ඵලදායි දිනයක් ගත කරන්න නම් ඔබට කළ හැකි හොඳම දේ තමයි හොඳ Morning routine එකකට හුරු වීම. මෙවැනි routine එකකින් ඔබේ දවස ආරම්භ කිරීමෙන්, ඔබ දවස පුරා සාර්ථකත්වය, අවධානය සහ උද්‍යෝගීමත් දවසක් වෙනුවෙන් ඔබේම මාර්ගය සකසා ගැනීම සිදුවනවා.ඵලදායී දවසක් සඳහා Morning routine එකකට හුරු වෙන්නේ කොහොමද ?
වේලාසනින් අවදි වන්න
ඉතා සාර්ථක පුද්ගලයන්ගේ ප්‍රධානම පොදු ලක්ෂණයක් වන්නේ වේලාසනින් අවදි වීමයි. අළුයම් කාලය බොහෝ විට නිහඬ වන අතර, ඔබේ ඉලක්ක වෙත අවධානය යොමු කිරීමට බාධාවකින් තොරව ඔබට කාලය ලබා දෙනවා. ඔබේ සාමාන්‍ය වේලාවට වඩා අවම වශයෙන් පැයකට පෙර අවදි වීමෙන් ඔබට සන්සුන්ව හා කාර්‍යක්ශමව දවස ආරම්භ කිරීමට ඉඩ සලසනවා. ඒ වගේම දවස පුරා ඔබේ ආතතිය පාලනය කිරීමටත් එය හේතුවක් වනවා.
වහාම සජලනය වන්න
දිගු රාත්‍රියක නින්දෙන් පසු ඔබේ සිරුර විජලනය වීමට බොහෝ දුරට ඉඩ තිබෙනවා. . ඔබ අවදි වූ විගස පිරිසිදු වතුර වීදුරුවක් පානය කිරීම ඔබේ ශරීරය නැවත සජලනය කිරීමට සහ ඔබේ පරිවෘත්තීය ආරම්භ කිරීමට හොඳම ක්‍රමයක් ලෙස සැලකෙනවා. ඒ වගේම ශරීරය සජනීයව තබා ගැනීම මගින් ශරීරයේ ශක්ති මට්ටම් සහ මානසික පැහැදිලි බවත් වැඩි කරනවා.
කෘතඥතාව පුහුණු කරන්න
ඔබ කෘතඥ වන දේවල් පිළිබඳව මෙනෙහි කිරීමට අවදි වීමෙන් පසුව මිනිත්තු කිහිපයක් ගත කරන්න. මෙය නව ආරම්භයක් ලබා ගැනීම හෝ ඔබේ ජීවිතයේ මිනිසුන් අගය කිරීම තරම් සරල කාරණයක් විය හැකි නමුත් කෘතවේදීත්වය ප්‍රගුණ කිරීම මගින් සතුට වැඩි කිරීම ,ආතතිය අඩු කිරීම , සහ දවස සඳහා ධනාත්මක පසුබිමක් සකස් කිරීම සිදු කරනවා .
ව්‍යායාම
උදෑසන කාලයේ ව්‍යායාම වල නියැලීම ඵලදායිතාව ඉහළ නැංවීම සඳහා වඩාත් සාර්ථක ක්‍රමයක් ලෙස හඳුන්වන්නට පුළුවන් . එය සම්පූර්ණ ව්‍යායාමයක්, යෝගා අභ්‍යාසයක් , දිවීම හෝ ඇවිදීම විය හැකියි. නමුත් එවැනි ක්‍රියාකාරකම් වල නියැළීම මගින් මනෝභාවය ඉහල නැංවීම , ශක්තිය සහ මානසික පැහැදිලිකම ඉහළ නැංවීම සිදු කරනවා. මෙය ඉතා සාර්ථක දවසකට ඔබට මග සලසනවා.
සෞඛ්‍ය සම්පන්න උදෑසන ආහාරයක් ගන්න
උදේ ආහාරය ඔබේ ශරීරයට ලබා ගන්නා ඉන්ධන හා සමාන වෙනවා. උදෑසන කාලය පුරාම ඔබව පූර්ණව හා ජවයෙන් තබා ගැනීමට ප්‍රෝටීන්, සෞඛ්‍ය සම්පන්න මේද සහ කෙඳි ඇතුළත් පෝෂ්‍යදායී ආහාර වේලක් තෝරා ගත යුතු වෙනවා.
ඔබේ දවස සැලසුම් කරන්න
ඔබේ ඉලක්ක සහ කාලසටහන සමාලෝචනය කිරීමට උදෑසන ආහාරයෙන් පසුව මිනිත්තු කිහිපයක් ගත කරන්න. ඔබට ඉටු කිරීමට අවශ්‍ය කාර්යයන් ලියා ඒවාට ප්‍රමුඛත්වය දෙන්න. ඔබ කළ යුතු දේ හරියටම දැන ගැනීමෙන් තීරණ ගැනීමේ තෙහෙට්ටුව අඩු වන අතර ඔබට මුලින්ම වඩාත් වැදගත් කාර්යයන් කෙරෙහි අවධානය යොමු කිරීමට ඉඩ සලසනවා.
පළමු පැය ඇතුළත තාක්ෂණික මෙවලම් භාවිතයෙන් වළකින්න
ඔබ අවදි වූ වහාම ඔබගේ දුරකථනය හෝ විද්‍යුත් තැපෑල පරීක්ෂා කිරීමට පුරුදු වී සිටිනවා නම් එය නවතා දමන්න. ඒ වෙනුවට, ඔබේ දින චර්යාව කෙරෙහි අවධානය යොමු කර දවස සඳහා ඔබේ අභිප්‍රායන් සකසන්න. ඔබගේ දුරකථනය පරීක්ෂා කිරීම ඔබේ අවධානය වෙනතකට යොමු කර උදෑසන කාලය තුළ ඔබගේ කාලය අපතේ යාම සිදුවිය හැකියි.
අලුත් දෙයක් කියවන්න හෝ ඉගෙන ගන්න
ආශ්වාදජනක හෝ අධ්‍යාපනික යමක් කියවීමට උදෑසන කාලයෙන් මිනිත්තු කිහිපයක් ගත කරන්න. එය පොතක්, ලිපියක් හෝ කෙටි කතාවක් වුවත් එවැනි ධනාත්මක වර්ධනයට නැඹුරු අන්තර්ගතයකින් ඔබේ මනස පෝෂණය කිරීමෙන් ඔබට ප්‍රබෝධයක් සහ ඵලදායි මානසිකත්වයක් ඇති කළ හැකියි. මෙමගින් ඔබට හොඳ ධනාත්මක හැඟීමකින් යුතුව ඔබේ දවස ආරම්භ කිරීමට හැකියාව ලැබෙනවා
ඔබේ ශරීරයට ශක්තිය ලබා දීමට, ඔබේ මනස පිරිසිදු කිරීමට සහ දවස සඳහා ධනාත්මක හැඟීමක් ලබා ගැනීමට ඉතා හොඳ උදෑසන දින චර්යාවක් අනුගමනය කිරීමෙන් ඔබට ඔබේ ඵලදායිතාව සැලකිය යුතු ලෙස ඉහළ නැංවිය හැකිය. මේ සඳහා කුඩා පියවර වලින් ආරම්භ කර ක්‍රමයෙන් ඔබට වඩාත් ගැලපෙන පුරුදු ගොඩනඟා ගන්න.
 | ReplyForwardAdd reaction |
