ඉදිරියට නෙරා ඇති උදරය අඩු කර සිරුරේ බර අඩු කරන කුරුඳු සහ මී පැණිවලින් සාදන විශ්මිත පානය.

හොඳ ආහාර පාලනයක් සහ ව්‍යායාම රටාවක් අනුගමනය කිරීම ඔබේ ශරීරයේ අනවශ්‍ය බර අඩු කර ගැනීමට ඉතා පහසුවක් වන බව ඔබ දන්නවා.ඒ ක්‍රම දෙකට අමතරව ඔබේ බර අඩු කරගන්න ඔබට අනුගමනය කරන්න පුළුවන් තවත් එක ක්‍රමයක් ගැනයි අද අපි ඔබට කියන්න යන්නේ.ඒ තමයි කුරුඳු සහ මී පැණි භාවිතා කිරීම. මේ ක්‍රමය ගැන බොහෝ දෙනා දන්නවා උනත් තවමත් ඒ ඒ භාවිතා කරන්නේ සුළු පිරිසක්. ශරීරයට ඉතාම ගුණදායක අමුද්‍රව්‍ය දෙකක් වන කුරුදු සහ මී පැණි වලින් ඔබ නොසිතන ආකාරයේ ප්‍රයෝජන ලබා ගන්නේ මෙහෙමයි

කුරුදු වලින් ශරීරයට ලැබෙන සෞඛ්‍යමය ප්‍රතිලාභ මොනවද ?

  • ආහාර ජීර්ණ ක්‍රියාවලියේදී ඇතිවන බැක්ටීරියා, දිලීර සහ පරපෝෂිතයන් ඉවත් කරයි
  • රුධිරයේ සීනි මට්ටම ස්ථාවර කිරීමට උපකාරී වෙයි
  • රුධිරයේ අධික සීනි මට්ටම නිසා ඇතිවන මේදය ගබඩා කිරීම් වැඩි වීම වළක්වයි
  • ග්ලුකෝස් පරිවෘත්තිය විසි ගුණයකින් වැඩි කරයි
  • ඉන්සියුලින් ක්‍රියාකාරිත්වය වැඩිදියුණු කිරීමට උපකාරී වන අතර එය ශරීරයේ බර අඩු කිරීමට උපකාරී වෙයි
  • තෘප්තිමත් සහ පූර්ණ හැඟීමක් ලබා දෙමින් ආහාර රුචිය පාලනය කරයි

මී පැණි වලින් ශරීරයට ලැබෙන සෞඛ්‍යමය ප්‍රතිලාභ මොනවාද?

  • මී පැණි විටමින් සහ ඛනිජ ලවණ වලින් පිරී ඇති නිසා ශරීරයේ ශක්ති මට්ටම වැඩි කරයි
  • මානසිකව දැනෙන ආහාර රුචිය ස්වාභාවිකවම යටපත් කරයි
  • ශරීරයේ මේදය දහනය කිරීමට අවශ්‍ය පරිවෘත්තීය ක්‍රියාවලිය වැඩිදියුණු කරයි
  • මී පැණිවල, සීනි වලට වඩා සෞඛ්‍ය සම්පන්න ග්ලයිසමික් දර්ශක අගයක් ඇත.එම නිසා එය ක්‍රමානුකූලව සහ ක්‍රමක්‍රමයෙන් ඔබේ ශරීරයට අවශෝෂණය කරගනී
  • විවිධ සෞඛ්‍ය ප්‍රතිලාභ ලබා දෙන එන්සයිම සහ ප්‍රතිඔක්සිකාරක අඩංගු වෙයි
  • කොලෙස්ටරෝල් මට්ටම පාලනය කරයි

බර අඩු කර ගැනීම සඳහා කුරුඳු සහ මී පැණි භාවිතා කරන්නේ කොහොමද ?

කුරුදු තේ සහ මී පැණි

අවශ්‍ය වෙන්නේ මේ දේවල්

  • උණු වතුර
  • ලොකු කුරුඳු කැබැල්ලක්
  • මීපැණි තේ හැන්දක්

හදන්නෙ මෙහෙමයි

හොඳින් උතුරා ගත් වතුර කෝප්පයකට කුරුදු කැබැල්ල එකතු කරන්න.මිනිත්තු දහයක් පමණ එය වසා තබා පෙරා ගන්න.එයට මී පැණි තේ හැන්දක් එකතු කර පානය කරන්න

ග්‍රීන් ටී සමඟ කුරුඳු සහ මී පැණි

අවශ්‍ය වෙන්නේ මේ දේවල්

  • උණු වතුර
  • කුරුඳු කුඩු තේ හැඳි එකක්
  • මීපැණි තේ හැඳි එකක්
  • ග්‍රීන් ටී තේකොල හැඳි දෙකක්

හදන්නෙ මෙහෙමයි

උණු වතුර කෝප්පයකට ග්‍රීන් ටී තේ කොල හැඳි 2 එකතු කර මද වේලාවක් තැම්බෙන්නට හරින්න.ඉන්පසු එයට කුරුඳු කුඩු එකතු කරන්න.තවත් විනාඩි දෙකකට පමණ පසුව එය පෙරා මී පැණි එකතු කරගන්න

කුරුදු ,මී පැණි සහ ලෙමන්

අවශ්‍ය වෙන්නේ මේ දේවල්

  • උණු වතුර කෝප්ප එකහමාරක්
  • කුරුදු කුඩු තේ හැඳි එකක්
  • මීපැණි තේ හැඳි එකක්
  • ලෙමන් යුෂ තේ හැඳි එකක්

හදන්නෙ මෙහෙමයි

කුරුඳු කුඩු , මී පැණි සහ ලෙමන් යුෂ භාජනයකට එකතු කර හොඳින් මිශ්‍ර කරගන්න .එයට උණු වතුර කෝප්ප එකහමාර එකතු කර වසා තබා නිවෙන්නට හරින්න.මදක් නිවුණු පසු පෙරා ගන්න

මේ පානයන් පානය කළ යුත්තේ කුමන වෙලාවටද ?

උදෑසන

ඔබ බර අඩුකර අඩු කර ගැනීමට උත්සාහ කරන අයෙක් නම් ඔබේ දවස හොඳින් ආරම්භ කිරීම අතිශයම වැදගත්.එය ඔබේ දවසේ ඉතිරි කාලය ගතවන ගතවන ආකාරය තීරණය කිරීමට හේතුවක් වෙනවා.එය එසේ නොවුණු විට දවස තුළදී ඔබ ඕනෑම වෙලාවක ආහාර ගැනීමට හෝ සෞඛ්‍ය සම්පන්න නොවන දේවල් ආහාරයට ගැනීමට පෙලඹෙනවා.ඒ නිසා ඔබේ උදෑසන ආහාරයට පැය භාගයකට පමණ පෙර මෙවැනි පානයක් පානය කිරීම සුදුසුයි

එය ක්‍රියා කරන්නේ කොහොමද ?

කුරුදු සහ මීපැණි ඔබේ ආහාර ජීරණ පද්ධතිය ප්‍රබෝධමත් කිරීමට වගේම දිවා ආහාරය වනතුරු ඔබේ ශරීරයේ ශක්ති මට්ටම හොඳින් පවත්වා ගැනීමට උපකාරී වේ

ආහාර වේල් අතර

ඔබ අමතර කැලරි දහනයක් බලාපොරොත්තු වෙනවා නම් සහ ආහාර රුචිය පාලනය කර ගැනීමට බලාපොරොත්තු වෙනවා නම් කුරුදු සහ මී පැණි පානයක් ඔබේ ආහාර වේල් අතර එක් අවස්ථාවකදී භාවිතා කරන්නට පුළුවන් .

එය ක්‍රියා කරන්නේ කොහොමද ?

සාමාන්‍යයෙන් දිවා ආහාරයෙන් පසුව ඇතිවන තද නිදිමත පාලනය කිරීමට වගේම ඔබේ ශක්ති මට්ටම නොනැසී පවත්වා ගැනීමටත් කුරුදු සහ මී පැණි පානයන්ට හැකියාව තියෙනවා .ඒ වගේම මෙම පානය සහ ප්‍රධාන ආහාර වේල් අතරතුර වෙනත් කිසිදු ආහාරයක් නොගැනීමෙන් ඔබට හොඳ ප්‍රතිඵල ලබා ගන්නට පුළුවන්

ව්‍යායාම කිරීමට පෙර

ඔබ ව්‍යායාම කිරීමට පෙර ඔබේ කාර්යක්ෂමතාවය වැඩි කර ගැනීමට හැකි ක්‍රම පිළිබඳව සිතනවානම් කුරුඳු සහ මී පැණි පානයක් කියන්නේ හොඳම ක්‍රමයක් .එමඟින් ව්‍යායාමයෙන් පසුව ඔබට දැනෙන වෙහෙසකාරී බව ද අඩු කරගන්නට පුළුවන්

එය ක්‍රියා කරන්නේ කොහොමද ?

මී පැණිවල ඇති ස්වභාවික සීනි ඔබ ව්‍යායාම කරන අතරතුර ඔබේ ශක්ති මට්ටම ඉහළ නංවනවා .ඒ වගේම කුරුදු මගින් ඔබේ පරිවෘත්තීය ක්‍රියාවලිය ඉහළ නංවමින් හෘද ස්පන්දනය ද වඩාත් හොඳින් ක්‍රියා කරවනවා

නින්දට යාමට පෙර

ඔබේ රාත්‍රී නින්ද අතරතුර ආහාර ජීරණ පද්ධතිය හොඳින් ක්‍රියා කරවීමට නම් නින්දට පෙර කුරුදු සහ මී පැණි පානයක් ලබා ගැනීම සුදුසු වෙනවා . බොහෝ දෙනා රාත්‍රී ආහාරයෙන් පසුව අතුරුපස ලබා ගැනීමට හුරු වී සිටිනවා. නමුත් ඒ වෙනුවට මෙවැනි පානයක් ලබා ගැනීම ඔබේ ශරීරයට ඉතාම හිතකරයි

එය ක්‍රියා කරන්නේ කොහොමද ?

නින්දට පෙර කුරුදු සහ මී පැණි පානයක් ලබා ගැනීම මගින් රාත්‍රී කාලයේදී ඔබට වරින් වර කුසගිනි දැනීම පාලනය වනවා .ඒ වගේම නින්ද අතරතුර ඔබේ ආහාර ජීරණ පද්ධතිය ද හොඳින් ක්‍රියා කරවනවා.

සැලකිලිමත් විය යුතු කරුණු

  • සෑම විටම මී පැණි තේ හැන්දක් පමණ භාවිතා කිරීමට වගබලා ගන්න
  • වතුර උතුරා ගත් පසුව මීපැණි එකතු කිරීමට වග බලා ගන්න
  • මෙම පානයන් සඳහා සීනි හෝ ලුණු භාවිතා කිරීම අවශ්‍ය නැත
  • භාවිතා කිරීමට ආසන්න අවස්ථාවකදී පානයන් සකස් කරගත යුතු අතර නැවත රත් කිරීම නොකළ යුතුයි
  • ඔබේ ආහාර වේලට හොඳ එළවළු සහ පලතුරු අනිවාර්යයෙන්ම එකතු කරගත යුතුයි
  • ශරීරය සිසිල් කරන පාන වර්ග සහ ආහාර වර්ග ඔබේ ආහාර රටාවට එකතු කරගන්න

Related Articles

Don't Miss



Latest Articles

සුහදිනි -17

"සකී?" සියුම් ඇසුවේ පුදුමයෙනි.ඔහු දන්නා තරමින් අහස්ට සකීව කිසි දිනෙක මුණ ගැසී නොමැත. "ඒ ළමයා උඹට...

ප්‍රේමයේ අභිමන් – 10

දොර ළඟ සිට ගෙන සිටියේ තරුණියන් දෙදෙන ය. අපරාජිතා තිලිණය අතැතිව පිටුපසිනි. දේශිකා ඉදිරියෙනි. කොහොමත් හැමදාමත් එහෙම ය. ඉස්සරහා ට යන්නේ දේශිකා...

සුහදිනි – 16

සකී හැරී බැලුවේ නැවත වතාවක් ඇගේ නම ඇසුණු නිසා ය.ඇයට ඒ හඬ හුරුපුරුදු ය.ඒ ඇමතීම ද හුරුපුරුදු ය.ඒ හඬින් සකී යැයි කියැවෙන්නේ...

(අ)හිමි සිහින -179

මේ කතා මෙසේ ඔබට පවසද්දී මේ කාරණාව ඔබ සමඟ බෙදා නොගෙන බැරි බව මට හිතෙනවා.නීත්‍යානුකූල විවාහ තුනක් කරගත් එක් මිනිසෙකු වෙනුවෙන් ජීවිතය...

ප්‍රේමයේ අභිමන් -09

අපරාජිතා දනිපනි ගා නැගිට ගත්තා ය. ඒ කලබලයට ඇය වැටෙන්නට පවා ගියේ ය. හිත ඇති ව තිබුණේ ගෙහිමියා ගේ කන හරහා අතුල්...