මී පැණිවල ගිල්ලපු සුදු ලූණු කමුද?

Fermented Garlic වල තියෙන Health Benefits මොනවද කියල දන්නවද? අපේ රටේ නම් මිනිස්සු ලොකුවටම ඔය මී පැණි වල ගිල්ලපු එහෙම නැත්තම් මේ Fermented Garlic කියන සුදුලූණු කන්නෙ නැතුවට ඒකෙ තියෙන බොහොමයක් සෞඛ්‍ය ප්‍රතිලාභ දැනගෙන ඒව කන බොන මිනිස්සු මේ ලෝකෙ ඕන තරම් ඉන්නවා.

අන්න ඒ නිසාම තමයි අපි හිතුවෙ අද ඔයාලා එක්ක බෙදාගන්නවා කියල මේ Fermented Garlic වල තියෙන Health Benefits මොනවද කියන එක ගැන.

Garlic වල Health Benefits

සුදුළූණු හරි ප්‍රයිද්ධයි කොහොමත් එකේ තියෙන Health Benefits ගත්තම. සියවස් ගණනාවක් පුරාවට සාම්ප්‍රදායික වෛද්‍ය විද්‍යාවේ මේ සුදුලූණු හරියට භාවිතා කරලා තියෙනවා. ග්‍රීකයන්, ඊජිප්තුවරුන්, රෝමවරුන්, බැබිලෝනියානුවන් සහ චීන ජාතිකයන් වැනි පුරාණ ශිෂ්ටාචාරයන්වල උන්නු මිනිස්සු සුදුළූණු ඖෂධයක් ලෙස භාවිතා කරලා තියෙනවා. සුදුළූණු ප්‍රතිශක්තිකරණ පද්ධතිය වැඩි දියුණු කරන අතරම සමස්ත සෞඛ්‍යය වැඩි දියුණු කරන බවට අතීතයේ ඉඳන් මිනිස්උ විශ්වාස කරනවා.

Fermented Garlic කියන්නෙ මොනවද?

“කළු සුදුළූණු” කියලත් හැඳින්වෙන පැසුණු සුදුළූණු, නැවුම් සුදුළූණු පැසවීමෙන් නිපදවන දෙයක්. මෙම ක්‍රියාවලිය අතරවාරෙදි සුදුළූණු තද දුඹුරු පැහැයට හැරෙන අතර ඒකෙ තියෙන strong taste එක පැණිරස, මෘදු රසයක් බවට පත් කරනවා. පැසුණු සුදුළූණු ජෙලි වැනි වයනයක් අරගන්නවා වගේම ආහාරයට ගැනීම පහසුයි.

කොහොමද Fermented Garlic හදන්නෙ?

අපේ ප්‍රතිශක්තිකරණ පද්ධතියේ ක්‍රියාකාරිත්වය වැඩි කරන්න හොඳම හොඳ කෑමක් විදියට මේ Honey Fermented Garlic හඳුන්වන්න පුලුවන්! මී පැණි සහ සුදුළූණු යන දෙකටම ප්‍රබල ඖෂධීය ගුණ තියෙන නිසා සෙම්ප්‍රතිශ්‍යාව සහ උණ වගේ රෝග නිතර හැදෙන කාලෙක ඔන්න ගෙදර තියාගන්නම ඕන කෑමක් තමයි මේක.

1- අමාරුම සහ වඩාත්ම කාලය ගතවන කොටස වෙන්නෙ සුදුළූණු පැසවීම සඳහා සකස් කිරීම. භාවිතා කරන භාජනය මොකක් උනත්,ඒක 1/2-3/4 පමණ ලෙලි ඉවත් කළ සුදුළූණු වලින් පුරවා ගන්න ඕන.

2- සුදුළූණු සකස් කිරීමට ඉක්මන්ම සහ පහසුම ක්‍රමය නම් පිහියේ පැතලි පැත්ත සුදුළූණු බිකක් මත තියලා අතෙන් තදට පහර දෙන එක.

3- භාජනය ප්‍රමාණවත් සුදුළූණු වලින් පිරුණයින් පස්සෙ, එය වැසීමට මී පැණි ටිකක් වත් කරන්න. සුදුළූණු ටිකක් පාවෙන ගානට මී පැණි දාන්න.

4- පැසවීම සඳහා අවශ්‍ය සියලුම බැක්ටීරියා සහ යීස්ට් තවමත් එහි අඩංගු වෙන හන්දා, පැසවීම සඳහා Honey fermented garlic සෑදීමට අමු මී පැණි (Raw) භාවිතා කිරීම වැදගත් වෙනවා.

5- මී පැණි එකතු කළ පසුවයි එය පැසවීම ක්‍රියාවලිය ආරම්භ වෙන්නෙ. සුදුළූණු වලින් නිකුත් වන කුඩා යුෂ ප්‍රමාණය පැසවීම සිදුවීමට ප්‍රමාණවත් දියරයක් නිර්මාණය කරනවා.

6- වායුව පිටවීමට ඉඩ දීම සඳහා භාජනය පියනකින් ලිහිල්ව වසා, පැසවීම සඳහා අඳුරු ස්ථානයක තබන්න.

7- පැසවීම අතරතුර භාජනය යට තහඩුවක් හෝ ඒ හා සමාන දෙයක් තැබීම හොඳයි මොකද එය ටිකක් බුබුලු දැමීමට ඉඩ ඇති අතර මී පැණි පිටතට ගලා යා හැකි හන්දා.

8- සුදුළූණු සියල්ලම මී පැණිවලින් වටවී ඇති බවට වග බලා ගැනීම සඳහා සෑම දිනකම සෑම විටම භාජනය මදක් සෙළවීම ද වැදගත් වෙනවා.

මී පැණි සුදුළූණු මාසයක් පමණ පැසවන නමුත්, ක්‍රියාවලිය අතරතුර ඔබට එය ඕනෑම වේලාවක අනුභව කළ හැකියි.

කාලයත් සමඟ රසය දිගටම වර්ධනය වෙනවා. සුදුළූණු මෘදු වෙනවා,මී පැණි බොහෝ සෙයින් දියවෙනවා.

පැසවීම ක්‍රියාවලියේදී ඇතිවන ප්‍රතික්‍රියාවක් හේතුවෙන් සමහර විට සුදුළූණු බික් නිල් හෝ කොළ පැහැයට හැරෙනවා. ඒ නරක් වෙලා හින්දා නෙවෙයි.මී පැණි සුදුළූණු සිසිල් ස්ථානයක මාස ගණනාවක් හෝ අවුරුද්දක් හෝ ඊට වැඩි කාලයක් හොඳින් ගබඩා කරලා තියාගන්න පුලුවන්.

මොනවද Health Benefits?

උගුරේ අමාරුව සමනය කරයි.

කැස්ස සමනය කරයි.

Inflammation අඩු කරයි.

ශ්ලේෂ්මල ස්‍රාවය අඩු කිරීමට උපකාරී වේ.

Honey Fermented Garlic කියන්නෙ හරිම පැරණි, ස්වාභාවික පිළියමක් වන අතර එය හොඳ බැක්ටීරියා වලින් පිරිලා තියෙනවා. අතීතයේ ඉඳලා ප්‍රතිබැක්ටීරීය, විෂබීජ නාශක, ප්‍රතිවෛරස්, ප්‍රති-ක්ෂුද්‍ර ජීවී සහ ප්‍රතිශක්තිකරණ-වර්ධන ගුණාංග සඳහා Honey Fermented Garlic භාවිතා කරලා තියෙනවා. එය ප්‍රතිශක්තිකරණ පද්ධතියට සහාය වීම සහ උගුරේ අමාරුව සමනය කිරීම සඳහා සීතල මාසවලදී විශේෂයෙන් යොදාගන්නවා.