ලෝකය පුරාම සිදුවන මරණ වලින් කැපී පෙනෙන ප්‍රතිශතයකට හේතු වෙන හෘදයාබාධ ඇතුළු හදවත් රෝග වැළැක්වීමට අපි ගන්නා ආහාර වල ගුණාත්භාවය ඉතාම වැදගත් කාර්‍යභාරයක් ඉටු කරනවා.
අපි ගන්නා ආහාර හෘදයාබාධ ඇතිවීමට බලපාන අවධානම් සාධක වන,
රුධිර පීඩනය,
ට්‍රයිග්ලිසරයිඩ,
කොලෙස්ට්‍රෝල් මට්ටම සහ දැවිල්ල වැඩි කිරීමට හේතු වෙන්න පුළුවන්.
ඒ නිසා, නීරෝගී ජීවිතයක් ගත කරන්න බලාපොරොත්තු වෙන අපි අපි පරිභෝජනයට ගන්නා ආහාර වල ගුණාත්මකභාවය ගැන සැළකිලිමත් වීම ඉතාම වටිනවා.
අන්න ඒ නිසා හෘදයාබාධ ඇතිවීමේ අවධානම අඩුකරන්න හේතුවෙන ආහාර ගැන ඔබව දැනුවත් වටිනව කියල smart lady අපි හිතුව.
එහෙනම්, අපි බලමු මොනවද මේ ආහාර වර්ග කියල?
කොළපාට කොළ එළවළු
නිවිති, රාබු, නෝකෝල් වගේ එළවළු වර්ග විටමින්, ඛනිජ ලවණ සහ ප්‍රතිඔක්සිකාරක වලින් පොහොසත්.
විශේෂයෙන්ම, මේ එළවළු වල ධමනි වල නීරෝගී පැවැත්මටත්, රුධිර කැටි ගැසීම ක්‍රමවත් කිරීමටත් උපකාරී වෙන විටමින් K වැඩි වශයෙන් අඩංගු වෙනවා.
ඊට අමතරව, මේවාගේ අඩංගු නයිට්‍රේට්, රුධිර පීඩනය අඩු කරන්න, ධමනි වල තද බව අඩු කරන්න සහ රුධිර වාහිනී ආවරණය කරන සෛලවල ක්‍රියාකාරීත්වය වැඩිදියුණු කරන්නත් හේතු වෙන බව සොයාගෙන තිබෙනවා.
ඒ නිසා, කොළ පාට කොළ එළවළු වර්ග අනෙක් එළවළු වර්ග වලට වඩා හෘදයේ නීරෝගී බව පවත්වා ගන්න උපකාරී වෙන බවයි පර්‍යේෂකයන් සඳහන් කරන්නේ.
සම්පූර්ණ ධාන්‍ය
සම්පූර්ණ තිරිඟු, දුඹුරු/ රතු සහල්, ඕට්ස්, රයි, බාර්ලි වගේ සම්පූර්ණ ධාන්‍ය නිවුඩ්ඩ ඉවත් කළ ධාන්‍ය වලට වඩා හෘදයට ඉතාම ආරක්ෂිත බව තමයි පර්‍යේෂකයන් සඳහන් කරන්නෙ.
ඒ නිසා නිවුඩ්ඩ ඉවත් කළ ධාන්‍ය අනුභව කිරීම,
හෘ ද වාහිනී රෝග,
කිරීටක හෘද රෝග,
ආඝාතය,
පරිවෘත්තී සින්ඩ්‍රෝම් වැනි රෝග ඇතිවීමේ අවධානම අඩු කරන්නත් කොලෙස්ට්‍රෝල් මට්ටම අඩු කරන්න සහ රුධිර පීඩනය අඩු කරන්නත් උපකාරී වෙන බව සඳහන් වෙනව.
නමුත්, මේ ධාන්‍ය මිලදී ගැනීමට පෙර 100% ක් සම්පූර්ණ ධාන්‍ය / පරිපූර්ණ ධාන්‍ය වගේ නම් තිබෙනවා දැයි සැළකිලිමත් වීම අනිවාර්‍යයි.
බෙරි වර්ග
ඔක්සිකාරක ආතතිය සහ දැවීම් වැනි හෘදයාබාධ වලට හේතු වෙන අවදානම් සාධක අඩු කරන්න උපකාරී වෙන ප්‍රතිඔක්සිකාරක වලින් ස්ට්‍ර්‍රෝබෙරි, බ්ලූබෙරි, බ්ලැක්බෙරි සහ රාස්බෙරි වගේ බෙරි වර්ග පරිපූර්ණයි.
මේ බෙරි වර්ග නිතරම ආහාරයට ගැනීමෙන් රුධිර නාල සහ රුධිර සෛලවල ක්‍රියාකාරීත්වය වැඩිදියුණු කර රුධිර පීඩනය සහ රුධිරය කැටි ගැසීමේ අවධානම අඩු කරන්නත් හේතු වෙනව.
රසවත් පළතුරු වර්ග විදිහට ඕනැම කෙනෙක් පිළිඟන්නෙ මේ බෙරි වර්ග හෘදයේ නීරෝගී පැවැත්මට හරිම වැදගත් නිසා නිතරම ආහාරයට ගැනීම ඉතාම වැදගත් කියලයි අපි ඔබට මතක් කරන්නෙ.
අලිගැටපේර
රුධිරයේ කොලෙස්ට්‍ර්‍රෝල් මට්ටම අඩුකර හෘදයාබාධ ඇතිවීමේ අවධානම අඩු කරන්න අලිගැටපේර ඉතාම හොඳ දායකත්වයක් ලබාදෙනවා.
අලිගැටපේර රුධිර පීඩනය අඩුකර, හෘද සෞඛ්‍ය යහපත්ව පවත්වා ගැනීමට හොඳ මෙහෙයක් ඉටු කරන පොටෑසියම් වලින් ඉතාම පොහොසත්.
ඒ නිසා අලිගැටපේර කියන්නෙත් හදවතේ නීරෝගි බව ගැන හිතන ඔබේ ආහාර වේලට එක්විය යුතුම පළතුරක්.
Omega 3 අඩංගු මාළු වර්ග සහ fish oil
ඕමෙගා 3 අම්ල වලින් සංතෘප්ත සැමන්, මැකරල්, සාඩින්, ටූනා වගේ මාළු වර්ග ශරීරයේ කොලෙස්ට්‍රෝල් මට්ටම අඩු කරන්න, රුධිරයේ ට්‍රයිග්ලිසරයිඩ් මට්ටම අඩු කරන්න, නිරාහාර රුධිරගත සීනි මට්ටම සහ සිස්ටලික් රුධිර පීඩනය අඩු කරන්න හේතු වෙනව කියල පර්‍යේෂකයෝ සඳහන් කරනවා.
ඒ වගේම cod liver oil සහ fish oil වල ප්‍රතිලාභ ගැන අපි මීට ඉහත ලිපියකින් සඳහන් කරා ඔබට මතක ඇතිනේ.
එහි සඳහන් ආකාරයටම මේ මාළු ආහාරයට ගැනීමෙන් හෘද රෝග සහ හෘදයාබාධ ඇතිවීමේ අවදානම අඩු කරගන්න ඉතාම හොඳ සහ වටිනා සහයෝගයක් ලබාදෙනවා.
Dark chocolate
හෘදයේ නීරෝගී බව ඉහළ නංවන්න උපකාරී වෙන ප්‍රතිඔක්සිකාරක ඩාක් චොකලට් වල අඩංගු වෙනවා.
හෘදයාබාධ ඇතුළු හදවත් රෝග වගේම රුධිරගත සීනි මට්ටම අඩු කරන්නත් නිසි ප්‍රමාණයෙන් ඩාක් චොකලට් පරිභෝජනය කිරීමෙන් හැකියාව ලැබෙනවා.
සාමාන්‍ය චොකලට් අනුභව කිරීම මේ ප්‍රතිලාභ ලබා නොදී ශරීරයට අහිතකර ප්‍රතිඵල ලබාදෙන නිසා හොඳ වර්ගයේ ඩාක් චොකලට් මිලදී ගැනීමට ඔබ සැළකිලිමත් විය යුතුමයි.
තක්කාලි
තක්කාලි වල ප්‍රතිඔක්සිකාර ගුණ සහිත ස්වභාවික වර්ණකයක් වන lycopene අඩංගු වෙනවා.
මේ ප්‍රතිඔක්සිකාරක රුධිර සෛල වලට හානි කරන විවිධ සං‍යෝග වලින් ආරක්ෂාව ලබා දෙන්නත්, දැවීම් අඩුකර හෘද රෝග ඇතිවීමේ අවධානම අඩු කරන්නත් උපකාර කරනවා.
හෘදයාබාධ සහ ආඝාතය ඇති වීමට මේ lycopene මට්ටම අඩු වීමත් එක් හේතුවක් ලෙස හඳුනාගෙන තිබෙන නිසා තක්කාලි වැඩි වශයෙන් ඔබේ ආහාර වේලට එකතු කර ගැනීම ඉතාම වැදගත්.
ඊට අමතරව, රුධිරගත ලිපිඩ මට්ටම, රුධිරගත පීඩනය සහ අන්තරාසර්ග ක්‍රියාකාරීත්වය ක්‍රමවත් කිරීමටත් බලපානව.
සුදුළූණු
සුදුළූණු කියන්නෙ ප්‍රභල ඖෂධීය ගුණ කැටිවෙලා තියෙන ආහාරයක් කියල ඔබ හොඳින්ම දන්නවනේ.
සුදුළූණු වල අඩංගු සිස්ටලික් සහ ඩයස්ටොලික් කියන සං‍යෝග රුධිර පීඩනය අඩු කරන්නත්, සුදුළූණු රුධිරය කැටි ගැසීම සහ ආඝාතය ඇතිවීමේ අවධානම අඩු කරන්නත් හේතු වෙනව.
සුදුළූණු අමුවෙන් හෝ පිසීමට පෙර තරමක් තලා ටික වේලාවක් තබා පිසගැනීම මඟින් එහි පෝෂණ ගුණය රැකගන්න ඔබට පුළුවන්.
Green tea
මේද දහනය වැඩි කර, පිළිකා වැළැක්වීමේ සිට ඉන්සියුලින් සංවේදීතාව වැඩි කිරීම දක්වා සෞඛ්‍ය ප්‍රතිලාභ කීපයක් ලබාදෙන්න උපකාරී වෙනවා.
සෛල හානි වළක්වා, දැවිල්ල අඩු කර ඔබේ හදවතේ සෞඛ්‍ය ආරක්ෂා කරන ප්‍රතිඔක්සිකාරක ඔලිව් ඔයිල් වල අඩංගු වෙනවා.
ඊට අමතරව, රුධිර පීඩනය අඩු කරන්න, LDL කොලෙස්ට්‍රෝල් මට්ටම අඩු කරන්න සහ රුධිර පීඩනය අඩු කරන්නත් උපකාරී වෙනව කියලත් සොයාගෙන තිබෙන බව සඳහන් වෙනවා.
ඔලිව් තෙල්
දැවිල්ල සමනය කිරීමටත්, නිදන්ගත රෝග වලින් ආරක්ෂා කිරීමටත් උපකාරී වෙන ප්‍රතිඔක්සිකාරක ඔලිව් තෙල් වල අඩංගු වෙනවා.
ඔලිව් තෙල් වල ඉහළ මට්ටමෙන් අඩංගු ඔලෙයික් අම්ලය සහ ප්‍රතිඔක්සිකාරක අධි රුධිර පීඩනය අඩුකර හෘද රෝග ඇතිවීමේ අවධානම කැපී පෙනෙන මට්ටමකින් අඩු කරන්න ඔලිව් ඔයිල් වලට හැකියාව තියෙනව කියලත් පර්‍යේෂණ වලින් හෙළිකරගෙන තිබෙනවා.
මීට අමතරව,
බිත්තර, ඇට වර්ග, කැනෝලා, තල, සූරියකාන්ත වගේ තෙල් වර්ග, ටෝෆු, ආමන්ඩ්, ටෝෆු වගේ ඇට වර්ග, චියා සීඩ්, ෆ්ලෙස්ක් සීඩ්, අඹ, දෙළුම්, කිවි වගේ ආහාරත් ඔබේ හෘදයේ නීරෝගී බව පවත්වා ගන්න ඉතාම හොඳ සහයක් ලබාදෙන නිසා ඒ ආහාර වර්ග ඔබේ ආහාර වේලට නිසි ප්‍රමාණවලින් එකතු කරගන්න කියලත් අපි ඔබට මතක් කරන්න කැමතියි.
නිසි මට්ටම ඉක්මවා ආහාර ගැනීම සෞඛ්‍ය ගැටළු මතුකරන්න හේතු වෙන නිසා ඔබේ ආහාර පුරුදු වෙනස් කරන්න කලින් ඔබේ වෛද්‍යවරයා හමුවී අවශ්‍ය උපදෙස් ලබාගන්නත් අමතක කරන්න එපා.
ඒ අපි එකිනෙකාගේ වර්තමාන සෞඛ්‍ය තත්වය එකිනෙකාට වෙනස් නිසයි.
එහෙනම්, මේ වගේම වැදගත් ලිපියකින් අපි නැවත හමුවෙමු.
සටහන – දුලානි නවෝද්‍යා
