“එයාට දැන් මාව පේන්නෙවත් නෑ, දරුවා ලැබුනට පස්සෙ එයාගෙ මුලු ලෝකෙම උනේ දරුවා. මං කියල කෙනෙක් ඉන්නවද? මම මොනවද කරන්නෙ කියලවත් හොයන්න කරන්න උවමනාවක් එයාට තිබුනෙ නෑ’
රශික මෙහෙම කිව්ව බවත්, එයා ඉන්නෙ මේ නිසා දුකෙන් අවුලෙන් බවත් සජිනි දැනගත්තෙ රශිකගෙ හොඳම යාලුවගෙන්. දරුවා ලැබුන එකත් එක්ක තමන්ගෙ අතින් රශිකට වෙන්න ඕන යුතුකම් හෙම ගොඩක් මග හැරුන විතරක් නෙවෙයි තමන්ට රශිකවත් මග ඇරිලා බව සජිනි තේරුම් ගත්තෙත් ඒ නිසා.
මේ වගේ සිදුවීම් අද කාලෙ දුලබ නැහැ.
බබාගේ උපතෙන් පසු, බොහෝ අවස්ථාවලදී සහ බබාගේ කටයුතු සඳහා වැඩි අවධානය යොමු වීම හේතුවෙන් සැමියාට නිසි අවධානය දෙන්න තියෙන ඉඩකඩ මගහැරෙන සහ ඒ නිසා සැමියා දුකට පත්වීමේ අවස්ථා ඇතිවිය හැකිය. මෙවන් අවස්ථාවකදී, ඔහුට ‘මග ඇරුණු’ බවක් දැනීම සුලභයි. පවුලේ නව සාමාජිකයාගේ පැමිණීම විශේෂිත අවස්ථාවක් වුවද, මවගේ හා පියාගේ සබඳතාවය සහ පවුලේ සමතුලිතභාවය මේ කාලයෙදිත් ඉතාම වැදගත් බව කියන්න ඕන.
1. ආරක්ෂිත සම්බන්ධතා තහවුරු කරන්න:
දරුවාගේ උපතෙන් පසු, මවගෙන් දරුවාට වඩාත්ම වැඩිම අවධානයක් ලැබිය හැකි වුවද, පියාගේ සහභාගිත්වය හා ආදරය අහිමි නොකළ යුතුය. ආරක්ෂිත හා විවෘත සන්නිවේදනයක් තහවුරු කර ගැනීම, තමාගේ දැනීම් හා අධිෂ්ඨානයන් පිළිබඳව සභ්‍ය සහ සාමකාමී ලෙස කතා කිරීම වඩාත්ම වැදගත් වෙන්නෙ අන්න ඒ නිසා.
මෙහිදී “එයා දැන් දරුවා ගැන විතරයිනෙ බලන්නෙ, හොයන්නෙ” කියා සැමියාට සිතීම සුලබ වීමට ඇති ඉඩකඩක් තිබෙන නිසා බිරින්දෑවරුන් විශේෂයෙන්ම මේ කාලයෙදි සැමියාගේ සහයෝගය සහ උපකාරය දරුවාගේ වැඩ කටයුතුවලට ඉල්ලීමෙන් සබඳතාවය වඩා තහවුරු කරගන්නත්, මග හැරුණ බවක් සිතේනම් එයින් මුදවා ගන්නටත් පුලුවන්.
2. එයාගෙනුත් උදව් ගන්න:
බබාගේ කටයුතු සඳහාම අවධානය යොමු වන විට, පියාට ද එම කටයුතු වලට සහභාගී වනු සඳහා අවස්ථාවක් ලබා දෙන්න. බබා සමඟ කාලය ගත කරන කොට එයාට තේරෙවි මේ කාලෙ ඔයාට කොච්චර අමාරුද කියන එක වගේම ඔයාට කොච්චර වැඩ කටයුතු ප්‍රමානයක් තියෙනවද කියන එක ගැන.
ඒ අවබෝධයත් එයාට උදව්වක් කරාවි මේ කාලෙ එයාගෙ මනසට දැනෙන නෙගටිව් ෆීලින්ග්ස් වලින් මිදෙන්න සහ තනිකමෙන් මිදෙන්න.
3. කාලය ගත කිරීම:
බබාගේ වැඩ කටයුතු අතර, මව සහ පියා ලෙස ඔබගේ සබඳතාවය මතක් කර ගැනීමද වැදගත්. සාදයක්, සංචාරයක්, හෝ සාමාන්‍යයෙන් එකට කාලය ගත කිරීමකට ඉඩ සලසන එක එම සම්බන්ධතාවයේ ආදරය තවදුරටත් ශක්තිමත් කරන්න හේතු වෙනවා.
4. එකිනෙකා හඳුනා ගැනීම:
පියාට බබා සමඟ කාලය ගත කිරීමට සහභාගි වන සෙල්ලම් සහ ක්‍රියාකාරකම් සකස් කිරීමද වැදගත් වෙනවා. බබා සමඟ කුසලතා වර්ධනය කිරීමට සහ සහජීවනය කෙරෙහි වැඩි අවධානය යොමු කිරීම තාත්තට තමනුත් මේ සබඳතාවය වෙනුවෙන් මහන්සි වෙනවා කියන දේ තේරුම් ගන්න උදව් කරාවි.ඒ වගේම තනිකමක් දැනෙනවා නම් ඒකත් මග හැරී යාවි.
6. කතාබහක්:
තමන්ට දැනෙන සිතුවිලි වගේම සැමියාගේ යම් කිසි වෙනසක් ඔබට පෙනීයනවානම් කල යුතු හොඳම දේ වන්නේ ඔහු සමග ඒ ගැන විවෘතව කතා බස් කිරීම. එතනදී ඔහුට දැනෙන මානසික පීඩාවන් වගේම ඔබේ අපහසුතාත් එකිනෙකා සමහ කතා කර, තේරුම්ගෙන පවුල් ජීවිතය වඩා සුන්දරව සහ තේරුම් ගැනීමකින් යුතුව ඉදිරියට යාමට ඔබට පුලුවන්කම ලැබෙනවා.
7. ඔහු වෙනුවෙන් වෙන් කල කාලයක්:
බබාගේ වැඩ අතරින් පියාට තනිකර කාලයක් ලබා දීම, ඔහුට තමන් වැදගත් සහ විශේෂ බව තේරුම් ගැනීමට අවස්තාව ලබා දීමට උපකාරී වෙනවා. ඒ නිසා හැකි විවේක වෙලාවක ඔහු වෙනුවෙන්ම යම් කිසි කාලයක් වෙන් කරන්න.
එහිදී ඔහු සමග කතා බහ කිරීම, ඔහු ආස යම් රස කැවිල්ලක් ආදිය පිළියෙල කර දීම වගේම හිස තෙල් සාත්තුවක් ලබා දීම, තුරුලු වී චිත්‍රපටයක් බැලීම වුවත් විය හැකියි.
මේ සියලුම ක්‍රියාකාරකම්, ඔබගේ සැමියාගේ සිතුවිලි සහ ගැටලූ තහවුරු කර ගැනීමට සහ බිරිඳගේ සහ සැමියාගේ අන්‍යෝන්‍ය සබඳතාවය වඩා යහපත් කර ගැනීමට හේතුවක් වනු ඇත.
ඒ වගේම දරුවාට නිවස තුල යහපත් මානසික සහ සාමාජීය පරිසරයක් ගොඩ නැගෙන්නටනම් මවත් පියාත් අතර තිබෙන අන්‍යෝන්‍ය වැටහීම සහ යහපත් සම්බන්ධීකරණය ඉතාම වැදගත් බව හොඳින්ම මතක තබා ගත යුතුයි.
