වයස අවුරුදු 70 දී ලෝක බැඩ්මින්ටන් කිරුළ ලංකාවට රැගෙන ආ දිරිය කාන්තාව

වයස අවුරුදු 70 ක කාන්තාවක් ගැන ඔබට මොනවද හිතෙන්නේ? වයස්ගතව, ආගමික කටයුතු වල නියැලෙමින්, දරු මුණුපුරන්ට කතාන්දර කියමින්, පිරිහුණු ශරීර සෞඛ්‍ය පිළිබඳ ආඩපාලි කියමින්, එහෙම නැත්තම් සන්සුන්ව කාරුණිකව සිය දිවියේ අවසානය සනිටුහන් කරමින්… නැහැ. එහෙම නෙවේ. අප කියන්න යන මේ කතාව ඊට වඩා හාත්පසින්ම වෙනස් එකක්. වයස අවුරුදු හැත්තෑවේදී ලංකාවට ලෝක බැඩ්මින්ටන් කිරුළ රැගෙන ආ කාන්තාවක් ගැන. ඇය රෝහිණී ජයවර්ධන.

රෝහිණි කොළඹ කාන්තාවක්. බම්බලපිටියේ ශුද්ධ වූ පවුලේ කන්‍යාරාමය සහ ශාන්ත බ්‍රිජට් කන්‍යාරාමය ඇයගේ පාසල් ජීවිතය ආලෝකමත් කළා. ඇය බැඩ්මින්ටන් ක්‍රීඩාවට යොමුවන්නේ  අහම්බෙන්. දියණියගේ පැයක පෙර පාසල් කාලය අතර ඇයට ලැබෙන විවේකය අර්ථවත්ව ගෙවා ගැනීමටයි ඇය ඔස්ටර්ස් ක්‍රීඩා සමාජයට ගොස් බැඩ්මින්ටන් ක්‍රීඩාවේ යෙදෙන්නේ. ඒ ආරම්භය තමා ඇයව මෙතරම් දුරක් රැගෙන එන්නෙත්.

ඇය පවසන්නේ තමන් තවමත් පිහිනුම් ක්‍රීඩාවේ නිරත වන බවත් තමාගේ ව්‍යායාම් වන්නේ නිවසේ කාර්යයන් බවත්. ඒ වගේම රන් පදක්කම දිනු තරඟයේ ඇය ගේ ප්‍රතිවාදියා වී තිබුණේ නවසිලන්ත ජාතිකයෙක්. ඉතින් ඇයගේ රටේදීම ඇයව පරදා ජය ගන්නට ලැබීම සතුටක් වන බව පවසන ඇය තරඟය නැරඹු ඉන්දීය ක්‍රීඩා ලෝලීන් තමාට විශාල සහයෝගයක් ලබා දුන් බව පවසනවා.

ඉතින් ඔබ පිළිගන්නවා නේද ? වයස අවුරුදු 70 දී දිනා ගන්නා ජාත්‍යන්තර ජයග්‍රහණයක් පසු පස තිබෙන්නේ ධෛර්යයේ සහ නොපසුබස්නා බවේ කතාව මිස අන් කිසිවක් නොවන බව.

– චම්මි –

Related Articles

Don't Miss



Latest Articles

සුහදිනි -75

ලෝක කුසලාන තරග ඇරඹිණ.සකීට මුල් තරග කිහිපය මග හැරෙන බව ඇය දැන සිටියා ය.නමුත් වෙනදා මෙන් සිහින නොපෙනෙන අහස් ගැන ඕනෑවට වඩා...

(අ) හිමි සිහින -229

පැමිණිල්ලේ නීතිඥයා කතාකල පසු එයට උත්තර බැඳීමට අපට අවස්ථාව ආවා.එවිට එතෙක් මා රැගෙන ගිය ලිපිගොනු සියල්ල එකින් එක පොලිස් ස්ථානාධිපතිවරයාට පෙන්වමින් මගේ...

නිබ්බුත ගීත -24

ගේට්ටුවෙන් ඇතුලු වත්දී ම අප පිළි ගත්තේ දණක් උසට වැවුණ තණ කොළ හා වල් පැළෑටි වර්ග ය. කාලයකින් මේ බිමට මිනිස් දෙපා...

අවුරුදු 55 දී IVF තාක්ෂණය භාවිතා කර සිහිනය සැබෑ කරගත් අම්මා

කෙලී ක්ලාක් සිය ජීවිතය ගත කළේ මතකයන් ගොඩනඟා ගැනීමට සහ විවිධ වෘත්තීය අරමුණු සාක්ෂාත් කර ගැනීමටයි. ඇය ගුවන් තොටුපළ පර්යන්ත කළමනාකරුවෙකු ලෙස...

සුහදිනි -74

සකී අහස්ගේ නිවසට ගියේ නිම්නා ද සමඟ ය.හිමිදිරි පාන්දර අහස්ගේ නිවසට යද්දී ඔහු අවදිව වූවා පමණකි.සකී රැගෙන යන්නට එන බවට පිළිණ දුන්නාට...