දරු ප්‍රසූතියෙන් පසු කාන්තාවකගේ ශරීරයේ නොයෙකුත් වෙනස්කම් සිදුවෙනවා. නමුත් මේ වෙනස් කම් නිවැරැදි ව්‍යායාම , නිවැරැදි ආහාර පාලනය හා නිවැරැදි ඉරියව් මගින් නැවත පෙර ලෙසටම යතා තත්වයට පත් කර ගන්න පුලුවන් . දරු ප්‍රසූතියෙන් පසුව බොහෝ වෙනස් කම් වලට ලක්වෙන අවයව හා ශරීර කොටස් කිහිපයක් වන උදරය, පියයුරු , හා යෝනි මාර්ගය වැනි කොටස් වල සිදුවන එල්ලා වැටීම් හා ලිහිල් වීම් ඉක්මනින් නැවත ශක්තිමත් කර ගැනීමට වර්ථමානයේ මව්වරුන් ලොකු උනන්දුවක් දක්වනවා.
සෑම මවක්ම ප්‍රසූතියෙන් පසුව යෝනි ප්‍රදේශය නැවත ඉක්මණින් යථා තත්ත්වයට පත්වීම සඳහා සිදු කළ යුතු පසු ප්‍රසව ව්‍යායාම අනිවාර්යයෙන් අමතක නොකල යුතුයි.
සාමාන්‍ය දරු ප්‍රසූතියෙන් පසුව කාන්තාවකගේ යෝනිය ප්‍රමාණයෙන් විශාල වීම,වෙන දිනවලට වඩා වියළි ස්වභාවයක් ගැනීම මෙන්ම දැඩි වේදනාවක් දැනීම ද සිදු වන්න පුළුවන්. දරු ප්‍රසුතියේදී සිදුවන යෝනි මාර්ගය හා ගුද මාර්ගය අතර සම ඇදීම හෝ දරු ප්‍රසූතිය පහසු වීමට කෘතිමව යොදන කැපුමද මෙවැනි වෙනස්කම් ඇති වීමට හේතු වෙනව.
දරු ප්‍රසුතියෙන් පසු යෝනිය වෙනස් වීම සාමාන්‍ය දෙයක් වුවත් ප්‍රසුතියෙන් පසුව එය ශක්තිමත් කර ගැනීමට, පෙර තිබු තත්ත්වයට ගැනීමට ව්‍යායාම සිදු කිරීම අවශ්‍ය වනවා.
ඉතින් අද මේ ලිපිය වෙන්වන්නේ ස්භාවික දරු ප්‍රසූතියේදි ඇදීමට හා විශාල වීමකට ලක් වීම නිසා ලිහිල් වූ යෝනි මාර්ගය පෙර පරිදිම ශක්තිමත් බවට පත් කරන ආකාරය ගැනයි.
1.Pelvic floor
දරු ප්‍රසුතියෙන් පසු යෝනි මාංශ පේශීන් ශක්තිමත් කර ගැනීම සඳහා සිදු කළ හැකි සරල ව්‍යායාමයක් ගැනයි මේ කියන්න යන්නේ.
සිදු කරන ආකාරය
කොන්ද කෙළින් තබා අත් දණහිස් උඩින් තබා කකුල් මදක් ඈත් කර පුටුවක වාඩි වෙන්න.
පසුව ගුද මාර්ගය ආශ්‍රිත ප්‍රදේශයේ ඇති තද කරන්න. හෙමින් ලිහිල් කරන්න . කිහිප වරක් එය කරන්න.
ඉන් පසු මුත්‍රා පිට කිරීමට වළක්වා ගන්නාක් මෙන් මුත්‍රා මාර්ගය අවට ඇති මාංශ පේශින් තද කරන්න. පහට ගණන් කරන තුරු තද කර සිට සෙමින් බුරුල් කරන්න. සෑම විටකදීම මුත්‍රා පහ කිරීමෙන් පසු මෙම ව්‍යායාමය කරන්න.
සාමාන්‍යයෙන් මාංශ පේශීන් ශක්තිමත් කිරීමේ ව්‍යායාම එය කරන වාර ගණන සහ තද කර ගෙන සිටින කාලය වැඩි කිරීම මගින් මාංශ පේශීන්වල ශක්තිය වැඩි කරනවා.
1 පළමුවෙනි සතිය – 10 වතාව බැගින් උදේ සහ හවස
2 දෙවෙනි සතිය – 15 වතාව බැගින් උදේ හවස
මෙලෙස ක්‍රම ක්‍රමයෙන් මෙම ව්‍යායාම කරගෙන යෑමෙන් යෝනි මාංශ පේශීන් ශක්තිමත් කර ගන්න හැකිවෙනවා
2.Side plank
මෙම ව්‍යායාමය මගින් ඔබේ යෝනි මාංශ පේශි ශක්තිමත් කිරීම සහ සක්‍රීය කිරීම සිදු වනවා.
සිදු කරන ආකාරය
ඔබේ පාද එක මත එක මත තබා පැදුරක් මත ඔබේ පැත්තට වී නිදාගන්න.
ඔබේ කකුල් අංශක 90 ක කෝණයක් ඇති වන පරිදි ඔබේ දණ නමා ගන්න.
ඔබේ උරහිසට යටින් ඔබේ වැලමිට කෙළින්ම පැදුර මත තබා උකුල ඔසවා ඔබේ උරහිස් සිට දණහිස දක්වා සරල රේඛාවක් සාදන්න.
තත්පර 10-15 ක් තබාගෙන තත්පර 15 ක් නිදහස් කරන්න.
3.Bridge
දරු ප්‍රසූතියෙන් පසු මෙම ව්‍යායාමය යෝග්‍ය වන්නේ එය ඔබේ මූලික, ශ්‍රෝණි තට්ටුවේ මාංශ පේශි සහ ග්ලූටියස් මාංශ පේශි කෙරෙහි අවධානය යොමු කරන නිසයි.
සිදු කරන ආකාරය
පැදුරක් මත මුණින් හිටින ලෙස වැතිරී දණ නමා ඔබේ පාද බිම තදින් සිටුවීමෙන් පටන් ගන්න.
ඔබේ විලුඹ තල්ලු කර ඔබේ ඉණ බිමෙන් ඉහළට ඔසවා ඔබේ ග්ලූටියස් මාංශ පේශි මිරිකා සහ ශ්‍රෝණි තලයේ මාංශ පේශි සම්බන්ධ කර ගන්න.
ඔබේ ශරීරය ඔබේ උරහිස් සිට දණහිස දක්වා සෘජුව තියා ගත යුතුයි
තත්පර කිහිපයක් රැඳී සිටින්න, පසුව නිදහස් කරන්න.
10-15 වාරයක් නැවත නැවත කරන්න.
විනාඩියක් විවේක ගන්න, පසුව තවත් 10-15 වාරයක් නැවත කරන්න.
දරු ප්‍රසුතියෙන් පසුව ඔබේ යෝනි මාර්ගය පූර්ව උපත් හැඩයට සම්පූර්ණයෙන්ම ආපසු ගෙන්න බැහැ, නමුත් එය ගැටලුවක් නෙවෙයි.නමුත් ඉහත ව්‍යායාම ක්‍රම අනුගමනය කිරීම හරහා පසු කාලිනව ඇති විය හැකි අපහසුතා ඔබට මගහරවා ගැනීමට ඔබට හැකි වේවි
