එදිනෙදා ජිවිතයට වැදගත් තොරතුරු ටිකක්

එදිනෙදා අපේ ජිවිතයට අවශ්‍ය දේවල් කොපමණ තියෙනවද ඉතින් ඒ අතරින් අපේ නිවැරදි ජිවන රටාවකට අනුබල දෙන වටිනා තොරතුරු ටිකක් මෙලෙස ඉදිරිපත් කරන්න අප හිතුවා.මේ තොරතුරු ඔබට මහත් සේ ප්‍රයෝජනවත් වේවි.

  • කොච්චර ගුණ දෙයක් වුනත් ඕනෑවට වැඩිය කන්න එපා.
  • කෝමාරිකා යුෂ හැමදාම උදේ හිස්බඩ බොන්න.
  • තිත්ත වුනාට කොහොඹ පොතු ගොඩාක් ගුණයි.
  • අමු ගොටුකොල ඉස්ම හිස්බඩ බොනවානම් මතක ශක්තිය වර්ණය සහ දීර්ඝායු ලැබෙනවා.
  • දවසකට බෙහෙත් නෙල්ලි ගෙඩි දෙකක් කනවානම් ආයුෂ වැඩි වෙනවා.
  • පේර,අඹ,ඇපල් වගේ දේවල් පොත්ත පිටින් කනකොට ගුණ වැඩියි.ඒත් වස විස නොගහපු තමන් ගහෙන් කඩා ගත්තොත් තමයි වටිනාකම
  • රටකජු බතල සහල් වැනි දේවල් කුරුට්ට සමඟ තමා ගුණ
  • කජු පුහුලන්වල ගොඩක් කැල්සියම් තියෙනවා.
  • වෙරළු කියන්නේ ඉක්මනින් ශක්තිය දෙන පළතුරක්.හරියට ග්ලූකෝස් වගේ.
  • දුඹුරු සීනි කන එක හිස කෙස් වලට හොඳයි.
  • මිදී දෙළුම් කනවිට ඇට සමඟ කන්න.
  • විසි කරන පොල් කුඩුවලින් වැඩ කිහිපයක් ගන්න පුළුවන්. (බිම පොලිෂ් කිරීම, තෙල් හිඳින්න, පුන්නක්කු හදන්න)
  • පොල් මිරිකීමෙන් පසු මැල්ලුමට හෝ සම්බෝලයට කලවම් කිරීම.
  • අලුත් පොල් කුඩු රන්වන් පාටත් ඉක්ම යනතෙක් කබලේ බැදගන්න.කලුවෙන්න බදින්න.ඒත් තිත්ත නොවෙන්න ඕනා.පස්සේ වංගෙඩියේ හරි මිරිස් ගලේ හරි සිහින් වෙන්න අඹරා ගන්න.මාළු,බිම්මල්,කොහිල,පුහුල්,වැනි දේවල් පිසින විට වඩාත් රසවත් වෙනවා.
  • කොළ වර්ග සලාද විදියට කෑම ගුණ වැඩියි.ඒත් පෙති තෝර වගේ දේවල් සම්බෝල කන්න එපා.මාරාන්තිකයිමැල්ලුම ගුණයි.
  • උණු වතුර පානය නිසා බර සහ මහත අඩුකර ගත හැකියි.
  • ගම්මිරිස් සහ ගොරකා බඩගින්න වඩවයි.සෙම සහිත රෝගීන්ට ගම්මිරිස් වඩා හොඳයි.
  • එළවලු වලට පොල් කිරි එක්කර පිසීමේදී ඒවාට වගා බිමේදී යොදන ලද කෘෂි රසායන වල විෂ තරමක් හෝ අඩුවේ.
  • ඇලුමිනියම් සහ ලෝහ භාජන හෝ හැඳි භාවිතය ආහාර පිසීමට සුදුසු නොවේ.
  • පොල් තෙල් ගුණ දායකයි.මතක ශක්තිය අඩු අයට වඩාත් සුදුසුයි.ඒත් වැඩියෙන් වගේම නිතර නිතර එපා.
  • පොල් වතුර ඉතාමත්ම ගුණ දායක පානයකි.පොල් වතුර අවුන්ස එකක සීනි ග්‍රෑම්1.3, පොටෑසියම් මිලිග්‍රෑම් 13.7, මැග්නීසියම්ප්‍රෝටීන්දියවන තන්තු සහ විටමින් c අඩංගු වී තිබෙනවා.
  • දවසකට රතු ළුණු ග්‍රෑම් 100 ක් කන්න.අමුවෙන් කනවා නම් ගොඩාක් හොඳයි.

නිකිණි බණ්ඩාරගේ ගමේ කෑම කෘතියෙනි..

– චම්මි –

Previous articleඉන්දියන් විදිහට අඳින මනාලයෙක්ට ගැලපෙන Sherwani ඇඳුම
Next articleඋත්සවයකට ගැලපෙන ලස්සන සාරි ජැකට් විලාසිතා
චම්මි ඉරේෂා කරපුටුගල
ශ්‍රී ජයවර්ධනපුර විශ්වවිද්‍යාලයේ ලේඛකත්ව සහ ජන සන්නිවේදනය පාඨමාලාව සමග ජාතික තරුණසේවා සභාවෙන් නිර්මාණාත්මක සංනිවේදනය ඇතුලුව රූපවාහිනී වැඩසටහන් නිෂ්පාදනය සහ වීඩියෝතාක්ෂණය හදාරා ඇත. රන්දිව ජාතික පුවත් පතේ විශේෂාංග ලේඛිකාවක ලෙසද,ශ්‍රී ලංකා සුමිත්‍රයෝ මෙල් මැදුර ආයතනයේ ප්‍රජා සංවර්ධන නිලධාරිනියක ලෙසද ,පිටපත් රචිකාවක ,වෙලද දැන්වීම් පිටපත් රචිකාවක ලෙසද අත්දැකීම් රාශියක් ලබාගෙන ඇත.ළමා පොත් 12කට ආසන්න ප්‍රමාණය ක් රචනා කර ඇති අතර ඉන් බොහොමයක් අන්තර්ජාතික සංවිධානය ක් වන රූම් ටු රීඩ් ආයතනය සමග සිදුකර ඇත.විනෝදාංශය ක් ලෙස කෙටි චිත්‍රපටකරණයේ නියැලෙනීය.