රන් පදක්කමෙන් ගමට එළිය දුන් දිරිය දැරිය

පසුගිය දිනවලදී ඔලිම්පික් පදක්කම් දිනූවන්ට ලැබුණු තෑගිබෝග පිළිබඳ පුවත් කෙරෙහි ලෝකයේ දැඩි අවධානය යොමුවුණා. බොහෝ දෙනාට මිල මුදලින් යානවාහනවලින් ඉතිරීගිය කාලයක්වුණි. නමුත් මෙම සටහන ඒ සාම්ප්‍රදායෙන් ඔබ්බට ගිය රන් දියණියක් පිළිබඳවයි.

22 හැවිරිදි කෙන්යානු ජාතික Faith Kipyegon සති කිහිපයනට පෙර රියෝ ඔලිම්පික්හිදී කාන්තා 1500-meter ඉසව්වෙහි රන් පදක්කමක් දිනුවාය. 1980 සිටම ඇගේ ගම වන Ndabibit හි විදුලිය නොමැති හෙයින් ඇගේ ජයග්‍රාහී මොහොත නැරඹීමට ඇගේ දුප්පත් දෙමව්පියන්ටවත් මිතුරන්ටවත් අවස්ථාව නොලැබුණි.

ඇගේ ජයග්‍රහණයත් සමඟම අවශ්‍ය නම් අගනුවරින් සියලු පහසුකම් පිරි නිවසක් රජයෙන් ලබා  ගතහැකිව තිබිණි. නමුත් ඇය ඉල්ලා සිටියේ සුඛෝපභෝගී මෝටර් රථ හෝ විසල් මැදුරු නොවෙයි. ඒ වෙනුවට ඇගේ පියා Samuel Kipyegon කෙන්යානු ජනපති Uhuru Kenyatta වෙත අප්‍රිකානු පුවත්පතක් වන Daily Nation හරහා විවෘත ලිපියකින් දන්වා සිටයේ Faith ගේ ඉදිරි තරග නැරඹීමට ගමට විදුලිය ලබාදෙන ලෙසයි. පසුවදාම මුළු ගම්මානයම අමන්දානන්දයට පත්කරමින් විදුලි සේවකයන් පැමිණ ගමට අවශ්‍ය විදුලි රැහැන් අදින්නට පටන්ගත්හ. මේ පිළිබඳව දැනගන්නට ලැබුණු Samsung සමාගම දියණියගේ ඉදිරි දස්කම් නරඹන්නට රූපවාහිනී යන්ත්‍රයක් තිළිණ කිරීමට පොරොන්දුවී ඇත.

මෙවැනි දිරිය දියණියන් සහ යහපත් දෙමාපියන් සමස්ථ මානව පරපුරටම මහත් ආඩම්බරයක්. ධනය සහ බලය පමණක්ම හඹා යන සුළු අඩු පාඩුකමක් තිබුණ හොත් උපන් බිමද හැරදා යන ලොවක ඔබේ දරුවාටත් මෙවැනි ගුණදම් තිළිණ කළහැකි නම් එය මෙලොවට තිළිණ කල හැකි මහඟුතම දායාදයයි.

– කල්හාරි –

Related Articles

Don't Miss



Latest Articles

ශරදාකාසේ -33

පංචලී පුතෙකු බිහි කළා ය. පෞද්ගලික රෝහලක සුව පහසු ලෙස ඒ අත්දැකීම විඳ ගන්නට ශාරද ඇය ට අවස්ථාව උදා කර දී තිබුණේ...

කුඩුකේඩුකම්

"අම්මේ,මම දැක්කනෙ දෙව්මි පිරිමි ළමයෙක් එක්ක බස් ස්ටෑන්ඩ් එකේ ඉන්නවා." චතුරි ගෙට ගොඩ වුණේ එහෙම කියාගෙන.විශ්ව විද්‍යාලයේ ඉඳලා කාලෙකට...

වැටකොළු පොතු අපතේ නොදා සැකසිය හැකි ආහාර

මේ බොහොම අසීරු කාල පරිච්ඡේදයක්.ගෘහණියන් හැටියට අපිට කිසිවක්ම අපතේ යවන්නට මේ කාලයේ බැහැ.එළවළු පිරිමසාගෙන ඉවුම් පිහුම් කරන්න අපි හුරු වෙන්න ඕනෑ.ඒ නිසාම...

හිමගිරි අරණ -18

"මම හිතුණොත් පාරමීට කියනවා මං ගැන බලාපොරොත්තු තියා ගන්න එපා කියලා." රවිඳුගේ ඒ වචන හිමාෂා තිගැස්මට ලක් කරන්නට සමත්...

(අ)හිමි සිහින -122

දින කිහිපයක්ම ඔබට අහිමි සිහින ගෙන එන්නට නොහැකි වීම ගැන මුලින්ම අපි ඔබෙන් සමාව ඉල්ලා සිටිනවා.යම් අපහසුතා කිහිපයක් නිසා තමයි ඔබ මඟ...