තනියම පාලුවෙන් නිවසේ ඉන්න ඔබේ අම්මා එක්ක නිවාඩු දවස් මේ විදියට සමරන්න

ඔබ අලුත විවාහ වුණු යුවතියක් වෙන්න ඇති. නැත්නම් උසස් අධ්‍යාපනය වෙනුවෙන් හෝ රැකියාව නිසා ගෙදරින් පිට වුණු කෙනෙක් වෙන්න ඇති. වෙනදා වගේ ඔබේ කතාබහ, කරදර නැතුව අම්මා ගමේ ගෙදර බොහොම පාලුවෙන් ඇති.

නිවාඩු දවසට අම්මා එක්ක සතුටු වෙන්න ඔබට කරන්න පුලුවන් දේවල් කිහිපයක් තමයි මේ..

අම්මා එක්ක ශොපින් යන්න

කුඩා දවස්වල අම්මා ඔබ ඉල්ලන ඉල්ලන දේ අරන් දුන්නු හැටි මතකද? දැන් අම්මා විශ්‍රාමිකයි. ඉස්සර තරම් සල්ලි නෑ. ඔබට පුලුවන් අම්මා එක්ක සාප්පු සවාරියක ගිහින් අම්මා කැමති ඇඳුම්, පොත්පත් සහ ඇය කැමති තවත් දේ අරන් දෙන්න. ඇයත් එක්ක නිදහස් අවන්හලකට ගිහින් ආහාර ගන්න. අම්මා අසනීප තත්ව නිසා වෙනදා ආහාරයට නොගන්නා ආහාරයක් ඕඩර් කරලා අම්මාගේ ඒකාකාරී ආහාර රටාව පොඩ්ඩක් වෙනස් කරන්නත් ඔබට පුලුවන්.

අම්මා එක්ක උයන්න

අම්මා එක්ක මුළුතැන්ගෙයට වෙලා අම්මගේ කුකරි පාඩම් ඉගෙන ගන්න ඔබට පුලුවන්. ඒ විතරක් නෙවෙයි. ඔබ අන්තර්ජාලය හරහා ඉගෙන ගන්න අලුත් අලුත් කෑම වර්ග අම්මාට උගන්වන්නත් ඔබට පුලුවන්. ඒක දෙදෙනාටම හරිම සුන්දර අත්දැකීමක් වේවි.

දානමය කටයුත්තක්

නිවස කිට්ටුව තියන ආරණ්‍යයකට, සිල්මාතාවන්ගේ ආරණ්‍යයකට අම්මා එක්ක එකතු වෙලා දානයක් උයාගෙන යන්නත් ඔබට පුලුවන්. ඔබ වෙනත් ආගමක නම් අම්මා එක්ක ඇය වඩා ප්‍රිය කරන ආගමික ස්ථානයකට ගිහින් ආගමික කටයුතු කරන්න ඔබට පුලුවන්. ඒ වගේම ළමා නිවාසයකට, වැඩිහිටි නිවාසයකට යන්න, මේ මොකුත් නැත්නම් පාරේ ඉන්න අසරණ සුනඛයන්ට කෑම වේලක් දෙන්න වගේ හිත සතුටු කරන දෙයක් ඔබට අම්මා එක්ක කරන්න පුලුවන්.

අලුත් දෙයක් අත්හදා බැලීම

අලුත් කෑමක්, මැහුම් ගෙතුම් වැඩක්, නිවසේ බඩු මුට්ටු පිළිවෙල වෙනස් කිරීම, උද්‍යානයේ අලුත් මල් පැළ හෝ පළතුරු එළවළු සිටුවීම ඔබට අම්මා එක්කම කරන්න පුලුවන්. ඇය සුරතල් සතුන්ට කැමැත්තක් දක්වනවා නම් මාළු ටැංකියක්, කුඩා බලු පැටවෙක් හෝ පූස් පැටවෙක් ඇයට තෑගි කරන්නත් ඔබට පුලුවන්.

සැලසුම් නොකර විනෝද ගමනක් යාම- හදිසියේම අම්මා සූදානම් කරගෙන එක දවසින් ගිහින් එන්න පුලුවන් විදියේ විනෝද ගමනක් යාමත් අම්මට සොඳුරු මතකයක් ඉතිරි කර දෙනවා ඒකාන්තයි.

-නිබන්ධිකා-

Related Articles

Don't Miss




Latest Articles

Easy breakfast recipes – part 2

කාර්‍යබහුල ඔබට උදෑසනට ලේසියෙන්ම හදාගන්න පුළුවන් වගේම පොඩ්ඩන්ට උනත් ආසාවෙන් කන්න පුළුවන් easy breakfast recipes ගැන තමයි මේ ලිපියෙන් ඔබට කියන්නේ

දෑවැද්ද

" අම්මා කොහෙ යන්නද ලෑස්ති වෙන්නේ ? "සුජානි කාමරේට ආවේ ටික වෙලාවක ඉඳලා රම්‍යා පේන්න හිටියේ නැති නිසා.රම්‍යා...

සැරිසරන්නී – 13

මට මතක් වූයේ චමත්කා රවීන් ගැන උනන්දුවෙන් පසු වෙනවා කියා නංගී කී කතාව ය. චමත්කා නොව ලොව ඕනෑ ම ගැහැනියක එවන් පිරිමි...

නිලැසි -21

නොසැලකිලිමත් බැල්මක් අමුත්තන්ට වෙන් වූ කොටසේ ඒ මේ අත සක්මන් කරන තරුණයා දෙස නිම්න මොහොතක් බලා සිටියේ ය.වටිනා සන්නාම සහිත ඇඳුම් ඉතා...

අනුන්ගේ තීරණ.

"ඔයා කොහොමද අනේ තාරකා අඳුනන්නේ?"භාග්‍යා එහෙම අහනකොට නිමාලි කරමින් හිටිය වැඩෙත් නවත්තලා භාග්‍යා එක්ක හිනා වුණා.තාරකා එක්ක ෆේස්බුක්...