චියා බීජ වල තන්තු සහ ඔමේගා-3 මේද අම්ල විශාල ප්‍රමාණයක්, ප්‍රෝටීන් විශාල ප්‍රමාණයක් සහ අත්‍යවශ්‍ය ඛනිජ සහ ප්‍රතිඔක්සිකාරක බොහොමයක් අඩංගු වේ. ඒවා ආහාර ජීර්ණය වැඩි දියුණු කිරීමට, රුධිර පීඩනය අඩු කිරීමට සහ රුධිරයේ සීනි පාලනය වැඩි දියුණු කිරීමට උපකාරී වේ.
Salvia Hispanica යන ශාකයෙන් ලබාගන්නා කුඩා බීජ Chia Seeds ලෙස හඳුන්වයි.
මෙම බීජ ඉතා බහුකාර්ය වේ. ඒවා පොඟවා කැඳට එකතු කළ හැකිය, පුඩිං සාදාගැනීමට භාවිතා කළ හැකිය, නැතහොත් සලාද හෝ යෝගට් මත ඉස ආහාරයට ගන්නට හැක.
දියර අවශෝෂණය කර ජෙල් සෑදීමට ඇති හැකියාව නිසා, ඒවා සෝස් ඝන කිරීමට හෝ බිත්තර ආදේශකයක් ලෙසද භාවිතා කළ හැකිය.
චියා බීජ ගැන ඔබ දැනගත යුතු සියල්ල මෙම ලිපියෙන් සපයන්න අප බලාපොරොත්තු වෙනවා.
පෝෂ්‍ය පදාර්ථ
චියා බීජ අවුන්සයකට කැලරි 138ක ප්‍රමාණයක් අඩංගු වේ. එහි පරිමාවෙන් 6% වතුර, 46% කාබොහයිඩ්‍රේට්, 34% මේදය සහ 19% ප්‍රෝටීන් අඩංගු වේ.
ඒ වගේම චියා බීජ Gluten Free ආහාර ප්‍රභවයක් වේ.
චියා බීජ වල කාබෝහයිඩ්‍රේට් ප්‍රමාණයෙන් 80% කට වඩා තන්තු ස්වරූපයෙන් පවතී.
චියා බීජවල තනි අවුන්සයක (ග්‍රෑම් 28) තන්තු ග්‍රෑම් 11 ක් අඩංගු වන අතර එය කාන්තාවන් සහ පිරිමින් සඳහා වන Reference Daily Intake (RDI) හි සැලකිය යුතු කොටසක් වේ.
චියා බීජ වල දිය නොවන සහ ද්‍රාව්‍ය තන්තු දෙකම අඩංගු වේ.
චියා බීජ වල සුවිශේෂී ලක්ෂණයක් වන්නේ හදවතට හිතකර ඔමේගා-3 මේද අම්ලවල ඉහළ අන්තර්ගතයක් සහිත ආහාර ප්‍රභවයක් වීමයි.
චියා බීජවල ඇති මේදවලින් 75%ක් පමණ ඔමේගා-3 ඇල්ෆා-ලිනොලනික් අම්ලය (ALA) සමන්විත වන අතර 20%ක් පමණ ඔමේගා-6 මේද අම්ල (9, 10, 11) වලින් සමන්විත වේ.
ඇත්ත වශයෙන්ම, චියා බීජ යනු ඔමේගා-3 මේද අම්ලවල වඩාත් ප්‍රසිද්ධ ශාකමය ප්‍රභවය වේ.
සමහර විද්‍යාඥයන් විශ්වාස කරන්නේ ඔමේගා-6 වලට සාපේක්ෂව ඔමේගා-3 අධික ලෙස ගැනීම ඔබේ ශරීරයේ දැවිල්ල අඩු කරන බවයි.
චියා බීජ වල 19% ප්‍රෝටීන් අඩංගු වේ.සැලකිය යුතු ලෙස, මෙම බීජ අත්‍යවශ්‍ය ඇමයිනෝ අම්ල නවයම ලබා දෙන අතර එමනිසා ඒවා උසස් තත්ත්වයේ ශාක පදනම් වූ ප්‍රෝටීන ප්‍රභවයක් ලෙසත් හඳුන්වනවා.
චියා බීජ වල අඩංගු විටමින් සහ ඛනිජ
චියා බීජ වල ඛනිජ ලවණ බොහෝ ප්‍රමාණයක් අඩංගු වුණත් එය විටමින් ලබා දීම සම්බන්ධයෙන් දුර්වල ආහාර ප්‍රභවයක්. චීයා බීජවල වැඩි වශයෙන් අඩංගු වන ඛනිජ වර්ග වන්නේ මෙන්න මේවා:
මැංගනීස් – පරිවෘත්තීය, සංවර්ධනය සහ වර්ධනය උදෙසා හේතුවන මැංගනීස් බීජ සහ ධාන්‍ය වර්ගවල අඩංගු වේ.
පොස්පරස් – සාමාන්‍යයෙන් ප්‍රෝටීන බහුල ආහාර වල දක්නට ලැබෙන අතර අස්ති සෞඛ්‍යයට සහ පටක නඩත්තුවට උපකාරී වේ.
තඹ – තඹ හෘද සෞඛ්‍යයයට ඉවහල් වෙන පෝෂ්‍ය පදාර්තයකි.
සෙලෙනියම් – ශරීරය බොහෝ ක්‍රියාවලීන් සඳහ වැදගත් වන ප්‍රතිඔක්සිකාරකයකි.
යකඩ – රතු රුධිර සෛලවල හිමොග්ලොබින් සංඝටකයක් ලෙස ශරීරය පුරා ඔක්සිජන් ප්‍රවාහයට දායකවේ.
මැග්නීසියිම් – බොහෝ ශාරිරික ක්‍රියාකාරකම්වල දී වැදගත් කාර්‍යභාරයක් ඉටු කරයි.
කැල්සියම් – ශරීරයේ බහුලම ඛනිජය වන කැල්සියම් අස්ති, මාංශ පේශි සහ ස්නායු සඳහා අත්‍යවශ්‍ය වේ.
චීයා බීජ වලින් ලැබෙන සෞඛ්‍ය ප්‍රතිලාභ මොනවාද?
මෑත කාලීනව චියා බීජ ඒවායේ ඇති සෞඛ්‍ය ප්‍රතිලාභ නිසා ඉතාම ජනප්‍රියත්වයට පත් වුනා. එසේ ජනප්‍රියත්වයට පත් වන්නට චියා බීජ වල අඩංගු වන සෞඛ්‍ය ප්‍රතිලාභ වන්නේ මෙන්න මේවා.
ඔමෙගා 3 රුධිර මට්ටම වැඩි වීම – ඔමෙගා 3 මේද අම්ල අපේ ශරීරයට ඉතාම වැදගත් වන පෝෂ්‍ය පදාර්තයක්. චියා බීජ කියන්නෙ ඔමෙගා 3 සපයන ශාකමය ආහාර ප්‍රභවයක්.
රුධිර සීනි මට්ටම පාලනය කිරීම – සෞඛ්‍ය සම්පන්න රුධිරගත සීනි මට්ටමක් පාලනය කිරීම නිරෝගී කමට ප්‍රධාන වශයෙන් බලපානවා. චියා බීජ ඉන්සියුලින් ප්‍රතිරෝධය අඩු කරන අතර රුධිර සීනි පාලනය වැඩි දියුණු කරයි.
අඩු රුධිර පීඩනය – අධි රුධිර පීඩනය හදවත් රෝග වැනි නිදන්ගත රෝග සඳහා අවධානමක් සපයයි. චියා බීජ සහ චියා පිටි දැනටමත් ඉහළ මට්ටමක පවතින රුධිර පීඩනය අඩු කරන්න හේතුවන බව පර්‍යේෂණ ඔස්සේ සොයගෙන තිබෙනවා.
තන්තු පරිභෝජනය වැඩි කිරිම – බොහෝ පුද්ගලයන් ප්‍රමාණවත් තරම් තන්තුමය ආහාර පරිභෝජනය නොකරයි.ශරීරයේ පරිවෘත්තිය ක්‍රියාවලිය සඳහා තන්තු ඉතාම වැදගත් වේ.
චියා බීජ එක් අවුන්සයක් තන්තු ග්‍රැම් 9.75ක් සපයයි. චියා බීජ වල ඇති අසාමාන්‍ය ජල අවශෝෂණය නිසා චියා බීජ අපේ ආහාර ජීර්ණය කිරීම වැඩි කරයි.
චියා බීජවලින් ලැබෙන අහිතකර ඵල
චියා බීජ සාමාන්‍යයෙන් ආහාරයට ගැනීම ආරක්ෂිත යයි සලකනු ලබන අතර චියා බීජ ආහාරයට ගැනීම නිසා ලද අහිතකර ප්‍රතිපල වාර්තා නොවන තරම්. කෙසේවෙතත් ආහාර දිරවීමේ අතුරු ආබාධ වළක්වා ගැනිම සඳහා චියා බීජ ආහාරයට ගන්නා විට ප්‍රමාණවත් තරම් ජලය පානය කිරීම ඉතාම වැදගත්.
සියලුම බීජවල මෙන්ම චියා බීජවල ෆයිටික් අම්ලය අන්තර්ගත වෙනවා. ෆයිටික් අම්ලය යනු යකඩ සහ සින්ක් වැනි ඛනික සමග බන්ධනය වන සං‍යෝගයක් වන අතර ඒවා ආහාර වලින් අවශෝෂණය වීම වළක්වනවා.
රුධිරය තුනී කිරීමේ ඖෂධ වර්ග ලබාගන්නෙ නම් ඔබේ ආහාර වේලට චියා බීජ ඇතුලත් කිරීමට පෙර ඔබේ වෛද්‍යවරයා හමුවිය යුතු බව මතක තබාගන්න.
