Balanced Dietඑකක් යනු කුමක්ද?

කාන්තාවන් ලෙස අප සියලු දෙනා අපේ පවුලේ සාමාජිකයින් සියලු දෙනාට සෞඛ්‍ය සම්පන්න පෝෂ්‍යදායි සමබල  ආහාර වේලක් නිරන්තරයෙන් ලබා දීමට වෙහෙසෙනවා. ඒ නිසාම අපි හිතුවා අද සමබල ආහාර වේලක් හෙවත් Balanced Diet එකක වැදගත්කම මෙන්ම එය  පවත්වා ගැනීම වැදගත් වන්නේ ඇයිද යන්න පිළිබඳව කතා බහ කරන්න . සමබර ආහාර වේලක් යනු සෞඛ්‍ය  සම්පන්න ආහාර ගැනීම බව අපි දැනටමත් දන්නා කරුණක් . නමුත් එයින් අදහස් කරන්නේ එය පමණක්ම නෙවෙයි.

සමබර ආහාර වේලක් යනු කුමක්ද?

 සමබර ආහාර වේලක් හෙවත් Balanced Diet එකක් යනු සියලුම ආහාර කාණ්ඩ නියම අනුපාතයට ඇතුළත් කරන ආහාර වේලක්. ‘ඕනෑම දෙයක් ඕනෑවට වඩා නරකයි’ යන සුප්‍රසිද්ධ කියමන  සමබර ජීවන රටාවක් දෙස බැලීමේ නිවැරදි ක්‍රමයයි. අපට ප්‍රමාණවත් පෝෂ්‍ය පදාර්ථ, විටමින්, සෞඛ්‍ය සම්පන්න මේද යනාදිය ඇතුළත් සමබල ආහාර ගැනීමට බලා ගැනීම සෞඛ්‍ය සම්පන්න ජීවිතයක් ගත කිරීමට හොඳ ආරම්භයක්

healthy foods

සමබර ආහාර වේලකට හොඳ උදාහරණයක් වන්නේ එළවළු, පළතුරු සහ සලාද  පිඟානෙන් අඩකුත්  ඉතිරි කොටස බත්,රොටී යනාදිය කාබෝහයිඩ්‍රේට් වලින් පුරවා ගැනීමයි. එනම් ඔබට අවශ්‍ය  ප්‍රෝටීන් සහ කාබෝහයිඩ්‍රේට් ප්‍රමාණවත් තරමින් පමණක් ආහාරයට ගැනීමයි.

Balanced Dietඑකක් ශරීරයට වැදගත් වන්නේ ඇයි?

සෑම කෙනෙකුම තම ශරීරය හොඳින් ක්‍රියාත්මක වීමට අවශ්‍ය පෝෂ්‍ය පදාර්ථ නියමිත ප්‍රමාණයට ලබා ගැනීම අත්‍යවශ්‍යයි. සමබර ආහාර වේලක් හරහා  ඔබට නිවැරදිව  පෝෂ්‍ය පදාර්ථ ලැබෙනවා. එබැවින් එය ඔබට සෞඛ්‍ය සම්පන්න සහ දිගු ජීවිතයක් ගත කිරීමට ඉතාම උපකාරී වනවා. සමබර ආහාර වේලක් මිනිසුන්ට හොඳ ප්‍රතිශක්තියක් ගොඩනඟා ගැනීමට සහ  රෝගවලට වඩා වේගයෙන් සටන් කිරීමට හැකියාව ලබා දෙනවා.

සෞඛ්‍ය සම්පන්න ආහාර වේලක් අනුගමනය කිරීම අපව ශාරීරිකව යෝග්‍යතාවය වැඩිදියුණු කරනවා  පමණක් නොව, අපගේ මානසික තත්ත්වයද වැඩිදියුණු කරනවා. අනෙක් අතට, ක්ෂණික ආහාර සහ වෙනත් සෞඛ්‍ය සම්පන්න නොවන ආහාර වර්ග බොහොමයක් පරිභෝජනය කිරීම අපගේ ශරීරය මන්දගාමී වීමට බලපානවා .

Balanced Diet එකක අඩංගු විය යුතු සංඝටක මොනවාද?

සමබර ආහාර වේලකට පහත සඳහන් සංඝටක තිබිය යුතුයි.ඉතා හොඳ  සෞඛ්‍යයක් පවත්වා ගැනීම සඳහා සෑම ආහාර වේලක් සඳහාම ඔබ එක් කර ගත යුතු සංඝටක හතක් තිබෙනවා.ඒවා නම්

 කාබෝහයිඩ්‍රේට්


කාබෝහයිඩ්රේට ශක්තිය සපයන අතර ඔබේ ආහාර වේලෙන් සියයට 30 ක් පමණ විය යුතුය. ඔබ දවස පුරා ක්‍රියාකාරකම්වල යෙදී සිටින්නේ නම්, කාබෝහයිඩ්‍රේට් බහුල ආහාර තරමක් වැඩියෙන් ආහාරයට ගැනීම ගැටළුවක් වන්නේ නැහැ

 විටමින්


විටමින් A, B, C, D ඔබ සමීපව බැලිය යුතු ඒවා වේ, නමුත් තවත් බොහෝ දේ ඇත. ඔබේ ආහාර වේලෙන්, විශේෂයෙන් පලතුරු සහ එළවළුවලින් මේවා ලබා ගැනීම ඉතා වැදගත් වේ.ඔබ ඔබේ සම්පුර්ණ ආහාරවේලෙහි විටමින් සඳහා 25%ක් වෙන් කළ යුතු වෙනවා.

 ඛනිජ ලවණ


ඉන්ද්‍රියන්ගේ  සෞඛ්‍යය වර්ධනයට  අප ගන්නා ආහාරවලින් ශක්තිය මුදා හැරීමට ඛනිජ ද්‍රව්‍ය උපකාරී වනවා. අත්‍යවශ්‍ය වන්නේ යකඩ, කැල්සියම්, අයඩින්, පොටෑසියම් සහ සෝඩියම්.

 අසංතෘප්ත මේද


අසංතෘප්ත මේද යනු ශරීරය නිරෝගීව තබා ගැනීමට අවශ්‍ය යහපත් මේද වනවා . ඒවා ශරීරයේ  උෂ්ණත්වය නියාමනය කිරීමට සහ ආහාර වලින් විටමින් අවශෝෂණය කර ගැනීමට උපකාරී වනවා.

ප්‍රෝටීන්


ප්‍රෝටීන් වඩාත් අවශ්‍ය සංඝටකවලින් එකක්. ප්‍රෝටීන් මාංශ පේශි, සම සහ හිසකෙස් වල සෞඛ්‍යයමත් බව  ගොඩනැගීමට උපකාරී වනවා.ඔබ ඔබේ සම්පුර්ණ ආහාරවේලෙහි ප්‍රෝටීන් සඳහා 25%ක් වෙන් කළ යුතු වෙනවා.

තන්තු

තන්තු කුඩා ප්‍රමාණයකින් ඔබට පූර්ණ බවක් දැනීමට උපකාරී වනවා පමණක් නොව, එය ආහාර දිරවීමටද උපකාරී වනවා. මීට අමතරව, තන්තු කොලෙස්ටරෝල් මට්ටම පවත්වා ගැනීමට ද වැදගත්.

ජලය


වතුර බීම අපේ සෞඛ්‍යට ඉතාම අත්‍යවශ්‍ය දෙයක් . වෙනත් කිසිදු පානයකට  ජලයට සමාන සුවයක් අපේ ශරීරයට ලබා දීමට  නොහැක. ශරීරය සජලනය කිරීමට අමතරව, එය සියල්ල එකට තබා ගැනීමට උපකාරී වේ. අවම වශයෙන් වීදුරු අටක් දෛනිකව අපේ ශරීරයට අවශ්‍යයි.

මෙම සංඝටක 7හි  නිවැරදි අනුපාතයන්ට අනුව  ඔබේ ආහාර වේලට එකතු කරගැනීම ඉතා වැදගත්.

Balanced Diet එකක්  සඳහා අවශ්‍ය  කැලරි

ආහාරවල ඇති කැලරි ප්‍රමාණයෙන් අදහස් වන්නේ එම ආහාරයේ ගබඩා වී ඇති ශක්ති ප්‍රමාණයයි. ඇවිදීම, සිතීම, හුස්ම ගැනීම යනාදිය ඇතුළු සියලුම දෛනික ක්‍රියාකාරකම් සඳහා ශරීරයට ශක්තිය අවශ්‍යයි. සාමාන්‍ය වැඩිහිටියෙකුට ශක්තිය ලබා ගැනීමට සහ බර පවත්වා ගැනීමට කැලරි 2,000 ක් පමණ අවශ්‍ය වුවද, ප්‍රමාණය වයස, ස්ත්‍රී පුරුෂ භාවය සහ ශාරීරික ක්‍රියාකාරකම් අනුව එම ප්‍රමාණය වෙනස් වනවා.

ඉතිං ඔබත් සමබල ආහාර රටාවකට හුරු වී ඔබේත් ඔබේ පවුලේත් සෞඛ්‍ය සම්පන්න නිරෝගී බව ඇති කරගැනීමට වෙහෙසෙන්න.එය ඔබව හැමදාම සතුටින් තබාවි.

Related Articles

Don't Miss





Latest Articles

හසරැලි වැස්සේ -36

"මෝඩ විදියට හැසිරුණු කාලේ නම් හැදෙයිද කියලා අපි ඉවසගන බලාගෙන හිටිය.ඒ උනාට දැන් වැඩ කරන්නේ මහම මහ ගොබ්බ විදියට.."

(අ)හිමි සිහින -19

සංසාරගත බැඳීමක් බව සිතූ ප්‍රේමය හැරදා පැමිණි පසු මම අසංකට ආදරය කළාද කියලා ඔයාලාට හිතෙනවා ඇති.අම්මට තාත්තට අසංක සැලකීම ගැන ඇතිවෙන්න තරම්...

සඳ කත් මිණි ඇස් 15

සූර්යා දැන් භුක්ති විඳිනා නිදහස ඇගේ යෞවනයේ දී නො ලැබුණ එකකි. ඇය දෙමව්පියන් ගේ දැඩි නීති රීති හා පාලනය යටතේ හැදුණ වැඩුණ...

හසරැලි වැස්සේ – 35

"මම්මේ…."රෝහල් කාමරයේ ඇත්තේ පාළු ස්වභාවයකි.මට මම්මා සමග එක්වී අතීතය දිග ඇවිද යාමට සිත් විය.මා වෙනුවෙන් තේ සාදමින් සිටි...

(අ)හිමි සිහින -18

යුද්ධය නිසා ජීවිතය අහිමි විය හැකි, ආබාධිතයකු බවට පත් විය හැකි, තමන්ගෙ මහන්සියෙන් උපයා ගත් දෙයක් මිසක ඒ තරමට දේපල නැති සුදාරක...
Click to Hide Advanced Floating Content
Click to Hide Advanced Floating Content