උස වැඩි කර පෙනවන්න විලාසිතා කරන්නේ මෙන්න මෙහෙමයි

විලාසිතා කිරීමේ දී උස ගැන ප්‍රශ්නයක් කර ගත යුතු නැහැ. උස අඩු වැඩි කර පෙන්වන් ඕනෑ තරම් ක්‍රම තිබෙනවා. තරමක් උසින් අඩු යුවතියක් නම් පහත දක්වා ඇති අයුරින් ඔබේ සිරුරේ උස නිරූපණය වන ආකාරයට විලාසිතා කිරීම තුලින් උස වැඩි කර ඔබේ පෙනුම වැඩි කර ගත හැකියි.

ඔබ තරමක් උසින් අඩු නම් බෙල්ල ද තරමක කෙටි ස්වරූපයක් ගන්නා හෙයින් කොලරය සහිත blouse සහ කමීස තෝරා ගැනීම වඩාත් සුදුසුයි. කොලරය නොමැති රවුම් හැඩැති T Shirts, අත් රහිත කමිසමඟින් අත්වල දිග සහ ගෙල පෙදෙස තරමක් උස් කර පෙන්වයි. ඉණෙන් පහළට වූ තරමක් දිග කුර්තා කමිස සහ කලසම් ඇඳීමෙන්ද සිරුරට උස ස්වභාවයක් ගෙන දෙයි.

කෙටි සාය විලාසිතා, High Waist සාය හා කලිසම් විලාසිතා ඇසුරෙන් උස් වූ පෙනුමක් ලබාගත හැක.  කෙටි ගවුම් විලාසිතා ඔබේ සිරුරට වඩාත් ගැළපෙන අතර දණහිස මට්ටමෙන් තරමක් ඉහළට වනසේ හැඩවුණු ගවුම් විලාසිතා එක් කර ගත හැක.

පාවහන් විලාසිතා තෝරා ගැනීමේදී පැතලි අඩි සහිත පාවහන් පැලඳීම හැකි තරම් අඩු කර අඩි උස පාවහන් පැලඳීම තුලින් ඔබේ ඇඳුමට වැඩි එළියක් මෙන්ම උසින් වැඩි ස්වරූපයක්ද එක් කර ගත හැක.

ආභරණ පැලඳීම මඟින්ද ඔබේ සිරුරට මනා උස්වූ පෙනුමක් එක් කර ගත හැක. මාල පැළඳීමේදී ගෙලටම සවි නොවෙන දිගු ස්වභාවයක් ගන්නා මාල තෝරා ගැනීම සුදුසු වන අතර තරමක් දිගු (tussle) හැඩැති කරාබු විලාසිතා තෝරා ගත හැක.  රවුම් හැඩැති විලාසිතා භාවිත කිරීමෙන් වැලකීම ද වැදගත්වේ. ඔබ පලඳින බඳ පටිය තරමක් කැපී පෙනෙන වර්ණයකින් යුතු වීමත් උචිත වන්නක්

කොණ්ඩා විලාසිතා තෝරා ගැනීමේ දී ද මෙන්ම උසින් වැඩි ස්වරූපයක් ගෙන දෙන විලාසිතා  එක් කර ගැනීම මඟින් ඔබේ පෙනුමට වැඩි එළියක් එක් කරයි. සාමාන්‍ය ගමනකට පෝනිටේල් විලාසිතාව වැනි කෙස් කඩා හැලෙන පරිදි සැකසීම උචිත වන අතර උත්සව අවස්ථාවන්වලදී කොණ්ඩය තරමක් උස්වන අයුරින් කොණ්ඩා විලාසිතා යොදා ගැනීමත් සුදුසුවේ.

විලාසිතා තෝරා ගැනීමේ දී ඉණ පෙදෙස ආවරණය වන ගෙල දිගු බව පෙන්වන විලාසිතා තෝරා ගැනීම තුලින් ඔබ එක්වරම උසින් අඩු අයකු බව යමෙකුට තීරණය කිරීම අපහසු වනු ඇත. මේ අයුරින් ඔබේ සිරුරේ උස නිරූපණය වන ආකාරයට විලාසිතා කිරීම තුලින් උස වැඩි කර ඔබේ පෙනුම මනාව ඔප්නංවා ගත හැක.

– කල්හාරී –

Related Articles

Don't Miss



Latest Articles

(අ)හිමි සිහින -226

හත් දවසේ දානය නිමවූ පසු මගේ කල්පනාවේ තිබුණේ එක දෙයයි. ඒ තුන්මාසේ දානය මීටත් වඩා හොඳින් කළ යුතු බව සහ ඒ සඳහා...

නිබ්බුත ගීත -21

ඒ මින් පෙර කිසි දාක නො සිදු වූ දෙයකි. අපේ ගෙදර එහෙම රණ්ඩුවක් තබා උස් හඬින් කතා කිරීමක් හෝ සිදු වන්නේ නොවේ....

යෝනි මාර්ග දෙකක් සහ ගර්භාෂ දෙකක් සහිත එව්ලින්ගේ කතාව

Adult content creator කෙනෙකු වන Evelyn Miller වයස අවුරුදු 20 වන තෙක් ඇය යෝනි දෙකක් සහ ගර්භාෂ දෙකක් සහිතව උපත ලබා ඇති...

සුහදිනී -71

"මමයි අම්මයි ඔයාට බෝධි පූජා තියන්න යන්නේ" සකී එක්තරා උදෑසනක අහස්ව අවදි කළේ එසේ කියමිනි.තරගාවලිය ඇරඹෙන්නට වැඩි දවස් නොවේ.අහස්ගේ...

නිබ්බුත ගීත -20

ප්‍රේමයේ වියෝගය පිළිබඳ කල්පනා මා ආතුර කොට තිබිණ. මධාරා අක්කා ගේ විවාහ මංගල්ලයෙන් පස්සේ දෙතුන් දිනක් ගෙවී ගියේ ඒ ඔත්පල වීම තුළ...