ආතතිය යනු පුද්ගලයකුගේ ජීවිතයේ සාමාන්ය කොටසකි. නමුත් ඇතැම් දෛනික පුරුදු වලට අපට නොදැනුවත්වම අප තුළ පවතින ආතතිය නිහඬව වැඩි කළ හැකිය. සමහර විට, අපි පීඩනයට ප්රතිචාර දක්වන ආකාරයෙන් අපගේ මනස සහ ශරීරය තවත් වෙහෙසට පත් කළ හැකියි. මෙම පුරුදු තේරුම් ගැනීම සහ ඒවා වළක්වා ගැනීම සෞඛ්ය සම්පන්න සහ සන්සුන් ජීවන රටාවක් නිර්මාණය කිරීමේ පළමු පියවරයි. ඔබ තුළ පවතින ආතතිය තවත් වැඩි කරන පුරුදු කිහිපයක් ගැනයි මේ ලිපිය.
සියල්ල පිළිබඳව ඕනෑවට වඩා සිතීම
ඔබේ මනසෙහි පවතින ඇතැම් සෘණාත්මක තත්ත්වයන් පිළිබඳව නැවත නැවත සිතීම ඔබ තුළ පවතින කාංසාව , ආතතිය සහ චිත්තවේගීය වෙහෙස වැඩි කරවනවා. බොහෝ අය කිසිදා සිදු නොවිය හැකි දේවල් ගැන කරදර වීමට හෝ ඔවුන් කළ සෑම කුඩා වැරැද්දක්ම විශ්ලේෂණය කිරීමට පැය ගණනාවක් ගත කරන අතර එය ඔබේ ශාරීරික ශක්තිය පවා නාස්ති කර දමනවා.
අධික ලෙස සිතීම සහ කුඩා දේවල් පිළිබඳව වද වීම මගින් ඔබේ මනස විවේක ගැනීම වළක්වනවා. ඉන් පසුව ගැටළු විසඳා ගැනීම බොහෝ විට ඔබ තුළ වැඩි බියක් සහ ව්යාකූලත්වයක් ඇති කරනවා . එබැවින් දේවල් පිළිබඳව නිමක් නොමැතිව කරදර වීම වෙනුවට විසඳුම් කෙරෙහි අවධානය යොමු කිරීමට ඉගෙන ගැනීම ආතති මට්ටම් අඩු කිරීමට උපකාරී වනවා.
අඩු නින්දක් ලබා ගැනීම
නින්ද නොමැතිකම මානසික හා ශාරීරික සෞඛ්යයට සෘජුවම බලපානවා. ශරීරයට ප්රමාණවත් විවේකයක් නොලැබෙන විට, හැඟීම් හැසිරවීමට, අවධානයෙන් සිටීමට සහ ඉවසිලිවන්තව සිටීමට අපහසු වනවා.
සෞඛ්ය සම්පන්න නින්දක් ලබා නොගන්නා පුද්ගලයින් හට බොහෝ විට කෝපය, වෙහෙස සහ චිත්තවේගීය වශයෙන් සංවේදී බව වැඩිපුර දැනෙන අතර සෞඛ්ය සම්පන්න නින්දකට මොළය යථා තත්ත්වයට පත් කිරීමට සහ ආතතිය සන්සුන්ව කළමනාකරණය කිරීමේ හැකියාව වැඩි දියුණු කිරීමට හැකියාව තියෙනවා.
සමාජ මාධ්යවල වැඩි කාලයක් ගත කිරීම
නිරන්තරයෙන් සමාජ මාධ්යවල කාලය ගත කිරීම මානසික යහපැවැත්මට අහිතකර ලෙස බලපෑ හැකියි. පරිපූර්ණ ජීවන රටාවන්, ජයග්රහණ හෝ කෙනෙකුගෙ පෙනුම අන්තර්ජාලය හරහා දැකීම සහ සන්සන්දනය කිරීම ස්වයං සැකය සහ පීඩනයට හේතු විය හැකි වනවා.
සමාජ මාධ්ය මගින් ඔබේ මනස අනවශ්ය තොරතුරු සහ නිෂේධාත්මක බවින් පිරී ඉතිරී යාමේ හැකියාව පවතිනවා.එබැවින් විවේක ගැනීම සහ තිර කාලය සීමා කිරීමෙන් සෞඛ්ය සම්පන්න මානසික සමතුලිතතාවයක් ඇති කිරීමට උපකාරී වනවා.
ඔබේ හැඟීම් නොසලකා හැරීම
ඔබ චිත්තවේගීයව දුර්වල වී සිටින විට සියල්ල හොඳින් ඇති බව මවා පෑමෙන් අභ්යන්තර පීඩනය වැඩි කළ හැකිය. බොහෝ අය දුක, කෝපය හෝ බලාපොරොත්තු සුන්වීම ප්රකාශ කිරීමෙන් වැළකී සිටින්නේ ඔවුන් සමාජය ඉදිරියේ විනිශ්චය වනු ඇතැයි බිය වන බැවිනි.
නමුත් ඔබ තුළ ඇති හැඟීම් අවහිර කිරීම බොහෝ විට පසුව චිත්තවේගීය බිඳවැටීම්, කලකිරීම හෝ කාංසාවට හේතු වනවා. විශ්වාසවන්ත කෙනෙකු සමඟ කතා කිරීම හෝ ලිවීමෙන් හැඟීම් ප්රකාශ කිරීම සෞඛ්ය සම්පන්න ආකාරයකින් චිත්තවේගීය ආතතිය මුදා හැරීමට උපකාරී වන බැවින් එවැනි පුරුද්දක් කෙරෙහි යොමු වීම ඔබට කළ හැකියි.
දුර්වල ආහාර පුරුදු
ආහාර මඟ හැරීම හෝ සෞඛ්යයට අහිතකර ආහාර අධික ලෙස පරිභෝජනය කිරීම ඔබේ මනෝභාවයට සහ ශක්ති මට්ටම්වලට බලපෑම් එල්ල කරනවා. ඒ වගේම අධික කැෆේන්, සීනි හෝ සැකසූ ආහාර වලට ශරීරයේ තෙහෙට්ටුව වැඩි කළ හැකි අතර ශරීරය වඩාත් ආතතියට පත් කිරීමද කරනවා.
සමබර ආහාර වේලක් මොළයට සහ ශරීරයට නිසි ලෙස ක්රියා කිරීමට උපකාරී වන අතර ප්රමාණවත් තරම් ජලය පානය කිරීම සහ පෝෂ්යදායී ආහාර ගැනීම මනෝභාවය සහ ශක්තිය යන දෙකම වැඩිදියුණු කළ හැකියි.
සියල්ල එකවර කිරීමට උත්සාහ කිරීම
විවේකයකින් තොරව ඕනෑවට වඩා වගකීම් භාර ගැනීම මගින් ඔබ ඉතා ඉක්මනින් වෙහෙසට පත්වීම සිදුවනවා. තරමක් මන්දගාමී වීම, ඔබේ ශක්ති මට්ටමට අනුව වැඩ කිරීම සහ නිරන්තරයෙන් තම සීමාවන් ඉක්මවා වැඩ කිරීම සම්බන්ධයෙන් සමහර අය තමන් පිළිබඳවම වරදකාරී හැඟීමක් ඇති කර ගන්නවා.
නමුත් සෑම විටම කාර්යබහුල වීම යනු සැමවිටම ඵලදායී වීම නොවේ. කාර්යයන් වලට ප්රමුඛත්වය දීමට සහ විවේක ගැනීමට ඉගෙන ගැනීම මානසික සෞඛ්යය පවත්වා ගැනීම සඳහා වැදගත් වන බැවින් සියල්ල පරිපූර්ණ කර ගන්නවා වෙනුවට තමන්ගේ ශක්ති මට්ටමට අනුව වැඩ කළමනාකරණය කරගෙන කිරීමට පුරුදු වන්න.
සෘණාත්මක ස්වයංකථනය
මිනිසුන් තමන්ටම කතා කරන ආකාරය ඔවුන්ගේ පැවැත්මට අතිශයින් වැදගත් වෙනවා. “මම ප්රමාණවත් තරම් හොඳ නැහැ” හෝ “මම සැමවිටම අසමත් වෙමි” වැනි දේවල් නිරන්තරයෙන් පැවසීම ස්වයං ආත්ම විශ්වාසයට හානි කළ හැකි අතර චිත්තවේගීය ආතතිය ද වැඩි කළ හැකිය.
සෘණාත්මක ස්වයංකථනය පුද්ගලයකු තුළ අනවශ්ය පීඩනයක් සහ දුකක් ඇති කරනවා. රළු සහ සෘණ සිතුවිලි කරුණාවන්ත සහ වඩා යථාර්ථවාදී ඒවා සමඟ ප්රතිස්ථාපනය කිරීමෙන් කාලයත් සමඟ චිත්තවේගීය යහපැවැත්ම වැඩිදියුණු කර ගැනීමේ හැකියාව පවතිනවා.
ආතතිය සැමවිටම බාහිර ගැටළු වලින් පමණක් නොපැමිණෙන අතර සමහර විට අපගේ දෛනික පුරුදු අපට නොදැනුවත්වම නිහඬව චිත්තවේගීය පීඩනය වැඩි කරනවා. කුඩා ජීවන රටා වෙනස්කම්, සෞඛ්ය සම්පන්න චර්යාවන්, නිසි විවේකය සහ ස්වයං රැකවරණය මගින් ආතතිය වඩාත් ඵලදායී ලෙස කළමනාකරණය කිරීමේදී ඔබ තුළ විශාල වෙනසක් ඇති කළ හැකියි.
