ලේසියට පහසුවට කුකරි රහස්!
- මිරිස් බදින කොට මිරිස් කරල ටිකක් සිදුරු කරලා හෝ කඩලා බදින්න. නැතිනම් පුපුරලා අනතුරු වෙන්න ඉඩ තියෙනවා.
- ගාපු පොල් බෑයක කොටසක් ඉතුරු නම් එහි ලුණු කුඩු ටිකක් ගාලා තියන්න. නරක් වෙන්නෙ නෑ.
- දෙහි වල යුශ සියල්ලම මිරිකා ගන්න නම් දෙහි ගෙඩිය පාවිච්චියට කලින් උණු වතුරට දමා තියන්න.
- උකු පොල් කිරි ලබා ගැනීමට පොල් කිරි මිරිකද්දී පොල් වතුරත් කලවම් කරගන්න.
- කරවල හොදි හදන කොට කරවල කෑලි කුඩාවට කැපූ විට හොද්දට හොඳ රසක් එන අතර හොද්ද උකු වෙනවා.
- කරවල හොද්දට ගොරකා නැති නම් බිලිං ටිකක් එකතු කරන්න.
- දෙහි වාරෙ ලුණු දෙහි හදනකොට ලිපේ තියලා හදන ක්‍රමේට වඩා අව්වේ තියලා හදන ක්‍රමය තෝරගන්න. දින කීපයක් ගියා වුනාට රස වගේම කල් පැවැත්ම වැඩියි.
- හොද්දට දැමීමට උළුහාල් බදින විට ලිප නිවලා කරපිංචා රම්පෙ කුඩාවට කපා එකතු කරගන්න.
- බණ්ඩක්කාවල නැටි කඩා අසුරා තියන්න.
- වම්බටු උයන විට සුදු ළූණු ටිකක් වැඩිපුර එකතු කරගන්න.
- කොල වර්ග ශීතකරණයෙ දැම්මම ටික දවසක් යනකොට වේලෙනවා. කහ පැහැ‍යට හැරෙනවා. වෙළදපොලෙන් ගේන පලා වර්ග සෝදා තෙත මාත්තු කර කඩදාසි කොලයක ඔතා ෆ්‍රිජ් එකට දාන්න.
