හිතුමනාපෙට ආලේපන තැවරීම සුදුසුද ?

තමන්ගේ රුව ලස්සන කරගැනීම අද බොහොමයක් දෙනාගේම  ජිවිතයේ අංක එක බවට පත්වෙලා. ඒ නිසාම විවිධ සබන්, ක්‍රීම් ඇතුළු ආලේපන වර්ග කිසිදු විමසිල්ලකින් තොරව ආලේප කිරීමට බොහොමයක් කාන්තාවන් පුරුදු වී සිටිනවා. ඇත්තටම එය  ප්‍රතිඵල දායකද?කිසිදු හෙවිල්ලක් බැලිල්ලක් නැතිව මේ ආලේපන භාවිතය ඔබට ගෙනෙන්නේ මොනවගේ ප්‍රතිඵලයක්ද?

බොහෝ අය ළදරු සබන් තමන්ගේ වැඩිහිටි අවශ්‍යතා සඳහාත් භාවිතා කරනවා. එසේ කරන්නේ එහි අන්තර්ගත දේවල් සමට සැර නැතැයි සිතාගෙන. එය නිවැරදි වුවත් බිලිඳු දරුවන්ට නිපදවූ ඒ සබන් ඔබේ සම පිරිසුදු කරන්නට සමත් වෙන්නේ නැහැ. එදිනෙදා ගෘහ සහ රැකියා කටයුතු වලදී පරිසරයට නිරාවරණය වන ඔබේ සම පිරිසුදු කිරීමට සුදුසු පිරිසුදු කාරකයක් තෝරා ගැනීමට ඔබ බෙහෙවින් සැළකිලිමත් විය යුතුම වනවා.

පාසල් යන වයසේ බොහෝ යොවුනන්  අද රුපලාවන්‍ය ආලේපන භාවිතා කරනවා.  එහෙත් මේ වයස සමට ඉතා හොඳින් පෝෂණයක් ලැබෙන වයසක් නිසා සමේ ආරක්ෂාවට අවශ්‍ය පෝෂණය ඇති තරම් තිබෙනවා. ඒ නිසා විවිධ සේදුම් කාරක ආදියෙන් මුහුණ සෝදා සමේ ස්වභාවික තෙල් තට්ටුව, ආරක්ෂක ස්තරය විනාශ කරගත යුතු නැහැ. උපතින්ම සම වියලිනම් පමණක් ඒ සඳහා සුදුසු ආලේපනයක් වෛද්‍ය නිර්දේශය මත භාවිතා කිරීම තමා වඩාත් සුදුසුම දෙය වන්නේ.

දිනයේ දිගු වේලාවක් අව්වේ සිටින, ක්‍රීඩා කරන යුවතියක් නම් අනිවාර්යයෙන්ම හිරු කිරණින් සම ආරාක්ෂා කරන ආලේපන භාවිතා කළ යුතු වනවා. ලංකාව වැනි සමක ආසන්නයේ රටවල සන් ක්‍රීම් භාවිතා කිරීමේදී එහි SPF අගය 30 වන ආලේපන තෝරා ගැනීමට සැළකිලිමත් වන්න.

අම්මාට සහ දියණියට එකම ආලේපන ගැළපෙන්නේ නැහැ. තම වයස් කාණ්ඩයට ගැලපෙන ලෙස ආලේපන භාවිතා කිරීමට සැළකිලිමත් වන්න.

වැඩිහිටි කාන්තාවන් වයස අවුරුදු 40 න් පසුව රාත්‍රී සමට අවශ්‍ය පෝෂණ සත්කාරකයක් ආලේප කිරීම වටිනවා. එයින් මුහුණේ ඇතිවෙන රැළි ගැසීම් ආදිය වැළකෙනවා.

– චම්මි –

Related Articles

Don't Miss



Latest Articles

නිබ්බුත ගීත -29

මේ ජීවිතයට මම අතිශය ආදරය කරමි. ජීවත් වූ මේ කෙටි කාලයට ජීවිත සිය ගණනක් ජීවත් වූවා සේ මට දැනේ. එය දුක ද...

සුහදිනි – 78

ජය ඝෝෂා නැඟෙමින් තිබුණේ පරාජය පිළි නොගන්නා රසිකයන්ගෙනි.හඹා යා යුතු ඉලක්කය දිගු දුර එකකි.එහෙත් එය නොහැකි ඉලක්කයක් ද නොවේ.අහස් තමන්ගේ ඉනිම ඇරඹුවේ...

(අ)හිමි සිහින -232

මිනිස්සුන්ට විවිධ අදහස් මති මතාන්තර තියෙන්න පුලුවන්.ඒ මිනිස්සු රූපයෙන් පමණක් නොවෙයි අධ්‍යාපනයෙන් ආධ්‍යාත්මයෙන් මනුෂ්‍යත්වයෙන් ධනයෙන් බලයෙන් යසසින් ආදරයෙන්, කරුණාවෙන් වගේ  සියලු දෙයින්...

නිබ්බුත ගීත -28

මා හිටියේ යහනේ වැතිර ගෙන ය. මගේ පාලනයකින් තොර ව එක දිගට කඳුළු ගලා යමින් තිබිණ. උපන් දා සිට සැපක් කියා දෙයක්...

සුහදිනි -77

අවසන් මහා තරගයක් කියන්නේ සෑම කෙනෙකුම බලාපොරොත්තු  දල්වා බලා සිටින දවසකට ය.රාජ්‍ය නායකයාගේ පටන් සාමාන්‍ය රට වැසියන් දක්වාම තරුණයන් එකොළොස් දෙනෙකු බලාපොරොත්තුවෙ...