බබාට හදිසියේ වමනයක් ඇති වුණොත්??

වමනය කියන්නේ අපි කාටත් එතරම් ප්‍රසන්න අත්දැකීමක් නෙවෙයි .නමුත් වමනය ඇති වෙන්න විවිධ හේතු බලපාන්න පුළුවන් .එය රෝගයක් නොවුණත් කිසියම් රෝගයක රෝග ලක්ෂණයක් වෙන්න පුළුවන් කියලා ඔබ දන්නවා ද ? ඒ වගේ ම එහි ස්වරූපය වමනය කරන ද්‍රව්‍ය වයස පවතින කාලය අනුව වෙනස් වෙන්න පුළුවන් . ඒ වගේ ම දරුවන් වමනය කරන්නේ ඇයි කියලත් බොහෝ විට දෙමාපියන්ට ගැටලුවක් වෙනවා .ඒ වගේම බය වෙනවා. ඒ නිසා අපි පොඩ්ඩක් ඒ ගැන කතා කරමු.

මෙන්න මේවා වමනයට හේතු වෙන්න පුළුවන්
ආමාශයේ අන්තර්ගත කිසියම් දෙයක් කට තුලින් එළියට එන එක තමයි වමනය කියලා අපි කියන්නේ .කුඩා වැඩිහිටි භේදයකින් තොරව වමනෙට විවිධ හේතු ඇති වෙන්න පුළුවන් .

  • සමහර ඖෂධ භාවිතයෙන්
  • මානසික ආතතිය
  • ඉරුවාරදය
  • පිත්තාශ රෝග වලදී
  • ආහාර අජීර්ණය නිසා
  • අධික ආහාර අනුභවය
  • අධික ගඳ
  • සුවඳ
  • වැටීම් තුවාල වීම් සහ අනතුරු
  • විෂ ශරීරගත වීම
  • අම්ල පිත්ත රෝගය
  • සමහර පිළිකා වර්ග

කුඩා දරුවන්ට වමනය ඇති වූ විට සාමාන්‍යයෙන් බොහෝ විට කුඩාම දරුවන්ට නම් අධික කිරි බිවු විටත් වමනය ඇති වෙනවා.ඒ වගේම දරුවාගේ වමනය ගැන අප සැලකිලිමත් වෙන්න අවශ්‍යයි . සමහරවිට ඔබ නොදැනුවත්වම දරුවා වැටීමට ලක් වී තිබෙන්නටත් පුළුවන්.දරුවාට වමනය සමඟ උණ ඇත්නම් , ක්‍රියාශීලී නොවේ නම්, වඩාත් සැලකිලිමත් විය යුතුයි. දරුවා විචලනය වීමට ඇති ඉඩ වඩාත් වැඩි නිසා ඉක්මනින්ම ප්‍රතිකාරයකට යොමු වීම කළ යුතුයි.නිවසේදී ජීවනි තැඹිලි ග්ලූකෝස් වැනි දේවල් ලබා දෙන්නට පුළුවන්.

අවදානමක් නැති වමනයට අත් බෙහෙත්.

කිරි බොන කුඩා දරුවන් නෙවෙයි තරමක් වැඩුණු දරුවන්ට මේ ප්‍රතිකාර කරන්නට පුළුවන්.

  • දෙහි යුෂ ඉඟුරු මිශ්‍ර කෝපි පානයක්.
  • සූදුරු තම්බා ගත් වතුර.
  • සූදුරු කබලේ බැද සාදා ගත් පානයක්.
  • රතු ළූණු ඉඟුරු ඉස්ම සමඟ පානයක්.
  • මී පැණි සහ ඉඟුරු ඉස්ම.
  • කරඳමුංගු තම්බා ගත් වතුර.

වසර තුනකට අඩු කුඩා දරුවන්ට මෙම අත් බෙහෙත් අත් හදා නොබැලීම කළ යුතුයි .

-ඉරේෂා-

Related Articles

Don't Miss



Latest Articles

කෑම පෙට්ටිය

“අම්මා මේ,” පාසැල් ගොස් මහන්සියෙන් මුත් සිනහසෙමින් පැමිණෙන දෝණි සුපුරුදු පරිදි කෑම පෙට්ටිය මට දිගු කරන්නේ මා ඒ ගැන...

වැඩිහිටියන්ගේ නොසැලකිලිමත්කම නිසා මිලිනව ගිය තවත් පුංචි මල් කැකුළක්.

බණ්ඩාරගම අටලුගම සිදු වූ අට හැවිරිදි පුංචි අයිෂාගේ ඝාතන අපරාධය මේ මොහොතේත් ලාංකිකයක් කම්පාවට පත් කිරීමට සමත්. මේ සටහනෙන්, ඒ සිදුවීමෙහි පසු...

හිමගිරි අරණ -20

"ඔයා කියන විදියට නම් වැඩ කරන්න බෑ රවිඳු.එහෙම ගිය මනුස්සයෙක්ට ආදරේ කරලා මොකටද?" පාරමී වහා එරෙහි වූවා ය.සහන් සමඟ...

ශරදාකාසේ -34

"විකාර නැතුව ඒ මහත්තයව බැඳපං පංචලී. මොන දේ වුණත් නීතියෙන් බැඳගන්න එකේ වාසිය ගැනයි හිතන්න ඕනෙ. මන් දන්න සෑම්පලේ ගෑනුනං හිතන්නෙ ඒ...

එයා වගේ යාළුවෙක්

“හායි! අසේලා” “හායි! හායි! ශානා ….ඔයාගේ ලස්සන…..” “ආ,ඔයා විතරයි මට ලස්සනයි කිව්වෙ.මග දිගට දකින දකින අය...