“පැය ගාණක් පාඩම් කළා… හැබැයි විභාග ශාලාවට ගියාම ඔක්කොම අමතකයි!”
මේ අත්දැකීම විභාගයක් ලියපු ඕනෑම කෙනෙකුට ඇති. පොත වහපු ගමන් හැමදේම මතක තිබුණා වගේ දැනෙනවා. ඒත් ප්රශ්න පත්රය අතට ගත්ත ගමන් මොළය එකපාරටම Blank වෙනවා.
එතකොට අපි හිතන්නේ,
“මගේ මතක ශක්තිය අඩුයි.”
“මම ඉගෙනගන්න දක්ෂ නැහැ.”
හැබැයි ඇත්ත කතාව ඒක නෙමෙයි.
බොහෝ වෙලාවට ප්රශ්නය තියෙන්නේ ඔයා පාඩම් කරන ක්රමයේ, ඔයාගේ බුද්ධියේ නෙමෙයි.
මේක හොඳටම තේරුම් ගන්න පුළුවන් ජපානය දිහා බැලුවම.
ජපානයේ ළමයින්ට ජපන් භාෂාවේ Kanji අක්ෂර 2,000කටත් වඩා ජීවිත කාලය පුරාම මතක තබාගන්න වෙනවා. ඒක ලේසි වැඩක් නෙමෙයි. ඒත් ඔවුන් ඒක කරනවා.
ඒකට හේතුව ඔවුන් වැඩිපුර පාඩම් කරන නිසා නෙමෙයි.
ඔවුන් පාඩම් කරන්නේ වෙනස් විදිහකට.
අද අපි බලමු ජපානේ ශිෂ්යයන් භාවිතා කරන මතක ශක්තිය වැඩි කරන අමුතුම ක්රම 5ක්.
1. පොත වහලා මතකයෙන් ලියන්න
අපි සාමාන්යයෙන් කරන වැරැද්ද තමයි…
- එකම පාඩම නැවත නැවත කියවනවා.
- හයිලයිට් කරනවා.
- නෝට්ස් ලස්සනට ලියනවා.
ඒත් මේවා බොහෝ වෙලාවට ඇස්වලට පාඩම් කරන ක්රම විතරයි.
මොළය ඇත්තටම ඉගෙන ගන්නේ මතකයෙන් තොරතුරු ආපහු ගන්න උත්සාහ කරනකොට.
ඒ නිසා ජපානේ ගුරුවරු කියන්නේ,
පාඩමක් කියවලා ඉවර වුණාම පොත වහන්න.
හිස් කොළයක් අරගෙන මතක තියෙන හැමදේම ලියන්න.
මුලදී මොකුත් මතක නැති වගේ දැනෙයි.
ඒක සාමාන්යයි.
හැබැයි ඒ උත්සාහය නිසා තමයි මොළයේ Neural Connections ශක්තිමත් වෙන්නේ.
විභාග ශාලාවේදීත් වෙන්නේ මේ වැඩේමනේ.
කවුරුත් පොත පෙන්නන්නේ නැහැ.
ඒ නිසා පාඩම් කරන වෙලාවෙම ඒ පුහුණුව ගන්න එක ඉතාම වැදගත්.
2. ලොකු පාඩම් පොඩි කොටස්වලට කඩන්න
ලොකු පාඩමක් දැක්ක ගමන් ගොඩක් අය බය වෙනවා.
“මේක කොහොමද ඉවර කරන්නේ?”
හැබැයි ජපානේ ශිෂ්යයන් එහෙම හිතන්නේ නැහැ.
එයාලා කරන්නෙ ලොකු පාඩම පුංචි කොටස්වලට කඩනවා.
අද එක කොටසක්.
හෙට තව කොටසක්.
ඊළඟ දවසේ තවත් ටිකක්.
මේ ක්රමය නිසා,
- මොළයට බරක් දැනෙන්නේ නැහැ.
- ඉගෙනගැනීම ලේසි වෙනවා.
- පාඩම් අමතක වීමත් අඩු වෙනවා.
පුංචියට දියුණු වෙන එක හැමදාම කරන එක තමයි අවසානයේ ලොකු ජයග්රහණයක් වෙන්නේ.
3. එක පාරක් පාඩම් කරලා නවතින්න එපා
අපේ ගොඩක් දෙනාගේ පුරුද්දක් තමයි…
අද පාඩම් කරනවා.
ඊට පස්සේ ඒ පාඩම ආයෙමත් බලන්නේ විභාගෙට කලින් දවසේ.
ඒ වෙනකොට මොළය ඒ තොරතුරු ගොඩක් අමතක කරලා ඉවරයි.
මේකට මනෝවිද්යාවේදී කියන්නේ Forgetting Curve.
ඒ නිසා ජපානේ ළමයි කරන්නේ…
පාඩමක් ඉගෙන ගත්තම,
- පැය 24කට පස්සේ
- දවස් 3කට පස්සේ
- සතියකට පස්සේ
- මාසයකට පස්සේ
ඒ පාඩම ආයෙමත් මතක් කරන එක.
මේකට කියන්නේ Spaced Repetition.
හරියට ගහකට වතුර දානවා වගේ.
මාසෙකට ඕන වතුර එක පාර දාන්නේ නැහැ.
ටික ටික දානවා.
මතකයත් එහෙමයි.
4. දවසකට විනාඩි 6ක් විතරක් වෙන් කරන්න
පාඩම් කරන්න පැය 6ක් ඕන කියලා හිතන අය ගොඩක් ඉන්නවා.
හැබැයි සමහර වෙලාවට විනාඩි 6ක් වුණත් ඇති.
ජපානේ භාවිතා කරන අදහසක් තමයි කුඩා දෛනික දියුණුව.
උදාහරණයක් විදියට
විනාඩි 2ක් – දවස් තුනකට කලින් ඉගෙනගත්ත දේවල්.
විනාඩි 2ක් – සතියකට කලින් ඉගෙනගත්ත දේවල්.
විනාඩි 2ක් – මාසයකට කලින් ඉගෙනගත්ත දේවල්.
මේ විනාඩි හය නිසා,
මොළය නිතරම ඒ තොරතුරු ආපහු සක්රිය කරනවා.
ඒ නිසා විභාගයට ගිය දවසේ තොරතුරු මතක් කරගන්න අමාරු වෙන්නේ නැහැ.
5. පාඩම් කරන තැන මොළයට සංඥාවක් වෙන්න දෙන්න
අපි ගොඩක් වෙලාවට ඇඳේ, සෝෆාවේ, ටීවී එක ඉස්සරහා, ෆෝන් එක අතේ තියාගෙන පාඩම් කරන්න උත්සාහ කරනවා.
එතකොට මොළය අවුල් වෙනවා.
“දැන් පාඩම් කරන්නද?”
“නැත්නම් Instagram බලන්නද?”
ජපානේ ළමයි මේකට වෙනම විසඳුමක් හොයාගෙන තියෙනවා.
එයාලා පාඩම් කරන්න වෙනම ස්ථානයක් තෝරගන්නවා.
ඒ තැනට ගියාම
- ෆෝන් නැහැ.
- Social Media නැහැ.
- වෙන වැඩ නැහැ.
සමහර අය ඉටිපන්දමක් පත්තු කරනවා.
සමහර අය එකම පෑන භාවිතා කරනවා.
සමහර අය එකම මේසයේ විතරක් පාඩම් කරනවා.
මේ හැමදේම කරන්නේ මොළයට එකම පණිවිඩයක් දෙන්න.
“දැන් ඉගෙනගන්න වෙලාව.”
කාලයක් යද්දී ඒ තැනට වාඩි වුණාමත් මොළය ස්වයංක්රීයව අවධානය යොමු කරන්න පටන් ගන්නවා.
ඇත්තටම මතක ශක්තිය වැඩි කරන්නේ මොකක්ද?
මතකය කියන්නේ උපතින් ලැබෙන දක්ෂකමක් නෙමෙයි.
ඒක පුහුණු කළ හැකි හැකියාවක්.
නිතරම තොරතුරු මතක් කරන මොළයක් අලුත් සම්බන්ධතා හදනවා. ඒ සම්බන්ධතා නැවත නැවත භාවිතා කරන තරමට ඒවා ශක්තිමත් වෙනවා. ඒ නිසා වැඩිපුර පැය ගණන් පාඩම් කරන එකට වඩා, නිවැරදි ක්රමයට පාඩම් කරන එක වැදගත්.
පාඩම් කරන එක කියන්නේ Hard Work විතරක් නෙමෙයි.
ඒක Smart Work එකක්.
ජපානේ ශිෂ්යයන් අපිට උගන්වන්නේ,
- නැවත නැවත කියවන්න එපා.
- මතකයෙන් ගන්න උත්සාහ කරන්න.
- පුංචි කොටස්වලින් ඉගෙනගන්න.
- නියමිත කාලවලදී නැවත මතක් කරන්න.
- මොළයට ඉගෙනගන්න වෙනම පරිසරයක් හදලා දෙන්න.
මේ පුරුදු පහ දවසින් දවස පුහුණු කළොත්, අද අමතක වෙන පාඩම් හෙට ඔයාගේ දිගුකාලීන මතකයේ කොටසක් වෙයි.
මතක තියාගන්න දක්ෂ ශිෂ්යයෙක් කියන්නේ වැඩිපුර පාඩම් කරන කෙනා නෙමෙයි. නිවැරදි විදිහට පාඩම් කරන කෙනායි.
