කන්න කන්න ආස හිතෙන චිකන් ඇන්ඩ් පයිනැපල් කෝල්ස්ලෝ සැලඩ්

රසයෙන් සහ ගුණයෙන් අනූන කෝස්ලෝ සැලඩ් ඉතාමත් ජනප්‍රිය සලාද වර්ගයක්. මෙහි විවිධ ප්‍රභේද දක්නට ලැබෙනවා. මේ එවන් රසවත් ප්‍රභේදයක් –

අවශ්‍ය ද්‍රව්‍ය:

  • ලුණු ගම්මිරිස් යොදා තම්බා ගත් චිකන් බ්‍රෙස්ට් කොටස් 1
  • අන්නාසි කැබැල්ලක්
  • කැරට් අලයක්
  • ගෝවා කොල කිහිපයක්
  • බී ළූණු ගෙඩියක්
  • මෙයෝනීස් සෝස් ස්වල්පයක්
  • දෙහි යුෂ ස්වල්පයක්
  • දුඹුරු සීනි ඉතා ස්වල්පයක්
  • ගමිමිරිස්
  • රස අනුව ලුණු

සාදන අයුරු:

ගෝවා, බී ළූණු සහ කැරට් ඉතාමත් සිහින්ව චොප් කර ගන්න. අන්නාසි කැබැල්ල කැට ලෙස කපා ගන්න. චිකන් කැබැල්ලත් සිහින්ව ඉරාගන්න. මෙයෝනීස් සෝස් එකට දුඹුරු සීනි, දෙහි, ගම්මිරිස් සහ ලුණු එකකර හොදින් මිශ්‍ර කර ගන්න. සකසා ගත් සැලඩ් ඩ්‍රසිං එකට චිකන් හා අන්නාසි කැබලි සහ කපාගත් එළවළු එකතු කර හොදින් මිශ්‍ර කර ගෙන පැය බාගයක් පමණ ශීතකරණයේ තබා පිළිගන්වන්න.

සැල්දරි හෝ කොත්තමල්ලි ස්වල්පයක් ද කැමති නම් එකතු කරගන්න පුළුවන්. අබ කුඩු ස්වල්පයක් එක් කර ගැනීමෙන් රස වැඩි කර ගත හැකියි. මෙයෝනීස් සෝස් රසයට අකමැති නම් කිරි, යෝගට් හෝ මුදවපු කිරි එක් කර ගත හැකිය.

චපාති, පරාට, බිරියානි, බත් වැනි ඕනෑම ආහාරයක සමඟ මෙම සලාදය සමඟ පිළිගැන්විය හැකිය. ඉතා රසවත් ගුණවත් සලාදයක් වන මෙය තනි අහාරයක් ලෙසත් පිළිගන්වන්නට හැකි නිසා දුර ගමනක් යන විට රැගෙන යන්න ඉතා සුදුසුයි.

– කල්හාරී –

Related Articles

Don't Miss



Latest Articles

සුහදිනී -71

"මමයි අම්මයි ඔයාට බෝධි පූජා තියන්න යන්නේ" සකී එක්තරා උදෑසනක අහස්ව අවදි කළේ එසේ කියමිනි.තරගාවලිය ඇරඹෙන්නට වැඩි දවස් නොවේ.අහස්ගේ...

නිබ්බුත ගීත -20

ප්‍රේමයේ වියෝගය පිළිබඳ කල්පනා මා ආතුර කොට තිබිණ. මධාරා අක්කා ගේ විවාහ මංගල්ලයෙන් පස්සේ දෙතුන් දිනක් ගෙවී ගියේ ඒ ඔත්පල වීම තුළ...

නිබ්බුත ගීත -19

ජීවිතයක් වෙනස් වන්නට එක නිමේශයක් ප්‍රමාණවත් ය. මධාරා අක්කා විවාපත් ව මදුරාපුර මැදුරෙන් නික්ම ගිය මොහොත මට ඒ වගේ නිමේශයකි.

අම්මාගේ ජීවිතය බේරා ගත් සිව් හැවිරිදි පුතා.

කුඩා ගේබ්ගේ පියා ඔහුව සහ ඔහුගේ මව වූ ඔෆීලියාව හැර යන විට ඔහුට වයස මාස නවයක් පමණයි.එදින සිට ඔෆීලියා ගේබ්ව ආදරයෙන් රැක...

සුහදිනි -70

සාරණ්‍යා උත්කර්ෂවත් විවාහ මංගෝත්සවයක් පවත්වා විවාහ වූවා ය.ඇය සතුටිනි.ඇයට අවශ්‍ය ලෝකය දිනා ගත් සතුට ඇගේ දෑස් මත පෙනෙන්නට තිබිණ.