සුවබර දිවියට විනකරන ආතතියට සමුදෙමු

පුද්ගලික සම්බන්ධතා, රැකියාව, පවුලේ ප්‍රශ්න, අධ්‍යාපනය ආදී විවිධ හේතු නිසාවෙන් ඔබ ආතතියෙන් පෙළෙනවාද? ගැටලුව කුමක් වුවත්, ඔබට පහසුවෙන් ඔබේ ආතතිය අවම කර ගැනීමට හැකියාව ඇත.  මේ ඒ සඳහා ඔබට ගතහැකි කුඩා පියවර කිහිපයක්-

නිල් වර්ණය ආතතිය අවම කරයි. එදිනදා දෑ සඳහා ඔබට නිල් පැහැය එක්කර ගත හැක. ආතතිය සඳහා චුයින්ගම් හොඳ බෙහෙතකි. නමුත් එහි අඩංගු අධික සීනි ප්‍රමාණය හා රසකාරක ද්‍රව්‍ය දිගු කාලයක් භාවිතය, ඔබේ ශරීරයට සුදුසු නැත. එසේම ඔබ ශරීරයට ලබා ගන්නා කැෆෙන් ප්‍රමාණය අවම කර ගැනීමට වගබලා ගතයුතු ය. තේ, කෝපි හා ශක්තිජනක පානවලින් ඔබේ සිරුරට ලබා ගන්නා කැෆෙන් ප්‍රමාණය අධික වීම, ආතතියට හේතු විය හැක.

ආතතිය දුරලන්න, යෝග අභ්‍යාස හෝ ව්‍යායාමවල යෙදීම වඩාත් යෝග්‍ය වේ. සිත නොසන්සුන් වූ විට, ගැඹුරු හුස්මක් ගෙන පිට කිරීම වැනි relaxing exercise වල යෙදිම අත්‍යවශ්‍ය ය.  ඔබේ නිවාස, ඔබේ කාර්යාලය, වාහන වැනි ස්ථාන සුවඳවත්ව, පිරිසුදුව තබා ගැනීමටත් ක්‍රියා කළ යුතු ය. සුවඳවත් ඉටිපන්දම් දල්වා, එහි දැල්ල දෙස මද වේලාවක් බලා සිටීම, ආතතිය අවම කර ගැනීමට පුරුදු පුහුණු කළ හැකි හොඳ අභ්‍යාසයකි. ලවෙන්ඩර් සුවඳ විශේෂයෙන්ම ආතතිය අවම කිරීමට උපකාරී වේ.

සිනහ මුසු මුහුණින් යුතුව නිතරම කටයුතු කිරීම අත්‍යවශ්‍ය ම දෙයකි. සුරතලුන් සමඟ මෙන්ම සොබාදහම සමගත් කාලය ගත කිරීමට ඔබ අමතක නොකළ යුතු ය. ඔබේ විශ්වාසවන්ත සමීපතමයන්ට වුණත් පවසන්න බැරි විය හැකි දෑ ඔබට හැඟෙන දේ සිත සැහැල්ලු කර ගැනීමට ලියා තබන්නට පුරුදු වියහැක.

ඔබ දැඩි ආතතියෙන් පෙළෙන්නේ නම්, නිසි ප්‍රතිකාර සඳහා යොමුවීම සුදුසුවේ. මේ අන්දමින් දැනුවත්ව කටයුතු කළහොත්, ඔබට ආතතිය මඟහරවාගෙන සතුටින් නීරෝගීව ජීවත් විය හැකි ය.

– කල්හාරී –

Related Articles

Don't Miss



Latest Articles

ශරදාකාසේ -33

පංචලී පුතෙකු බිහි කළා ය. පෞද්ගලික රෝහලක සුව පහසු ලෙස ඒ අත්දැකීම විඳ ගන්නට ශාරද ඇය ට අවස්ථාව උදා කර දී තිබුණේ...

කුඩුකේඩුකම්

"අම්මේ,මම දැක්කනෙ දෙව්මි පිරිමි ළමයෙක් එක්ක බස් ස්ටෑන්ඩ් එකේ ඉන්නවා." චතුරි ගෙට ගොඩ වුණේ එහෙම කියාගෙන.විශ්ව විද්‍යාලයේ ඉඳලා කාලෙකට...

වැටකොළු පොතු අපතේ නොදා සැකසිය හැකි ආහාර

මේ බොහොම අසීරු කාල පරිච්ඡේදයක්.ගෘහණියන් හැටියට අපිට කිසිවක්ම අපතේ යවන්නට මේ කාලයේ බැහැ.එළවළු පිරිමසාගෙන ඉවුම් පිහුම් කරන්න අපි හුරු වෙන්න ඕනෑ.ඒ නිසාම...

හිමගිරි අරණ -18

"මම හිතුණොත් පාරමීට කියනවා මං ගැන බලාපොරොත්තු තියා ගන්න එපා කියලා." රවිඳුගේ ඒ වචන හිමාෂා තිගැස්මට ලක් කරන්නට සමත්...

(අ)හිමි සිහින -122

දින කිහිපයක්ම ඔබට අහිමි සිහින ගෙන එන්නට නොහැකි වීම ගැන මුලින්ම අපි ඔබෙන් සමාව ඉල්ලා සිටිනවා.යම් අපහසුතා කිහිපයක් නිසා තමයි ඔබ මඟ...