ආදරවන්තයාට තෑග්ගක් තෝරා ගන්න බැරුව ලත වෙන ගැහැණු ළමයින් වෙනුවෙන්මයි

උපන්දිනේට, ඇනිවසරි එකකට, ප්‍රොමෝෂන් එකක් වෙනුවෙන් තව නානප්‍රකාර හේතුවලට අපි, ආදරවන්තයාට තෑගි පිරිනමනවා. ඒත් හුඟක් වෙලාවට අපිට තියෙන ගැටළුව ඔහුට ගැළපෙන්නේ මොනවද කියන එකයි.මෙහෙම අමාරුවක වැටිලා ඉන්න ඔබ වෙනුවෙන් තමයි මේ. ඔහුට ගැලපෙන තෑගි ගැන සිම්පල් අයිඩියාස් කිහිපයක්.

ටයි පටි සහ tie pin

ඔෆිස් යන්න එක එක විදියේ ටයි පටි හොයන ඔහුට මේ තෑග්ග අපූරු තෑග්ගක්.  ලස්සන බොක්ස් එකකට අසුරලා ඔබට මෙය පිළිගන්වන්න පුලුවන්.

Device holder එකක්

වාහනයේ යනකොට ෆෝන් එක පේන්න තියාගන්නත් ගූගල් මැප් ක්‍රියාත්මක කරගෙන පාර හොයා ගද්දී ෆෝන් එක හොඳට පේන්නත් මේ තෑග්ග ඔහුට බොහොම උදව් වේවි.

Motor bike cover

බයික් එකක් තියෙනවා නම් ඔහුට මේ තෑග්ග හරිම අපූරු තෑග්ගක් වෙනවා. ඒ වගේම ලෙදර් ජැකට් එකක් තෑග්ගට එකතු කරන්න පුලුවන් නම්, බයික් එකේ යනකොට ඔහු තවත් කඩවසම් වෙලා පෙනේවි.

අත් ඔරලෝසුවක්

ඕනෑම තරුණයෙකු ඉතාම කැමති වෙන හොඳ තෑග්ගක් තමයි මේ. ඔහුගේ අතට ගැළපෙන්නේ මොන වර්ගයේ ඔරලෝසුවක් ද කියලා තීරණය කරන්න පුලුවන් ඔබට. ඒ වගේම smart watch එකක් වුණත් ඔහු ආදරෙන් බාර ගනීවී.

අව් කණ්නාඩි

ඔහුව ටිකක් stylish කරන්න මේකත් හොඳ තෑග්ගක්. ඒ වගේම සෞඛ්‍ය අතින් බැලුවමත් අව් කණ්නාඩි ඉතාම වැදගත් මෙහෙයක් ඉටු කරන නිසා මේ තෑග්ගත් ඇත්තටම ප්‍රයෝජනවත් දෙයක්.

Bluetooth head set, Sub woofer, Power bank

ෆෝන් එකත් එක්කම ඉන්න, ලැප්ටොප් එකට ඔබට වඩා ආදරය කරන ඔහුට මේ දේවල් වගේම තව බොහොමයක් ගැජට් තෑගි දෙන්න ඔබට පුලුවන්. ටිකක් වෙනස් අදහසක් නිසා ඔහු බොහොම කැමති වෙනවා සිකුරුයි.

මේ දේවල් ඇරුණම ඔහු කැමතිම ස්ටයිල් එකේ ඇඳුම්, ජැකට්, ඔහු කැමති වර්ගයේ ස්පෝට්ස් ජර්සියක්, සුවඳ විලවුන්, ලැප්ටොප් බෑග් එකක්, හොඳ වර්ගයේ පෑනක්, ඔහු සංගීතයට ඇලුම් කරනවා නම් ගිටාරයක්, ඔබට තෑග්ග වෙනුවෙන් වැඩි මුදලක් වැය කරන්න පුලුවන් නම් මේ දවස් වල ඔහුගේ සිහිනය වුණු ජංගම දුරකථනය වගේ බොහොමයක් තෑගි තිබෙනවා.

මේ ඕනෑම තෑග්ගක් ලස්සනට අසුරලා ඔහුට ඔබේ හිතේ ඇති ආදරයත් කාඩ් එකක් පිරෙන්න ලියලා දෙන්න අමතක කරන්න එපා

මේ සියල්ලට ම වඩා වැදගත්ම දේ, ඔහු ජීවිතයේ ලබපු ලොකුම තෑග්ග ඔබ, ඔබේ ආදරය. ඒ නිසා ඒ හොඳම තෑග්ග හැමවිටම ඔහුට දෙන්න.

-නිබන්ධිකා-

Related Articles

Don't Miss



Latest Articles

හිමගිරි අරණ -16

"අපේ බබාව ලැබුණට පස්සේ හිමාෂාගේ බබාට ඔයාගෙන් ලැබෙන්න ඕන දේවල් දීලා දාන්න.මම කියන්නෙ ඉඩමක් වගේ මොනවා හරි." මල්මි එසේ...

සුන්දර නිය පෙළක් සඳහා නිවසේ දී ම කළ හැකි නොවරදින සත්කාර

කාන්තාවකගේ දෙපා වල මෙන්ම දෑත් වල සුන්දරත්වය සදහා නීරෝගිමත් නියපොතු ගොඩක් වැදගත්. හානි වුන නියපොතු නිසා ඔබේ දෑතේ මෙන්ම දෙපා වලත් සුන්දරත්වයටහානි...

ශරදාකාසේ -30

පවුලක් බිඳී යාම යනු  නීත්‍යානුකූල වූ බැඳීම් ලිහී යාමක් ම නොවේ. එහිදී ශරීරයක සියලු සෛල වල බිඳී යාමක් සිදු වේ. සිතක ක්ෂුද්‍ර...

කලගුණ

"පැතුම්,මේ මගේ යාළුවෙක්.රුවිනි.මෙයා මේ එක්සෑම් එකකට උදව් ගන්න කෙනෙක් හොයනවා" දිල්මි පැතුම්ට එහෙම කිව්වේ මිතුරිය හඳුන්වා දෙන ගමන්.මිතුරිය මේ...

හිමගිරි අරණ -15

"මම අද රවිඳුට කෑම එකක් ගෙනාවා.ඒ මනුස්සයා දවල්ට කන්නේ නෑ කියන්නේ." හිමාෂා හිස ඔසවා බැලුවේ පාරමීගේ පැමිණිල්ල ඇසී ය.පාරමීගේ...