ඔයා වතුර බොන ප්‍රමාණය මත ඔයාගේ මුත්‍රාවල වර්ණය අවර්ණ තැනක ඉඳලා තද කහ පාටට හුරු තැනක් දක්වා අරගෙන යන්න පුලුවන් කියන එක අපි දන්නවනෙ. හැබැයි ඒ විතරක් නෙවෙයි මුත්‍රාවල වර්ණයට අපි අරගන්න කෑමවල තියෙන වර්ණක වගේම විවිධ ඖෂධ වගේ දේවලුත් බලපානවා. ඒ වගේම මුත්‍රවල වර්ණය අපිට තියෙන විවිධ රෝගා බාධ මොනවද කියන එකත් පෙන්නලා දෙනවා.
මුත්‍රා ස්වභාවිකවම කහ පාට වර්ණකයක් අරගත්ත ද්‍රාවණයක්. වෛද්‍යවරු ඒක යුරෝක්‍රෝම් කියල තමයි හඳුන්වන්නෙ. ඔයා හොඳටම hydrate වෙලා ඉද්දි ඔයාගෙ මුත්‍රාවල තියෙන්නෙ අවර්ණ හෝ ලාම ලා කහ පාටක්. ඔයා විජලනය වෙලා නම් තියෙන්නෙ ඔයාගෙ මුත්‍රවල පාට තද කහ හො දුඹුරු පාටකට වෙනස් වෙනවා. සමහර විට මේ මුත්‍රවල වර්ණය ඔයා වෛද්‍යවරයෙක් ලඟට යන්න ඕනද නැද්ද කියන එක පවා තීරණය කරනවා.
මුත්‍රා වර්ණ
මුත්‍රා වල වර්ණය අපි ගන්න බෙහෙත් වර්ග සහ බොන වතුර ප්‍රමාණය මත වෙනස් වෙනවා. ඒ වර්ණ ගොඩක් ඒවා normal කියන හඳුන්වන තැනක තිබුණත් සමහර අවස්තාවන් වලදි ඒක එහෙම නොවෙන තැනුත් නැතුවම නෙවෙයි.
පැහැදිලි මුත්‍රා
ඔයාගෙ මුත්‍රාවල වර්ණය පැහැදිලි එහෙම නැත්තම් අවර්ණයි නම් ඒකෙන් පෙන්නුම් කරන්නෙ ඔයා දවසකට බොන්න ඕන වතුර ප්‍රමාණය බොනවා කියන එක. Hydrate වෙන එක හොඳ දෙයක් උනත් ඕනවට වඩා hydrate වෙන එකෙන් අපේ ඇඟේ electrolyte අඩු වෙන්න හේතුවක් වෙන්න පුලුවන්.සාමාන්‍ය විදියට මුත්‍රාවල වර්ණය අවර්ණව තියෙන එක අවුලක් තියෙන දෙයක් නෙවෙයි. ඒ උනාට ඒක ඕනවට වඩා පැහැදිලි කියලා ඔයාට පේනවනම් ඒකෙන් අදහස් කරන්නෙ ඔයා වතුර බොන ප්‍රමාණය චුට්ටක් ඕනවට වැඩියි කියන එක අමතක කරන්න එපා.
පැහැදිලි මුත්‍රා මගින් සිරෝසිස් සහ වෛරස් හෙපටයිටිස් වැනි අක්මා ගැටළු පෙන්නලා දෙනවා . ඔයා එහෙම ගොඩක් වතුර බොන කෙනෙක් නොවී ඔයාගෙ මුත්‍රා ඕනවට වඩා පැහැදිලි නම් වෛද්‍යවරයෙක් එක්ක ඒක කතා කරන එකේ වරදක් නෑ.
කහ පැහැයට හුරු තැඹිලි පැහැයට හුරු මුත්‍රා
“සාමාන්‍ය” මුත්‍රාව්ල වර්ණය ලා කහ සිට ගැඹුරු ඇම්බර් පැහැයක් දක්වා වෙනවා. ඔයා වතුර බොද්දි ස්වභාවිකවම ඔයාගෙ මුත්‍රාවල තියෙන යුරෝක්‍රෝම් වර්ණකය ටික ටික අඩු වෙනවා. යුරෝක්‍රෝම් ඔයාගේ ලේ වල රතු රුධිර සෛල වල ඔක්සිජන් අරගෙන යන හිමොග්ලොබින් බිඳ වට්ටලා දානවා.
ගොඩක් වෙලාවලදි ඔයාගෙ මුත්‍රාවල පාට රැඳිලා තියෙන්නෙ ඒ වර්ණකය කොච්චර තනුක වෙලා තියෙනවද කියන එක උඩ. ඒ වගේම ඔයාගේ ලේ වල විටමින් බී ලොකු ප්‍රමාණයක් තියෙන හන්දා මුත්‍රා නියොන් කහ පාටින් පේන්න පුලුවන්.
රතු හෝ රෝස පැහැති මුත්‍රා
බීට් , රුබාබ් හෝ බ්ලූබෙරි වගේ ස්වභාවිකව තද රෝස පාට වර්ණක තියෙන කෑම වගේ ඒව කෑවම මුත්‍රාවල වර්ණය ඒකට සමාන වර්ණයකින් දකින්න ලැබෙන එක සාමාන්‍යය්‍යි. ඒ වගේම ඊට අමතරව මුත්‍රා තද රෝස පාටට වගේ පේන්න පුලුවන් තව අවස්තා තමයි මුත්‍රාවල රුධිරය එක්කහු වෙලා තියෙන හෙමාටුරියා කියන රෝග තත්ත්වය. ඒකට මුත්‍රා ආසාදන, විශාල වෙච්ච පුරස්ති ග්‍රන්ථි, වකුගඩු ගල් සහ මුත්‍රාශයේ හෝ වකුගඩු වල පිළිකා තත්ත්වයක් හේතු වෙනවා.
ඒ වගේම ඔයා ගන්න බෙහෙත් වල මේ රෝස, රතු වර්ණක තියෙනවනම් ඒකත් මුත්‍රාවල වර්ණය රෝස/රතු කරන්න හේතුවෙනවා. ඒ ඖෂධ අතර සෙන්නා හෝ සෙන්නා අඩංගු විරේචක, ෆීනසොපිරයිඩින් (පිරිඩියම්), ප්‍රතිජීවක ඇතුළත් වෙන්න පුලුවන්.
තැඹිලි පැහැති මුත්‍රා
පහත කියන කරුණු හන්දා ඔයාගෙ මුත්‍රා තැඹීලි හරි දුඹුරු පාටට වගෙ හැරෙන්න ඉඩක් තියෙනවා. එකක් තමයි විජලනය. ඒ කියන්නෙ වතුර අඩු වීම නිසා ඔයාගෙ මුත්‍ර තද කට පාටට හුරු තැඹිලි පාටකින් පේන්න පුලුවන්.
ඒ වගේම ඔයාගෙ මුත්‍රා තැඹිලි පාට සහ මලපහ ලා පාට නම් ඔයාගෙ පිත්තාශයේ හෝ අක්මාවේ තියෙන මොකක් හරි ගැටලුවක් හන්දා පිත ඔයාගෙ රුධිරයට එකතුවෙලා වෙන්නත් පුලුවන්. ඒ වගේම වැඩිහිටියන්ට ඇතිවෙන සෙංගමාලය කියන්නෙත් මුත්‍රා වර්ණය තැඹිලි පාට කරවන්න හේතුවෙන දෙයක්.
ඒ වගේම ඔයාගෙ මුත්‍රා තැඹිලි පාටට හරවන ඖෂධ අතර ෆීනසොපිරයිඩින් (පිරිඩියම්), ප්‍රති-ගිනි අවුලුවන ඖෂධය වන සල්ෆසලසීන් (අසුල්ෆිඩින්) සහ රසායනික චිකිත්සක ඖෂධ ඇතුළත් වෙනවා.
නිල් හෝ කොළ පාට මුත්‍රා
මේ පාට මුත්‍රා කියන්නෙ ටිකක් rare case එකක්. ගොඩක් වෙලාවට ඒක අපි ගන්න කෑම එක්ක ලොකුවටම බැඳිලා තියෙනවා. ඔයා ගන්න කැන්ඩි වගේ කෑම හරි බෙහෙත් වර්ගවල හරි නිල් කොල වර්නක තියෙනම් ඔයාගෙ මුත්‍රාවලට ඒ පාට එන්න ලොකු ඉඩක් තියෙනවා. ඒ වගෙම සිමෙටයිඩින් (ටැගමට්), ඇමිට්‍රිප්ටයිලයින්, ඉන්ඩොමෙතසින් (ඉන්ඩොසින්), ප්‍රොමෙතසීන් (ෆීනර්ගන්) සහ විටමින් බී අතිරේක කියන බෙහෙත් වල මේ වර්නක අඩංගු වෙනවා.
ඒ වගේම ඔයාගෙ වකුගඩු හා මුත්‍රාශටේ සිදු කරන වෛද්‍ය පරීක්ෂණ වලදි භාවිතා කරන ඩයි වර්ග නිසාත් මේ විදියට මුත්‍රාවල වර්ණක වෙනස් වෙන්න පුලුවන්. ඒ වගේම සුඩෝමොආස් ඒරුගිනෝසා බැක්ටීරියා ආසාදනය නිසාත් එහෙම වෙන්න පුලුවන්.
පවුල් හිතකර හයිපර්කල්සිමියාව කියන රෝග තත්ත්වයක් නිසාත් නිල් හෝ කොළ පැහැති මුත්‍රා පිටවෙන්න පුලුවන්. මේ තත්ත්වය ඇති උනාම ඔයාගෙ මුත්‍රාවල අඩු මට්ටමේ ඉඳලා මධ්‍යස්ථ කැල්සියම් මට්ටම් දක්වා වර්ණය වෙනස් වෙන්න පුලුවන්.
තද දුඹුරු පාට මුත්‍රා
තද දුඹුරු පාට මුත්‍රා පිටවෙන්නෙත් ගොඩක්ම විජලනය හන්දා.ඒ වගේම ඒක අතුරු ආබාධයක් වෙන්නත් පුලුවන්. මෙට්‍රොනිඩසෝල් (ෆ්ලැජිල්) සහ නයිට්‍රොෆුරැන්ටොයින් (ෆුරාඩන්ටින්), ක්ලෝරෝක්වීන් (අරලන්), කැස්කාරා හෝ සෙනා පදනම් කරගත් විරේචක සහ මෙතොකාබමෝල් ඇතුළු ඇතැම් ඖෂධ නිසාත් මේ තත්ත්වය ඇතිවෙනවා.
රුබාබ්, කෝමාරිකා හෝ ෆාවා බෝංචි ලොකු ප්‍රමාණයක් ආහාරයට ගන්න එකෙනුත් මේ තත්ත්වය ඇතිවෙනවා. දුඹුරු, තේ පැහැති මුත්‍රා, මාංශ පේශි පටක බිඳවැටීම නිසා ඇතිවන බරපතල වෛද්‍ය තත්වයක් වන රබ්ඩොමියෝලිසිස් රෝගයේ රෝග ලක්ෂණයක් වෙන්නත් පුලුවන්. ඒ වගේම පෝර්ෆිරියා කියන තත්ත්වයත් මේකට හේතුවක් කියල හොයාගෙන තියෙනවා.
ඒ වගේම තද දුඹුරු පාට මුත්‍රා අක්මා රෝගයක් නිසා ඇතිවෙන දෙයක් වෙනත් පුලුවන් පිත රුධිරයට එක්කහු වෙන නිසා. දැඩි ශාරීරික ක්‍රියාකාරකම්, විශේෂයෙන් දිවීම, තද දුඹුරු පැහැති මුත්‍රා පිටවීමට හේතුවක් වෙනවා වගේම ඒක exertional hematuria කියලා හඳුන්වනවා.
ඔයාගෙ වකුගඩු අකර්මණ්‍ය වීම ඔයාගෙ මුත්‍රාවල වර්ණය තද ඇම්බර්, රතු හෝ දුඹුරු පාටට හරවන්න හේතුවෙනවා. ගොඩක් අයට වකුගඩු රෝගය උත්සන්න වෙනකම්ම කිසිම රෝග ලක්ෂණයක් පෙන්නන්නෙ නෑ. සමහර අයට පොඩි පොඩි රෝග ලක්ෂණ පෙන්නුම් කරනවා.
මුත්‍රා අඩුවෙන් පිට වීම
නිතර මුත්‍රා කිරීමට අවශ්‍ය වීම
මුත්‍රා වල රුධිරය දැකීම
පෙන සහිත මුත්‍රා
නින්ද නොයාම සහ තෙහෙට්ටුව
අවධානය යොමු කිරීමේ අපහසුතාව
අත්, කකුල් හෝ මුහුණ ඉදිමීම, විශේෂයෙන් ඇස් වටා
මාංශ පේශි කැක්කුම
වකුගඩු රෝගයේ දෙවන අදියරෙදි මුත්‍රා වල වර්ණය කුමක්ද?
2 වන අදියර වකුගඩු රෝගය සාමාන්‍යයෙන් රෝග ලක්ෂණ ඇති කරන්නෙ නෑ. ඒ හන්දා ඔයාගේ මුත්‍රාවල පාට සාමාන්‍ය කහ පාටක් වෙන්න පුලුවන්. කොහොම උනත් ඔයාගේ මුත්‍රාවල වැඩි ප්‍රෝටීන් ප්‍රමාණයක් තියෙන එක මුත්‍රා වල පෙණ සහිත බවක් ඇතිවෙන්න හේතුවෙනවා.
වකුගඩු රෝගයේ තුන්වන අදිරයේදී මුත්‍රා වල වර්ණය කුමක්ද?
3 වන අදියර වකුගඩු රෝගයේදී, ප්‍රෝටීන් හෝ මුත්‍රාවලට එක්කහු වෙන්න පුලුවන් නිසා මුත්‍රා පෙන සහිත, තද ඇම්බර්, රෝස හෝ රතු පැහැයට හුරු වෙන්න ලොකු ඉඩක් තියෙනවා.
අසාමාන්‍ය මුත්‍රා වර්ණ සාමාන්‍යයෙන් ඇති වන්නේ විජලනය, ආහාර, බෙහෙත් වගේ දේවල් හන්දා. අසාමාන්‍ය වර්ණයක් දැක්කට පස්සෙ දින 2 සිට 3 දක්වා කාලය තුළ මුත්‍රා එහි සාමාන්‍ය වර්ණයට ආයෙ එන්න ඕන වෙන රෝග තත්ත්වයක් නැතිනම්.
ඔයාගේ මුත්‍රා වලාකුළු සහිත, දුඹුරු, නිල් හෝ කොළ පැහැයෙන් තියෙනවනම් සහ සාමාන්‍ය තත්ත්වයට ආයෙ එන්නෙ නැත්තම් වහාම වෛද්‍යවරයෙකු ලඟට යන්න අමතක කරන්න එපා.
