fbpx

කෙට්ටු වෙන්න නම් ඔබ අනිවාර්යයෙන් cardio exercises කළ යුත්තේ ඇයි?

ව්‍යායාම වල නිරත වන ඔබ විවිධ ව්‍යායාම රටාව අනුගමනය කරනවා ඇති.මේ ව්‍යායාම් වලින් cardio exercises කියන්නේ වඩාත් ප්‍රථිඵල දායක සහ ජනප්‍රියම ව්‍යායාම ක්‍රමයක් . cardio exercises හෙවත් හෘද ව්‍යායාම යනු ඔබේ සාමාන්‍ය හෘද ස්පන්දන වේගය ඉහළ නංවන ව්‍යායාමයක්.

ඇවිදීම, දිවීම, පිහිනීම සහ බයිසිකල් පැදීම ඇතුළු ක්‍රියාකාරකම් මෙම cardio exercises ගණයට ඇතුළත් වෙනවා. එළිමහනේ ව්‍යායාම කිරීමට කැමති ඔබට එවැනි ක්‍රියාකාරකම් cardio exercises ලෙස කළ හැකි අතර නිවසේ දී මෙම ව්‍යායාම් වල නිරත වීමට කැමති ඔබට නිවසේදී වුවත් පහසුවෙන් කල හැකි cardio exercises ඕනෑතරම් තියෙනව.

මීට අමතරව නිවසේදී සිදු කරන සාමාන්‍ය ක්‍රියාකාරකම් එනම් අතුගෑම, මොප් කිරීම වැනි ක්‍රියාකාරකම් වැඩි වේගයකින් කිරීම මගින් එවැනි සාමාන්‍ය ක්‍රියාකාරකම් පවා cardio exercises ලෙස කරමින් අවශ්‍ය ප්‍රථිඵල ලබා ගැනීමේ හැකියාව ඔබට තිබෙනව.

කැලරි දහනයට වඩාත් ප්‍රථිඵලදායක cardio exercise ද weight exercises ද ?

cardio exercises සහ weight exercises යන දෙවර්ගයම සෞඛ්‍ය සම්පන්න සහ වඩාත් යෝග්‍ය ව්‍යායාම ක්‍රමයන් වේ. කෙසේ වෙතත් cardio exercises මගින් බර පුහුණු කිරීමේ ව්‍යායාමයක් හෙවත් weight exercises වලට වඩා කැලරි දහනය කිරීම සිදුවේ.

මීට අමතරව ඔබේ පරිවෘත්තීය ක්‍රියාවලිය ගොඩනැංවීම සඳහාත් , පෙනහලු වල සහ හෘදයේ සෞඛ්‍යය වැඩි දියුණු කිරීම සඳහාත් cardio exercises සුදුසු වේ.

ශරීරයේ විශේශ ස්ථාන වල මාංශ පේශීන් ගොඩනැංවීමට හෝ සිරුරේ සුවිශේෂී ස්ථානයක මාංශපේෂීන් අඩු කිරීම ඉලක්ක කර ගෙන weight exercises වඩාත් සුදුසු වේ.

ඒ අනුව ඔබේ ඉලක්කය කුමක්දැයි හඳුනාගෙන ඔබට අවශ්‍ය ව්‍යායාම ක්‍රමය කෙරෙහි ප්‍රමුඛතාව දීම ඔබට කළ හැකිය

ඔබේ සෞඛ්‍ය තත්වය ,බර සහ අවශ්‍යතාවය අනුව මෙම ව්‍යායාම වර්ග දෙක කළ යුතු අනුපිලිවෙළ සහ කලයුතු කාලය වෙනස් කල යුතු අතර සාමාන්‍යන් බොහෝ දෙනෙක් cardio exercises ප්‍රථමයෙන්ම කිරීමෙන් අනතුරුව weight exercises කිරීමට පුරුදු වෙලා ඉන්නව .

Cardio exercises කොපමණ වේලාවක් කළ යුතුද ?

සෞඛ්‍ය විශේෂඥයන් නිර්දේශ කරන ආකාරයට සාමාන්‍ය වැඩිහිටි පුද්ගලයෙකු සතියකට විනාඩි 150 ක කාලයක් cardio exercises වල නිරත විය යුතුය . ඔබ cardio exercises වලට ආධුනිකයකු නම් විනාඩි දහයත් පහළොවත් අතර කාලයේ සිට ආරම්භ කර ක්‍රම ක්‍රමයෙන් එම කාලය දීර්ඝ කිරීමට හැකිය. ඒ වගේම එම විනාඩි එකසිය පනහක කාලය සතියක් තුළ ඔබට ව්‍යායාම කළ හැකි දින කිහිපයක් තුළ බෙදා වෙන්කරගෙන වුවද සිදුකළ හැකිය .

Cardio exercises වල තියෙන සෞඛ්‍යමය ප්‍රතිලාභ මොනවාද?

බර අඩු කර ගැනීම සඳහා සඳහා හොඳම ව්‍යායාමයක්

cardio ව්‍යායාම් මඟින් මේදය හොඳින් දහනය කරන අතර ශරීරයේ ඇති කැලරි ප්‍රමාණය අඩු කිරීමට එය දායක වේ . බර අඩු කරගැනීමට කර ගැනීමට උත්සාහ කරන ඔබ ආහාර පාලනය කිරීමට අමතරව cardio ව්‍යායාමවල නිරත වනවා නම් ඔබට ඉතා හොඳ ප්‍රතිඵල ලබාගත හැකි බව කිව හැකිය

ඔබේ හෘද සෞඛ්‍යය වැඩි දියුණු කරයි

හෘදවාහිනී හෘදයට සහ රුධිර සෛල වලට සම්බන්ධ වන බැවින් දීවීම හෝ බයිසිකල් පැදීම වැනි හෘද ව්‍යායාම් කරන විට ඔබේ හදවත ශක්තිමත් වේ. මෙයට හේතුව මෙවැනි හෘද ව්‍යායාම මගින් ඔබේ හෘද ස්පන්දන වේගය වේගවත් කිරීම සහ නිසි ලෙස රුධිරය පොම්ප කිරීම යන කාරණයයි .එහි ප්‍රතිඵලයක් ලෙස ශරීරයේ ශක්තිමත් ම අවයවයක් වන හදවත ශක්තිමත් කරයි.

රෝග ගණනාවක අවදානම අඩු කරයි

cardio exercises කිරීම මගින් ඔබට ඇතිවිය හැකි රෝග ගණනාවක අවදානම අඩු කරනවා.මෙම ව්‍යායාම මගින් හෘදයාබාධ , අධි රුධිර පීඩනය සහ කොලෙස්ටරෝල් වැනි රෝග වැළඳීමේ අවදානම බොහෝ දුරට අඩුකර ගත හැකිය.බොහෝ පුද්ගලයන් දියවැඩියාව සහ පිළිකා රෝග වලින් පීඩා විඳින අතර cardio වැනි ශාරීරික ක්‍රියාකාරකම් වල නියමිත කාලයේදී අනුගත වෙනවා නම් මෙම රෝග වළක්වා ගත හැකි බව ඇතැම් පර්යේෂකයන් සඳහන් කරනවා

පෙනහළු ධාරිතාව දියුණු කරයි

ඔබ ව්‍යායාම කරන විට හුස්ම ගැනීමට අපහසු විය හැකි බැවින් බොහෝ දෙනෙක් cardio exercises වලින් ඈත් වීමට උත්සාහ කරනවා. කෙසේ වෙතත්, ඔබ අත්විඳින හුස්ම ගැනීමේ අපහසුව ඇත්ත වශයෙන්ම ඔබේ පෙනහළු වැඩි දියුණු කිරීමක් වනවා. වෙහෙසකර ව්‍යායාමයකදී ඔබේ හුස්ම ගැනීමේ හැකියාව සීමා උනත් කාඩියෝ ව්‍යායාම ඔබේ පෙනහළු ධාරිතාවය වැඩි කරනවා

සුව නින්දක් ලබා දෙයි

ඔබ දිනකට අවම වශයෙන් පැය හත අටක නින්දක් ලබා ගත යුතු බව වෛද්‍යවරුන්ගේ අදහස උනත් බොහෝ අය එය සිදු කරන්නෙ නැහැ. ඇත්ත වශයෙන්ම බොහෝ දෙනෙකුට හොඳින් නින්ද යාම සහ සුව නින්දක් ලබා ගැනීම අසීරු නිසා ඔබේ ජීවන රටාවට කාඩියෝ ව්‍යායාම එකතු කර ගත් විට ඔබට අනිවාර්යයෙන්ම ඉතා හොඳ වෙනසක් අත්විඳිමට හැකියාව ලැබෙනු ඇත

ප්‍රතිශක්තිකරණ පද්ධතිය දියුණු කරයි

cardio exercises කිරීම මගින් ඔබේ ප්‍රතිදේහ සහ සුදු රුධිර සෛල වෙනස් කරන බැවින් ඔබ ගොදුරු විය හැකි ඕනෑම බැක්ටීරියා ආසාදනයකට එරෙහිව සටන් කිරීමට හැකියාව ලැබේ. දිනපතා cardio exercises කිරීමෙන් ප්‍රතිදේහ සහ සුදු රුධිර සෛල ශරීරය තුළ තුළ වේගයෙන් එහා මෙහා ගෙන යන අතර ඒවා මගින් යෝගකාරකයන් ඉතා ඉක්මනින් හඳුනා ගනියි.

සැලකිය යුතු කරුණු

cardio exercise වල නිරත වීම ආරම්භ කිරීමට පෙර ඔබ අනිවාර්යයෙන්ම ඔබේ වෛද්‍යවරයා මුණ ගැසී ඔබේ සෞඛ්‍ය තත්වය කෙසේ දැයි පරික්ෂා කර ගත යුතුය . එමෙන්ම ඔබේ ශරීරයේ බර ,ඔබට ව්‍යායාම වල නිරත විය හැකි තීව්‍රතාවය සහ ඔබ යෙදිය හැකි වන්නේ කුමන ක්‍රියාකාරකම් වලද යන කරුණු පිළිබඳවද ඔබ සැලකිලිමත් විය යුතුය.

Related Articles

Popular Articles

Don't Miss




Latest Articles

error:
0
Would love your thoughts, please comment.x
()
x