අවපැහැ වූ අත්යට පැහැපත් කරන්න සීනි වලින් ස්ක්‍රබ් එකක්

සීනි කියන්නේ හැම ගෙදරකම අනිවාර්යයෙන් තියෙන දෙයක්.අපේ එදිනෙදා රූපලාවණ්‍ය කටයුතු වලට ඇත්තටම සීනි හොඳ ස්වාභාවික රූපලාවණ්‍ය අමුද්‍රව්‍යයක් විදියට යොදා ගන්න පුලුවන්.සැලෝන් යන්න බැරි මේ කාලේ අවම වියදමකින් එවැනි පහසුවෙන් සපයා ගන්න පුලුවන් අමුද්‍රව්‍යයකින් ලස්සන වෙන්න පුලුවන් නම් අපූරුයි නේද?එහි තියන මඳක් රළු ගතිය නිසා ආවරණය වූ ප්‍රදේශවල ඇති වූ අවපැහැ ගැන්වීම් වලට එහෙම ඇත්තටම සීනි වලින් ස්ක්‍රබ් එකක් සකසා ගන්න පුලුවන් .

සීනි රූපලාවණ්‍ය මාධ්‍යයක් වෙන්නෙ කොහොමද?

සීනිවල ග්ලූකොයිඩ් අම්ලය අඩංගුයි.මේවා විටමින් සී අඩංගු මාධ්‍යයක් සමඟ ප්‍රතික්‍රියා ගැන්වීමෙන් අපට වඩා හොඳ රූපලාවණ්‍ය සත්කාරයක් කර ගන්න පුලුවන්.අඳුරු සම පැහැපත් කර ගන්න, මැරුණු සම ඉවත් කරන්න වගේම සමේ මොයිස්චරයිස් ගතිය ඉහළ නංවන්නත් සීනි හරිම වැදගත් රූපලාවණ්‍ය මාධ්‍යයක්.

ඇයි ආවරණය වූ ප්‍රදේශ අවපැහැ ගැනෙන්නේ?

කුණු දූවිලි තැන්පත් වීම.
මැරුණු හම ඉවත් නොවීම
ආවරණය වූ ස්ථාන ක්ලෙන්සර් හෝ ස්ක්‍රබ් නොකිරීම.

සීනිවලින් නිවසේදීම කළ හැකි ප්‍රතිකාර

ස්ක්‍රබ් -1

අවශ්‍ය ද්‍රව්‍ය

සීනි කැට
තක්කාලි
වෙනිවැල් කුඩු
දෙහි
මේවා සාමාන්‍ය ප්‍රමාණ වලින් සපයා ගන්න.

ප්‍රතිකාරය කරන්නේ මෙහෙමයි.

ඉහත සියල්ල හොඳින් මිශ්‍ර කර ගන්න.
විනාඩි විස්සක් ගල්වා තබන්න
කවාකාරව ස්ක්‍රබ් එක ඉවත් කරන්න
ඇල්වතුරෙන් ඉවත් කරන්න.

ස්ක්‍රබ් – 2

අවශ්‍ය ද්‍රව්‍ය

සීනි මේස හැදි 2
දෙහි ගෙඩියක යුෂ

කරගන්නා ආකාරය

සීනි හා ලෙමන් විනාඩි විස්සක් පමණ ගල්වා තබා ඉවත් කරන්න.

දෙහි අඩංගු කළ යුත්තේ සීනි වල ප්‍රතික්‍රියාව වැඩි කරන නිසා.ඒ නිසා අනිවාර්යයෙන් දෙහි මේ ස්ක්‍රබ් එකට අඩංගු විය යුතුමයි.

ස්ක්‍රබ් – 3

අවශ්‍ය ද්‍රව්‍ය

සීනි මේස හැදි 2
කෝමාරිකා පිත්තක යුෂ
දෙහි බිංදු

සියල්ල එකට මිශ්‍ර කර විනාඩි විස්සක් ගල්වා තබා ස්ක්‍රබ් කරගන්න.

මේ ස්ක්‍රබ් තුනෙන් එකක් මුලින්ම යොදන්න.ඊට පස්සෙ පැක් එකක් යොදන්න ඕනෑ.ඇත්තටම ආවරණය වූ ප්‍රදේශට පැක් එකක් අනවශ්‍යයි කියලා එකක් නැහැ.ඔබ පැක් එකක් දැමීම මේ ස්ක්‍රබ් එක සාර්ථක වෙන්න හේතු වෙනවා.ඒ නිසා පැක් එකක් අනිවාර්යයෙන් යොදන්න ඕන.එය මේ රළු වූ වැලමිටි, දණහිස් සහ අවපැහැ වූ කිහිලි ඉකිලි යථා තත්ත්වයට ගන්න උදව් වෙනවා.

පැක් එක යොදමු

අවශ්‍ය ද්‍රව්‍

කඩල පිටි
කහ දොඩම් ඉස්ම
යෝගට් හෝ මිකිරි
ග්ලිසරින්
ආමන්ඩ් කුඩු

පැක් එක යොදන ආකාරය

මේවා රැගෙන එකට මිශ්‍ර කර ගන්න.
මෙය විනාඩි විස්සක් තබා ඉවත් කර ගන්න.

ඉන්පසු ටෝනර් එකක් ගල්වා ගන්න.

මෙන්න මේ පියවර කිහිපය වැඩි මුදලක් වියදම් නොකර සතියට දෙවතාවක් වගේ කරන්න.ඉන් ඔබට වඩාත් යහපත් ප්‍රතිඵල අත් කරගන්න පුලුවන්.

ප්‍රවීණ රූපලාවණ්‍ය ශිල්පිනී – මධූ ජයවීර

Related Articles

Don't Miss



Latest Articles

සුන්දර නිය පෙළක් සඳහා නිවසේ දී ම කළ හැකි නොවරදින සත්කාර

කාන්තාවකගේ දෙපා වල මෙන්ම දෑත් වල සුන්දරත්වය සදහා නීරෝගිමත් නියපොතු ගොඩක් වැදගත්. හානි වුන නියපොතු නිසා ඔබේ දෑතේ මෙන්ම දෙපා වලත් සුන්දරත්වයටහානි...

ශරදාකාසේ -30

පවුලක් බිඳී යාම යනු  නීත්‍යානුකූල වූ බැඳීම් ලිහී යාමක් ම නොවේ. එහිදී ශරීරයක සියලු සෛල වල බිඳී යාමක් සිදු වේ. සිතක ක්ෂුද්‍ර...

කලගුණ

"පැතුම්,මේ මගේ යාළුවෙක්.රුවිනි.මෙයා මේ එක්සෑම් එකකට උදව් ගන්න කෙනෙක් හොයනවා" දිල්මි පැතුම්ට එහෙම කිව්වේ මිතුරිය හඳුන්වා දෙන ගමන්.මිතුරිය මේ...

හිමගිරි අරණ -15

"මම අද රවිඳුට කෑම එකක් ගෙනාවා.ඒ මනුස්සයා දවල්ට කන්නේ නෑ කියන්නේ." හිමාෂා හිස ඔසවා බැලුවේ පාරමීගේ පැමිණිල්ල ඇසී ය.පාරමීගේ...

සිරුරේ බර අඩු කරන සාර්ථක උපක්‍රම 8 ක්

ඕනම කාන්තාවක් කැමතියි තමන්ගේ ශරීරයේ අනවශ්‍ය බර අඩු කරගන්න. විශේෂයෙන්ම කාර්යබහුල ජීවිත ගත කරන කාන්තාවන්ට තියන ලොකුම ගැටලුව ව්‍යායාම කරන්න කාලයක් නැති...