මට එයා ගැන සැකයි!

එයා දැන් වැඩ ඇරිලා  හැමදාම ගෙදර එන්නෙ පරක්කු වෙලා. එයාට දැන් කෝල් එනවත් වැඩියි. මට හිතෙනවා එයා වෙන සම්බන්ධයක් පටන් අරන් ඇති කියලා – සුභාෂිණී – මතුගම

මම තවම විවාහ වෙලා නැහැ. මට ආදරවන්තයෙක් ඉන්නවා. එයා මුල් දවස්වල මට ගොඩක් ආදරෙන් හිටියා. ඒත් දැන් එහෙම නැහැ. ඉස්සර තරම් දැන් එයා මං ගැන හොයල බලන්නෙ නැහැ. මට හිතෙනවා එයාට වෙන කවුරු හරි ළං වෙලා ඇති කියලා. – අනෝජි -කෑගල්ල

අපි කසාද බැඳලා දැන් අවුරුදු පහක් වෙනවා. දැන් අපට චූටි පුතෙකුත් ඉන්නවා. ඉස්සර මගේ මහත්තයා මං ගැන හුඟක් සැලකිලිමත්. මගේ ඇඳුම්, මගේ ගමන් බිමන්, මම ආස කරන කෑම බීම ඒ හැම දෙයක් ගැනම එයා උනන්දුවෙන් හිටියා. ඒත් දැන් එයා හරි වෙනස්. මට හිතෙනවා එයා වෙන ආදරයක පැටලිලා කියලා. – සමන්තා – වේරහැර

එක්තරා පුවත්පතක, විශේෂඥ උපදෙස් ලබාදෙන පාඨක ගැටළු තීරුවකට කාන්තාවන් එවා තිබූ ගැටළු අතරින් කිහිපයක් තමයි ඒ. මේ සියලු දෙනාට ම ඒ උපදේශකයා යෝජනා කරල තිබුණෙ එකම විසඳුමක්. ඒ තමයි කරුණාකර ඔබ මුලින් ම ඔබේ සිත තුළ ඇති සැකය නිවැරදි දැයි හඳුනාගන්න. සැකය මත සිට තීරණ ක්‍රියාත්මක කිරීම කොහෙත්ම සාධාරණ නැහැ. නිවැරදි වෙන්නෙත් නැහැ.

සැකය සමඟ ජීවත් වෙන්න ඉතාමත් අපහසුයි. ඇත්තටම ඔබට ඔහුගේ ආදරය සම්බන්ධව සැකයක් ඇති වුණොත් ඔබ මොනවද කරන්නේ?

  • තවදුරටත් විශ්වාස කරන්න
  • ඔහුට වඩාත් හොඳින් ආදරය කරන්න
  • ඔහුට වෙනදාටත් වඩා සවන් දෙන්න
  • නිදහස දෙන්න
  • ඔහුගේ වෙනස්වීම් ගැන ඔබ දැනුවත් බව හඟවන්න
  • ඔහුගේ වටිනාකම් අගය කරන්න
  • ඔබට ඔහුගෙන් ලැබෙන සවිය, රැකවරණය ගැන ප්‍රශංසා කරන්න
  • ඔහුට ඔබෙන් කිසියම් හෝ අඩුපාඩුවක් මගහැරීයාමක් හෝ අතපසුවීමක් සිදුවූවා දැයි සාමකාමීව සාකච්ඡා කරන්න
  • දෙදෙනාගේ ම දුර්වලතා අවබෝධ කරගන්න
  • දෙදෙනාගේම ශක්තීන් හඳුනාගන්න
  • ඔහුට ඔබේ හිතිවිලි හඳුනාගැනීමටත් වරදක් සිදුව ඇත්නම් නිවැරදි කරගැනීමටත් කිසියම් කාලයක් දෙන්න.
  • කෙතරම් ගැටළු තිබුණත්, හොඳ සන්නිවේදනයක් පවත්වාගන්න.
  • ආවේගශීලීව වචන භාවිත කිරීමෙන් වළකින්න
  • සැකය ටිකෙන් ටික හිත්වලින් මඟ හැරී යන තුරු ඉතා සංයමයෙන් සහ ඉවසිලිමත්ව කටයුතු කරන්න.

මෙහෙම කටයුතු කළත් ඔහු ගැන ඔබේ හිතේ තියෙන සැකය මඟ හැරුණේ නැත්නම්, දවසින් දවස ම ඔබේ සහකරුගේ හැසිරීම් හරහා ඔබේ සැකය තහවුරු වෙනවානම් ඔබ කරන්න ඕනේ මොකක්ද? ඒ ගැන අපි ඊළඟ ලිපියෙන් දැනගනිමු.

-නිරංජලා-

Related Articles

Don't Miss




Latest Articles

Easy breakfast recipes – part 2

කාර්‍යබහුල ඔබට උදෑසනට ලේසියෙන්ම හදාගන්න පුළුවන් වගේම පොඩ්ඩන්ට උනත් ආසාවෙන් කන්න පුළුවන් easy breakfast recipes ගැන තමයි මේ ලිපියෙන් ඔබට කියන්නේ

දෑවැද්ද

" අම්මා කොහෙ යන්නද ලෑස්ති වෙන්නේ ? "සුජානි කාමරේට ආවේ ටික වෙලාවක ඉඳලා රම්‍යා පේන්න හිටියේ නැති නිසා.රම්‍යා...

සැරිසරන්නී – 13

මට මතක් වූයේ චමත්කා රවීන් ගැන උනන්දුවෙන් පසු වෙනවා කියා නංගී කී කතාව ය. චමත්කා නොව ලොව ඕනෑ ම ගැහැනියක එවන් පිරිමි...

නිලැසි -21

නොසැලකිලිමත් බැල්මක් අමුත්තන්ට වෙන් වූ කොටසේ ඒ මේ අත සක්මන් කරන තරුණයා දෙස නිම්න මොහොතක් බලා සිටියේ ය.වටිනා සන්නාම සහිත ඇඳුම් ඉතා...

අනුන්ගේ තීරණ.

"ඔයා කොහොමද අනේ තාරකා අඳුනන්නේ?"භාග්‍යා එහෙම අහනකොට නිමාලි කරමින් හිටිය වැඩෙත් නවත්තලා භාග්‍යා එක්ක හිනා වුණා.තාරකා එක්ක ෆේස්බුක්...