අනවශ්‍යය ගැබ් ගැනීම් බහුලව සිදුවෙන්නේ මේ නිසයි

බලාපොරොත්තු නොවන ගැබ් ගැනීම් මැදි වයසේදීත් වෙනවා කියලා ඔයා දැනගෙන හිටියද? 

මේක ගොඩක් අය නොදන්න දෙයක්. ඒත් ඇත්තටම මැදි වයසේදීත් (Middle Age) බලාපොරොත්තු නොවුණ ගැබ් ගැනීම් වෙන්න පුළුවන්. අපි මේවා ගැන කතා කරන්නේ නැති වුණාට, ගොඩක් කාන්තාවන්ට මේ ප්‍රශ්නය එනවා. මේ වයසේදී, හිතන්නේ නැති වෙලාවක ගැබ් ගත්තොත්, ලොකු මානසික පීඩනයකුයි, අමාරුකමකුයි ඇති වෙන්න පුළුවන්.

සාමාන්‍යයෙන් තරුණ කාලේ ගැබ් ගැනීමක් වුණාම, ඒක සැලසුම් කරපු එකක් වෙන්න පුළුවන්. හස්බන්ඩ් එක්ක හරි, ස්ථිර සහකරුවෙක් එක්ක හරි. ඒත් නොහිතපු වෙලාවක (මැදි වයසේදී, නැත්නම් ඔසප් වීම නැවතිලා  කියලා හිතන කාලේදී) ගැබ් ගැනීමක් වුණාම ජීවිතේ අමාරු වෙන්න පුළුවන්.

ගොඩක් කාන්තාවෝ මේ කාලේදී අලුත් සම්බන්ධතා පටන් ගන්නවා. ආරක්ෂිත නැත්නම්, නොසිතූ ගැබ් ගැනීමක් වෙන්න ඒ සබඳතා හේතු වෙන්න පුළුවන්.

අපි බලමු මැදි වයසේදී මෙහෙම වෙන්න තියෙන සාමාන්‍ය හේතු මොනවද කියලා 

 නොසිතූ ගැබ් ගැනීම් වලට හේතු කීපයක්

1. “ආරක්ෂිත දවස්” හරි “කැලැන්ඩරේ” හරි පාවිච්චි කරන එක

ගොඩක් කාන්තාවෝ දවස් ගණන් කරලා, මේ දවස්වල නම් ගැබ් ගන්නේ නෑ කියලා හිතනවා. ඒත් මේ ක්‍රමය 100%ක්ම විශ්වාස කරන්න බැහැ.

හේතුව හෝමෝන වෙනස්කම් නිසා ඩිම්බ පිටවීම ඉක්මනට හරි පරක්කු වෙලා හරි වෙන්න පුළුවන්. එතකොට හිතන්නේ නැති වෙලාවක ගැබ් ගන්න පුළුවන්.

මේ ක්‍රමය හොඳ වෙන්නේ ගැබ් ගත්තත් කමක් නැති අයට විතරයි. එපා කියලා හිතන කෙනෙක් නම් මේක විශ්වාස කරන්න හොඳ නැහැ.

 2. ඔසප් වීම නැවතුණා කියලා හිතන එක

අවුරුදු 45ත් 50ත් අතර සමහර කාන්තාවෝ හිතනවා, මාස කීපයක් ඔසප් වීම නැවතුණාම තමන්ට තවදුරටත් ගැබ් ගන්න බැහැ කියලා.

එයාලා හිතනවා ඔසප් වීම නැවතිලා (Menopause) කියලා. ඒත් ඒක හැම වෙලාවෙම ඇත්ත නෙවෙයි.

ඔසප් වීම ටික කාලෙකට නැවතුණත්, සම්පූර්ණයෙන්ම නැති වෙන්න කලින් ඩිම්බ පිටවීම වෙන්න පුළුවන්.

ඉතින් ඒ වෙලාවේදී ආරක්ෂාවක් නැතුව සම්බන්ධකම් පැවැත්වුවොත්, ගැබ් ගන්න ඉඩ තියෙනවා.

 3. අලුත්, හදිසි සම්බන්ධතා

මැදි වයසේදී සමහර වෙලාවට සමහර අය අලුත් සම්බන්ධතා පටන් ගන්නවා. මේවා හරිම හැඟීම්බර වෙන්න පුළුවන්.

මේ වෙලාවට හදිසියේ ලිංගික සම්බන්ධතා වෙන්න පුළුවන්, සැලසුමක් නැතුව, ආරක්ෂාවක් නැතුව.

එතකොට අර කැලැන්ඩරේ ක්‍රමවත්, වෙනත් ආරක්ෂාවක්වත් පාවිච්චි කරන්න අමතක වෙන්න පුළුවන්.

ඉතින් ස්ථිර සහකරුවෙක් ඉන්නවා නම්, දිගු කාලීන උපත් පාලන ක්‍රමයක් පාවිච්චි කරන එක තමයි හොඳ.

 4. එළියට ගැනීමේ ක්‍රමය (Pull-out method)

සමහර කපල් මේ ක්‍රමය පාවිච්චි කරනවා. ඒකෙන් වෙන්නේ ශුක්‍රාණු පිටවෙන්න කලින් පුරුෂයා එළියට ගන්න එක.

ඒත් මේ ක්‍රමය සම්පූර්ණයෙන්ම ආරක්ෂිත නැහැ.

හේතුව ශුක්‍රාණු පිටවෙන්න කලින් වුණත් පුංචි ශුක්‍රාණු ප්‍රමාණයක් එළියට ඇවිත් ගැබ් ගැනීමක් වෙන්න පුළුවන්.

අලුත් සම්බන්ධතාවලදී මේක තවත් අවදානම්, මොකද දෙන්නට දෙන්නාගේ වෙලාවල් හෝ පාලනය ගැන අවබෝධයක් නැති නිසා.

5. කල් ඉකුත් වුණ ආරක්ෂක ක්‍රම

ඔයා උපත් පාලන එන්නත්, පෙති, හෝ ඉම්ප්ලාන්ට් පාවිච්චි කරනවා නම්, හැම එකටම කල් ඉකුත් වන දවසක් තියෙනවා කියලා මතක තියාගන්න.

ඒ කාලේ ඉවර වුණාම, ආරක්ෂාවත් ඉවරයි.

සමහර අය එන්නත් ආයෙමත් ගන්න, ඉම්ප්ලාන්ට් ආයෙමත් දාන්න අමතක කරනවා. ඊට පස්සේ එයාලා හිතනවා ආරක්ෂිතයි කියලා, ඒත් ඒක එහෙම වෙන්නෙ නෑ.

ඉතින් හැම වෙලාවෙම දවස බලලා අලුත් කරගන්න.

 6. උපත් පාලන ක්‍රම වලට තියෙන බය

සමහර කාන්තාවෝ උපත් පාලන ක්‍රම පාවිච්චි කරන්න බයයි, මොකද එයාලා හිතනවා ඒකෙන් හානියක් වෙනවා, නැත්නම් අතුරු ආබාධ එනවා කියලා.

ඒ බය නිසා එයාලා කිසිම ක්‍රමයක් පාවිච්චි කරන්නේ නැහැ.

ඒත් හැම උපත් පාලන ක්‍රමයක්ම මඟහරින එක ඊට වඩා භයානක වෙන්න පුළුවන්, මොකද නොසිතූ ගැබ් ගැනීමක් ලොකු ප්‍රශ්න ගොඩක් ජීවිතේට ගේන්න පුළුවන් නිසා.

 7. සහකරුගේ නොසැලකිල්ල හෝ අකමැත්ත

සමහර වෙලාවට කාන්තාව කොන්ඩම් එකක් පාවිච්චි කරන්න කැමති වුණත්, සහකරු අකමැති වෙනවා.

මේක අලුත් හෝ තාවකාලික සම්බන්ධතාවලදී නිතරම වෙනවා.

පිරිමියා protection පාවිච්චි නොකළොත්, ගැබ් ගැනීමේ අවදානම එන්නේ ගැහැනියට.

ඒක නිසා ඒක කතා කරන්න සහ වගකීම දෙන්නම ගන්නවා කියලා තහවුරු කරගන්න එක හරිම වැදගත්.

මැදි වයස කියන්නේ ජීවිතේ අලුත් අවධියක්. ඔයාට නිදහස්, විශ්වාසවන්ත, සහ ස්වාධීන බවක් දැනෙන්න පුළුවන් අවධියක්. ඒත් ලිංගික සෞඛ්‍යය ඒ කලෙදිත් වැදගත් කියන එක අමතක කරන්න එපා.

නොසිතූ ගැබ් ගැනීම් මේ කාලෙදීත් වෙන්න පුළුවන්, ඒත් ඒක වළක්වන්න පුළුවන්.

ඔයාගේ වයස 40 ගණන්වල හෝ 50 ගණන්වල නම්, විවාහක වුණත් නැතත්, තවමත් ලිංගිකව ක්‍රියාශීලී නම්, මේ දේවල් මතක තියාගන්න:

• “මට ගැබ් ගන්න බැරි තරම් වයසයි” කියලා හිතන්න එපා.
• ඔයා පාවිච්චි කරන උපත් පාලන ක්‍රමය තවමත් වැඩ කරනවාද කියලා හැම වෙලාවෙම බලන්න.
• ඔසප් වීම නැවතිලාද කියලා ෂුවර් නැත්නම්, ආරක්ෂාව නවත්වන්න කලින් ඩොක්ටර් කෙනෙක්ගෙන් අහන්න.
• මේ දේවල් ගැන කතා කරන්න ලැජ්ජා වෙන්න හෝ බය වෙන්න එපා.

ප්‍රවේශම් වීමෙන් ඔයාගේ සතුට අඩු වෙන්නේ නැහැ. මැදි වයස කියන්නේ අවසන් වීමක් නෙවෙයි, ඒක අලුත් ආරම්භයක්.

ජීවිතේ හැම අවධියකටම සැලකිල්ල, දැනුවත්භාවය, සහ විශ්වාසය අවශ්‍යයි! ඒ මත තමයි ඔයාගෙ ජීවිතේ සතුට ඉදිරියටත් රඳා පවතින්නෙ.