චිකන් කොත්තු ගෙදරදී හදමු

වෙනදා වගේ රාත්‍රී රස්තියාදු ගහන්න ගෙදර අය රටේ අලුත් තත්වයත් එක්ක දැන් ඒ තරම් කැමති නැහැ. ඉතින් ඒ වගේ ගමන් වලදී නිතරම ඔබට හමු වුණු කොත්තු ගෙදරදීම හදා ගන්න විදියයි මේ..

අවශ්‍ය දේවල්:

  • කටු ඉවත් කර කැබලි වලට කපාගත් කුකුල් මස් 250g
  • කුකුල් මස් හොදි කප් 1
  • ගෝදම්බ රොටි හෝ පාන් පෙති කිහිපයක්
  • සිහින්ව කපා ගත් කැරට්, ලොකු ළූණු, තක්කාලි, ළූණු කොළ
  • බිත්තර දෙකක්
  • චිලි සෝස් සහ තක්කාලි සෝස් සහ සෝයා සෝස් අවශ්‍ය ප්‍රමාණයට.
  • තක්කාලි සෝස් කප් 1/4
  • බටර් ටිකක්
  • චිකන් බැදගැනීමට තෙල්
  • ලුණු, ගම්මිරිස් කුඩු, මිරිස් කුඩු සහ කෑලි මිරිස්

සාදාගන්නේ මෙහෙමයි:

  • මුලින්ම චිකන් හොඳින් බැදගන්න.
  • එයට ලුණු ටිකක්, ගම්මිරිස් කුඩු සහ මිරිස් කුඩු දමා ඉන්පසු සෝයා සෝස් මිශ්‍ර කර ඉන්පසු නැවත ගැඹුරු තෙලේ බැදගන්න.
  • ඉන්පසු චිකන් කුඩා කැබලි වලට කඩා ගන්න.
  • ලොකු සාස්පානක් ලිප තබා බටර් ටිකක් එයට එක් කරන්න. එයට බිත්තර ද එක් කරන්න. බිත්තර ස්ක්‍රැම්බල් වූ පසු බඳුනින් ඉවත් කරගන්න.
  • බටර් බාජනයට ළූණු, කැරට් එක් කරන්න, ඉන්පසු ලුණු , ගම්මිරිස් සහ කෑලි මිරිස් ද එකතු කරගන්න.
  • කුකුල් මස්,හොදි, සෝයා සෝස් චිලි සෝස් සහ තක්කාලි සෝස් එකතු කරන්න.
  • මිශ්‍රණය විනාඩි දෙකක් පමණ හොඳින් කලවම් කරන්න. ඉන්පසු තක්කාලි එක්කර ගන්න.
  • ඉන්පසු කුඩාවට කපා ගත් පාන් කැබලි හෝ ගෝදම්බ රොටී එයට එකතු කරන්න.
  • විනාඩි තුනක් පමණ කලවම් කර ගන්න. බිත්තර එකතු කර ළූණු කොළ උඩින් ඉස ගන්න.

කඩේ රසටම චිකන් කොත්තුවක් ඔබට මේ විදියට හදා ගන්න පුලුවන් . ඉතින් වැඩිය රෑ ගමන් බිමන් ගිහින් කොත්තු කන එක මඟ ඇරුණට තවත් දුක් වෙන්න කාරණාවක් නැහැ.

-නිබන්ධිකා-

Related Articles

Don't Miss



Latest Articles

හිමගිරි අරණ -16

"අපේ බබාව ලැබුණට පස්සේ හිමාෂාගේ බබාට ඔයාගෙන් ලැබෙන්න ඕන දේවල් දීලා දාන්න.මම කියන්නෙ ඉඩමක් වගේ මොනවා හරි." මල්මි එසේ...

සුන්දර නිය පෙළක් සඳහා නිවසේ දී ම කළ හැකි නොවරදින සත්කාර

කාන්තාවකගේ දෙපා වල මෙන්ම දෑත් වල සුන්දරත්වය සදහා නීරෝගිමත් නියපොතු ගොඩක් වැදගත්. හානි වුන නියපොතු නිසා ඔබේ දෑතේ මෙන්ම දෙපා වලත් සුන්දරත්වයටහානි...

ශරදාකාසේ -30

පවුලක් බිඳී යාම යනු  නීත්‍යානුකූල වූ බැඳීම් ලිහී යාමක් ම නොවේ. එහිදී ශරීරයක සියලු සෛල වල බිඳී යාමක් සිදු වේ. සිතක ක්ෂුද්‍ර...

කලගුණ

"පැතුම්,මේ මගේ යාළුවෙක්.රුවිනි.මෙයා මේ එක්සෑම් එකකට උදව් ගන්න කෙනෙක් හොයනවා" දිල්මි පැතුම්ට එහෙම කිව්වේ මිතුරිය හඳුන්වා දෙන ගමන්.මිතුරිය මේ...

හිමගිරි අරණ -15

"මම අද රවිඳුට කෑම එකක් ගෙනාවා.ඒ මනුස්සයා දවල්ට කන්නේ නෑ කියන්නේ." හිමාෂා හිස ඔසවා බැලුවේ පාරමීගේ පැමිණිල්ල ඇසී ය.පාරමීගේ...