මුඛයේ දුර්ගන්ධය ඔබටත් ගැටලුවක් ද?

කොතරම් අලංකාරව සැරසුනත් මුඛයේ දුර්ගන්ධය වැන් ගැටලු නිසා අපහසුතාවට පත්වන අවස්ථා බොහෝ ය. දත් දිරා යැම, පරිදන්ත රෝග ආදිය හැරුණු විට මුඛ සෞඛ්‍යය පිළිබඳව ඇති ඉතා ම සුලබ ම රෝගී තත්ත්වයක්‌ ලෙස මුඛ දුර්ගන්ධය හැඳින්විය හැකි ය. මෙම තත්ත්වය මගින් මානසික අසහනය, ආත්ම විශ්වාසය පිළිබඳව ගැටලු වැනි විවිධ අයහපත් ප්‍රතිඵල ගෙන දෙන නිසා විශේෂයෙන්ම අවදානය යොමු කලයුතුවේ. මින් අත්මිදීම සඳහා කළ හැකි ක්‍රම කිහිපයකි.

අනිවාර්යයෙන්ම දිනකට දෙවරක්වත් අවම වශයෙන් උදය හා රාත්‍රීර ආහාරයෙන් පසු සුදුසු දත් බුරුසුවකින් දත්, විදුරුමසේ දාරය, මදින්නට පුරුදු වන්න. දත් මැදීම සඳහා භාවිත කරන බුරුසුව ඉතා තදින් අල්ලා මැදීමෙන් වැළකිය යුතු අතර දත් මැදීම විනාඩි 5ක් පමණවත් සිදු කල යුතුවේ. දිනකට දෙවරක් වත් මෘදු කෙඳි සහිත දත් බුරුසුවකින් හෝ දිව පිරිසුදු කරන උපකරණයකින් දිව පිටුපස ඇති බැක්ටීරියා හා මියුකස් පටලය ඉවත් වන සේ පිරිසුදු කල යුතු වේ. පිරිසුදු ප්ලාස්ටික් හැන්දකින් ද මේ කාර්යය කළ හැකි ය. එවිට බැක්ටීරියා පාලනය පහසු වේ.

බොහෝ දෙනා වෛද්‍ය ප්‍රතිකාරවලින් තොරව මුඛ ශෝධන ද්‍රව්‍ය (Mouth Wash) පාවිච්චියට පෙලඹී සිටින නමුත් මේවායෙහි රසායනික ද්‍රව්‍ය බෙහෙවින් අඩංගු බැවින් වෛද්‍ය උපදෙස්‌ නොමැති ව දිගු කලක්‌ පාවිච්චිය සුදුසු නැත. එසේම දත් වර්ණය වෙනස් වීම, දත් මැලියම් වේගයෙන් තැන්පත් වීම ආදී අහිතකර ප්‍රතිඵල ද ඇති විය හැකි ය. ලුණු වතුරෙන් මුඛය සේදීම වඩාත් ආරක්‌ෂාකාරී සරල උපක්‍රමයකි.

සුදු ලූනු, රතු ලූනු, තොත්තමල්ලි, මස්‌, මාළු, කේජු, රටකජු ආදී ආහාර ද්‍රව්‍ය අනුභවයෙන් පසු එම ආහාර කැබැලි දත් අතර රැඳීමෙන් හා ආමාශයේ තිබෙන අවස්‌ථාවල දී ඒවායෙන් පිට වන වායුන් ගෙන් මුඛයේ දුර්ගන්ධය ඇති විය හැකි ය. කෙඳි සහිත සමබල වේලක් පබා ගත් විට කෙඳි මඟින් දිව පිටුපස පිරිසුදු වීමත් කෙළ ස්‍රාවය හොඳින් පවත්වා ගැනීමටත් හැකි නිසා මුඛයන් දුර්ගන්ධයක් වහනය වීම අඩාල වේ

මෙම තාවකාලික පිළියම් මඟින් මුඛයේ දුර්ගන්ධය පාලනය කළ නොහැකි නම් අනිවාර්යයෙන්ම දන්ත වෛද්‍යවරයකු මුණගැසී, කට ගඳ ඇති කරන මුඛයේ අභ්‍යන්තරික සාධක ඉවත් කිරීමට උපදෙස් හා ප්‍රතිකාර ගැනීමට වගබලා ගන්න. වසරකට වරක්වත්  දන්ත වෛද්‍යවරයා මුණගැසී, දත් පිරිසුදු කිරීම, දත් කුහර පුරවා ගැනීම, කැඩුණු පිරවුම් සකසා ගැනීම, පිරවිය නොහැකි දත් ගලවා දැමීම හෝ ස්නායු පිරවීම කර ගැනීම මුඛ දුර්ගන්ධයට හේතු විය හැකි සාධක වළකන ප්‍රතිකාර ලබා ගැනීම මඟින් මුඛ සෞඛ්‍ය ගැටලුවලින් තොරව සතුටින් ජීවත් විය හැකිය.

– කල්හාරී –

Related Articles

Don't Miss



Latest Articles

සුහදිනී -71

"මමයි අම්මයි ඔයාට බෝධි පූජා තියන්න යන්නේ" සකී එක්තරා උදෑසනක අහස්ව අවදි කළේ එසේ කියමිනි.තරගාවලිය ඇරඹෙන්නට වැඩි දවස් නොවේ.අහස්ගේ...

නිබ්බුත ගීත -20

ප්‍රේමයේ වියෝගය පිළිබඳ කල්පනා මා ආතුර කොට තිබිණ. මධාරා අක්කා ගේ විවාහ මංගල්ලයෙන් පස්සේ දෙතුන් දිනක් ගෙවී ගියේ ඒ ඔත්පල වීම තුළ...

නිබ්බුත ගීත -19

ජීවිතයක් වෙනස් වන්නට එක නිමේශයක් ප්‍රමාණවත් ය. මධාරා අක්කා විවාපත් ව මදුරාපුර මැදුරෙන් නික්ම ගිය මොහොත මට ඒ වගේ නිමේශයකි.

අම්මාගේ ජීවිතය බේරා ගත් සිව් හැවිරිදි පුතා.

කුඩා ගේබ්ගේ පියා ඔහුව සහ ඔහුගේ මව වූ ඔෆීලියාව හැර යන විට ඔහුට වයස මාස නවයක් පමණයි.එදින සිට ඔෆීලියා ගේබ්ව ආදරයෙන් රැක...

සුහදිනි -70

සාරණ්‍යා උත්කර්ෂවත් විවාහ මංගෝත්සවයක් පවත්වා විවාහ වූවා ය.ඇය සතුටිනි.ඇයට අවශ්‍ය ලෝකය දිනා ගත් සතුට ඇගේ දෑස් මත පෙනෙන්නට තිබිණ.