fbpx

ඉක්මනින්ම කෙට්ටු වෙන්න නම් ඇවිදින්න ඕන විද්‍යාත්මක නිවැරදිම ක්‍රම මෙන්න.

ඉතාම සරල ව්‍යායාමයක් වන ඇවිදීමෙන් ඔබේ ශරීරයේ බර ඉතා ඉක්මනින් අඩු කරගන්න පුලුවන් කියලා ඔබ දන්නවද? ඒ ගැන දැනගන්න මේ ලිපිය ඔබට ගොඩක් වැදගත් වේවි

අධික මුදලක් වැය කරලා ඔබ ඔබේ බර අඩු කරගන්න ජිම් එකකට යන්න හිතාගෙන ඉන්නවා නම් ,මේ ලිපිය කියෙව්වට පස්සෙ ඔබට ඒ මුදල ඉතිරි කරගන්න පුලුවන්. ඇවිදීම කියන්නේ ඔබට ඉතා පහසුවෙන් සහ ඉක්මනින් ඔබේ බර අඩු කරගන්න පුලුවන් හොඳම ව්‍යායාමයක් කියලා සෞඛ්‍ය විශේෂඥයන් නිර්දේශ කරලා තියනවා.ඒ වගේම එක තැන වාඩි වී සිටින අයට වඩා දිනපතා ඇවිදින අයට ලෙඩ රෝග වැළදීම ඉතා අඩු බවත් වෛද්‍යවරුන් පෙන්වා දීලා තියනවා.

ශරීරයේ බර අඩු කරගන්න කොයිතරම් කාලයක් ඇවිදින්න ඕනද?

මෙහිදී සතියට දින කීපයක් , විනාඩි 30 ත් 90 ත් අතර කාලයක් ඇවිදීම ඔබේ ඉලක්කය විය යුතු වෙනවා. ඒ වගේම මුලු සතියේම ඔබේ ඇවිදීමේ කාලය විනාඩි 150 ක් විය යුතුයි.
මෙය ආරම්භ කිරීමේදි, මුල් දිනයේ ඔබ සුලු වේලාවක් ඇවිද ඉන්පසු දිනෙන් දින ඔබේ ඇවිදීමේ කාලය වැඩි කලයුතුයි.
දින කීපයක් මෙය කිරීමෙන් ඔබට වෙහෙසක් දැනේ නම් එක් දිනක් විවේක ගන්නත් ඔබ සැලකිලිමත් වෙන්න ඕන.

ඇවිදීමේදි ඔබේ හෘද ස්පන්දන වේගය 60 – 70 ත් අතර විය යුතු අතරම එය මැනගැනීමට ඔබට ඒ සඳහා වූ උපකරණයක් භාවිත කරන්න පුලුවන්

ව්‍යායාමයක් ලෙස ඇවිදීමේදි ඔබේ සිරුරේ ඉරියව් කෙසේ වියයුතුද ?

  • මීටර් 6ක් පමණ ඈත බලාගෙන ශරීරය හා හිස (නිකට පොළොවට සමාන්තරව) කෙළින් තබාගෙන ඇවිදින්න
  • සාමාන්‍ය වේගයෙන් ඇවිදින්න.සාමාන්‍ය කතා බහේ යෙදෙන්න බැරි තරමට වේගයෙන් ඔබ ඇවිදිය යුතුයි කියලා හිතන්න එපා
  • ඔබේ වේගය වැඩි කිරීමට ඈතින් ඈත අඩි තබනවා වෙනුවට ඉක්මන්, කෙටි පියවර තබමින් වේගය වැඩි කරන්න.
  • වැලමිට ශරීරයට ගෑවෙන නොගෑවෙන දුරකින් අත් ඉස්සරහට සහ පස්සට පද්දන්න. ඔබේ අත් දෙපැත්තට පද්දන්න එපා
  • කොන්ද කෙලින් තබාගෙන ඇවිදිය යුතුයි.ඔබ ඇවිදින විට මුළු පයම එක විට පොළොවේ පතිත වන සේ ඇවිදින්න එපා. මුලින්ම පොළොවේ පතිත විය යුත්තේ විලුඹයි. ඉන්පසු ක්‍රමානුකූලව ඇඟිලි තුඩු දක්වා ගොස් ඊළඟ පියවර ගැනීම සඳහා අවශ්‍ය තල්ලුව ලබාගන්න
  • බර ඔසවාගෙන ඇවිදීම අවශ්‍ය වෙන්නෙ නෑ.ඇවිදින විට කටින් හුස්ම නොගෙන නාසයෙන් හොඳින් හුස්ම ගෙන පෙනහළු වෙත හොඳින් වාතය ලබා දිය යුතුයි

ව්‍යායාමයක් ලෙස ඇවිදීමෙන් ඇති වාසි මොනවද?

ඇවිදීමේදී අපේ ශරීරය වැඩි කම්පනයට හා සෙලවීමට භාජන නොවන නිසා දිවීම, පිහිනීම හා බයිසිකල් පැදීම වැනි ව්‍යායාම්වලට (aerobics) වඩා අනිවාර්යයෙන්ම ඇවිදිමෙන් ඔබට ප්‍රයෝජන තියෙනවා.
ඒ වගේම ඇවිදීම කියන්නේ මාංශ පේශීන්වලට හා සන්ධිවලට අනතුරු ඇතිවීමේ ප්‍රවණතාව අඩු ව්‍යායාමයක් ඇවිදීම හොඳම ව්‍යායාමය ලෙස කායික විශේෂඥයන් නම් කරලා තියනවා.

ඔබට එකවර විනාඩි 30 ක් ඇවිදීමට නොහැකි නම් මොකද්ද කරන්නෙ ඕනේ?

කාර්‍යබහුල ඔබට එකවර විනාඩි 30 ක් ඇවිදීමට කාලය වැය කරන්නට අපහසු නම් උදේ සහ සවස ලෙස කාලය බෙදාගෙන ඇවිදින්න ඔබට පුලුවන්

ව්‍යායාමයක් ලෙස ඇවිදින්නට පෙර ඔබ මොකද්ද කරන්න ඕනෙ?

මුලින්ම ඔබ වෛද්‍ය උපදෙස් ලබා ගත යුතු වෙනවා. ඔබට හෘදයාබාධ ,අධි රුධිර පීඩනය , දියවැඩියාව,කලන්ත ගති,කැරකිල්ල හෝ ඔබ ගර්භනී නම් වෛද්‍යවරයාගේ උපදෙස් ඔබට ඉතාමත් වැදගත්

ඉන්පසු ඔබ ඇවිදීමෙ නිසි ක්‍රමවේදයක් අනුගමනය කරන්න. දිනකට විනාඩි කීයක් කොපමණ දුරක් ඔබ ඇවිදිනවාද, දවසින් දවස ඔබ ඇවිදීමේ ප්‍රමාණය වැඩි කරගන්නෙ කෙසේද යන්න තීරණය කරන්න.

ඇවිදීමෙන් ඔබට අත්වෙන අනෙකුත් සෞඛ්‍යමය වාසි මොනවද?

  • හෘද සෞඛ්‍යය වැඩි දියුණු වෙනවා
  • ඇවිදීම නිසා අස්ථි ශක්තිමත් වන අතර අස්ථි සම්බන්ධ රෝග, ඔස්ටියෝපොරෝසිස් වැනි රෝග වැළඳීම අවම වෙනවා
  • දියවැඩියාව ඇතිවීමේ අවධානම අඩු කරනවා
  • රුධිර පීඩනය පාලනය කරනවා
  • මානසික ආතතිය අඩු වනවා
  • ශරීරයට දැනෙන උදාසීන බව අඩු කරනවා
  • සුව නින්දක් ලබා ගත හැකි වෙනවා

ඇවිදීමෙන් ඔබේ ශරීරයේ බර අඩු කරගන්නෙ කොහොමද කියලා ඔබ දැන් දන්නවා.නිසියාකාරව ඇවිදීමෙන් ඔබට වඩා හොඳ ප්‍රතිඵල ලබා ගන්න පුලුවන් .ඒ වගේම ඇවිදින්නට යාමෙදී ඔබට පහසු කපු ඇඳුම් , කපු මේස් සහ පහසු සපත්තු පළඳින්නත් වතුර බෝතලයක් රැගෙන යන්නත් අමතක කරන්න එපා

Related Articles

Popular Articles

Don't Miss




Latest Articles

error:
0
Would love your thoughts, please comment.x
()
x