පහසුවෙන් වැනිලා අයිස්ක්‍රීම් හදා ගන්නේ මෙහෙමයි

අයිස් ක්‍රීම් ගෙදරදී හදලා කන්න තියනවා නම් අපූරුයි නේද? මේ අයිස් ක්‍රීම් එකේ විශේෂත්වය මේවා බීටර් එකක් නැතිව බ්ලෙන්ඩර් එකේ හදපු අයිස්ක්‍රීම්. විපින් ක්‍රීම් සහ ජෙලටින් පාවිච්චි වෙන්නෙත් නෑ. කෙටියෙන් කීවොත් හරිම සරලව අයිස් ක්‍රීම් හදා ගන්න මේ රෙසිපිය ඔයාලට උදව් වේවි.

අවශ්‍ය වෙන්නේ මේවා

  • එළකිරි 500ml
  • කිරි පිටි මේස හැදි 3
  • සීනි
  • කෝන් පිටි මේස හැදි 3
  • වැනිලා තේ හැදි 2

මෙහෙම තමයි හදා ගන්නේ..

  • පිටි කිරි මඳ රස්නය සහිත වතුර කෝප්ප භාගයක් දමා දිය කර ගන්න.
  • කෝන් පිටි ඇල් වතුර කෝප්ප කාලක් පමණ දමා දිය කර ගන්න.
  • එලකිරි මඳ ගින්නේ ටික වෙලාවක් රත් කර ගන්න.
  • යන්තම් රත් වෙද්දී එ සීනි රස අනුව එකතු කර හොඳින් හැඳි ගාන්න.
  • ඉන්පසු දිය කර ගත් පිටි කිරි එකතු කර ගන්න. හොඳින් හැදි ගාන්න.
  • එයට කෝන් පිටි එකතු කර හොඳින් හැඳි ගාන්න.
  • මිශ්‍රණය ඝන වූ විට ලිපෙන් බා ගන්න.
  • මිශ්‍රණය හොඳින් නිවුණු පසු එයට වැනිලා එකතු කර ගන්න.
  • ඉන් පසු මිශ්‍රණය බ්ලෙන්ඩර් එකට දමා විනාඩි දහයක් පමණ හොඳින් බ්ලෙන්ඩ් කරන්න.
  • භාජනයකට දමා හොඳින් වසා ශීතකරණයට දමා පැය දෙකක් තබන්න.
  • ශීතකරණය max freeze level තිබිය යුතුයි.
  • පැය දෙකකට පසු නැවතත් එම මිශ්‍රණය බ්ලෙන්ඩර් එකට දමා විනාඩි දහයක් බ්ලෙන්ඩ් කර නැවත පැය දෙකක් ශීතකරණයේ තබන්න.
  • මෙලෙස සිව් වතාවක් පැය දෙකකට සැරයක් බ්ලෙන්ඩ් කරන්න
  • සිව් වතාවකට පසු බ්ලෙන්ඩ් කරගත් අයිස්ක්‍රීම් භාජනයට දමා පැය අටක් ශීතකරණයේ තබන්න.

පැය අටකට පසු රසම රස අයිස් ක්‍රීම් රස බලන්න.

Related Articles

Don't Miss



Latest Articles

හිමගිරි අරණ -46

රවිඳු කිසිවක්ම නොකියා අම්මා දෙස බලා සිටියේ ය.මේ මොහොත කිසිවක් ම කියන්නට හැකි මොහොතක් නොවේ.ඔහුට පාරමීගේ කෝපදීප්ත දෑස සිහිව ආයේ ය.

(අ) හිමි සිහින -142

සියල්ල එසේ සිදුවෙමින් පවතිද්දී මට එක් දෙයක් උවමනා වුණා .ඒ සුදාරක වෙනුවෙන් රුවන්වැලි මහා සෑ රදුන්ට බාරයක් වීමට.උදෑසනම අවදි වී නිරාහාර ව...

පරිප්පු ගණන් වැඩි කාලේ පිරිමැසෙන්නට පරිප්පු උයමු

සාමාන්‍යයෙන් අපි එදිනෙදා සකස් කළ ව්‍යාංජනයක් වූ පරිප්පු දැන් ඉතාමත් මිල අධික වෙලා.ඒ නිසා පරිප්පු තනි ව්‍යාංජනයක් ලෙස සැකසීම සමහරුන්ට ඇත්තටම අසීරු...

සීත මාරුතේ -32

ඒ රාත්‍රිය මා මුළුමනින් නිදි වර්ජිතව සිටියා ය කීවොත් නිබොරු ය. අපේ පුංචි සාදය නිමා වන විට තරමක් රෑ බෝ වී තිබිණ....

අනිත් අයගේ ජීවිත විනිශ්චය කරන්න එපා.

"අපෝ ඔය අනූෂා ඉන්නවා නේද?" මම ඉදල පැත්තකින් තියලා ඒ හඬට හැරිල බැලුවා.අපේ අලුත් ගෙදර අසල්වැසිනියක් පොඩි ගේට්ටුවෙන් එබිලා...
Click to Hide Advanced Floating Content
Click to Hide Advanced Floating Content