා අමතක කරන්න එපා.

 

-නිබන්ධිකා-

Related Articles

Don't Miss



Latest Articles

ශරදාකාසේ -28

නිශාමනී ඒ සැඳෑවේ ගෙදර පැමිණියේ අලුතෙන් ම ශාන්ත වූ හිතකින් කියා කිව හැක. ඇය ශාරද සමගින් කතා බහකට ගියේ ම නැත. ඇගෙන්...

අමිහිරි විවාහ ජීවිතය නිසා විඳ වූ බිරිඳක්.

මනෝ උපදේශිකා ප්‍රබුද්ධිකා විජේතුංග මෙනෙවියගේ වෘත්තිය අත්දැකීම් ඇසුරෙන් පළ කරන්නකි.වෘත්තිය ආචාර ධර්ම රැකෙන පරිදි සත්‍ය කතාවේ නම් ගම් සහ යම් සිදුවීම් වෙනස්...

හිමගිරි අරණ -13

"මොන දේ වුණත් ඔහේ දරා ගන්න පුරුදු වුණාම ජීවිතේ ලේසියි රවිඳු." හිමාෂා එසේ පැවසුවේ ඇගේ ජීවිතය ඇසුරිනි.එයට කිසිත් නොකියා...

ශරදාකාසේ -27

නිශාමනී අරමුණකින් තොර ව ඔහේ බලා සිටියා ය. නටුවෙන් ගිළිහෙන කහ පාට ඇහැල මල් පෙති කැරකී විත් ඇගේ හිස මත ද පතිත...

අපිට අපි

"අම්මේ බඩගිනියි." පුංචි නෙතුක එහෙම කියාගෙන මුළුතැන්ගෙයට එබෙනකොට චමරි පුතා දිහා බලා ගෙන හිටියේ දරා ගන්න බැරි වේදනාවකින්.උයන්න මොකුත්ම...